«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

دارىگەرلەر قاعازباستىلىقتان ارىلىپ ەمدەۋ ىسىنە ءمان بەرۋ كەرەك. بۇل رەتتە سالانى تسيفرلاندىرۋ ماڭىزدى. ەلەكتروندى تىركەۋ ەمحاناداعى ۇزىن-سونار كەزەكتى جويۋعا سەپتىگىن تيگىزەدى. شاردارا اۋدانىنا ارنايى بارعان ناسيحاتتىق توپتىڭ مۇشەلەرى جەرگىلىكتى تۇرعىندارمەن كەزدەسۋدە وسى باعىتتا اڭگىمە ءوربىتتى.

جولداۋ –  ۇلت بولاشاعىن جارقىن ەتەتىن ساياسي وقيعا. مەملەكەت باسشىسى جولداعان ماڭىزدى قۇجات ەلدىڭ قوعامدىق-ساياسي، الەۋمەتتىك-ەكونوميكالىق احۋالىن تالدايدى. بيىلعى بيىلعى جولداۋ حالىقتىڭ ءال-اۋقاتىن ارتتىرىپ، ەكونوميكامىزدىڭ وركەندەۋىنە ۇلەس قوسپاق. القالى جيىندا مەديتسينا سالاسىنداعى ماڭىزدى مىندەتتەر ايتىلىپ، جۇزەگە اسىرىلۋى ءتيىس ماسەلەلەر تالقىلاندى.

قابىلان ەرمەكباەۆ – جاۋشىقۇم دارىگەرلەر امبۋلاتورياسىنىڭ اعا دارىگەرى

ەلباسىمىزدىڭ بيىلعى جولداۋىن مەديتسينا قىزمەتكەرلەرى زور ىقىلاسپەن قابىل الدى. اسىرەسە، مەديتسينالىق سانيتارلىق كومەك كورسەتەتىن قىزمەتكەرلەردىڭ جۇمىستارى اتاپ كورسەتىلدى. ول جۇمىستاردىڭ بارلىڭى 2019 جىلدان باستاپ، تسيفرلاندىرۋعا كوشۋ كەرەكتىگىن ەكشەدى. ياعني، دارىگەرلەردىڭ بوس ۋاقىتى قاعاز جازۋمەن وتپەۋ كەرەك. تاعى ءبىر ماسەلە  مەديتسينالىق سانيتارلىق كومەك كورسەتەتىن قىزمەتكەردىڭ جالاقىسىن 1 قاڭتاردان باستاپ، 20 پايىزعا كوتەرۋدى تالاپ ەتىپ وتىر.

اقپاراتتىق ناسيحاتتىق توپ اۋدانداعى بىرقاتار زيالى قاۋىم وكىلدەرىنىڭ پىكىرىن تىڭدادى.كوشباسشىمىزدىڭ جولداۋىندا ايتىلعان حالىقتىڭ الەۋمەتتىك جاعدايى، تابىس پەن تۇرمىس ساپاسىن جاقسارتۋعا باعىتتالعان قادامداردى جان-جاقتى ءتۇسىندىردى.

ءمۇسىن الدابەرگەنوۆ – وقمپۋ دوتسەنتى

قوعامنىڭ نەگىزگى كۇشى،كاپيتالى ادام بولاتىن بولسا، سوعان بايلانىستى بيىلعى جولداۋ دا ەرەكشە بولدى. ونىڭ ىشىندە مەملەكەتىمىزدىڭ ىشكى دامۋ ماسەلەسىندە ەكونوميكالىق دامۋدىڭ مودۋلىنە ءمان بەرىپ وتىر...

جيىن سوڭىندا اۋدان اكىمى بولاتبەك قىستاۋوۆ ەلباسى جولداۋىنان تۋىندايتىن مىندەتتەردى ىسكە اسىرۋ شاقىردى. ال، شاردارالىقتار ءبىر كىسىدەي جۇمىلا وتىرىپ ەڭبەك ەتە بەرەتىندەرىن جەتكىزدى.

Abai.kz