پولشا استاناسىندا قازاقستانىڭ تۇڭعىش پرەزيدەنتى كۇنىنە وراي ەرەكشە شارا ءوتتى، دەپ حابارلادى اباي-اقپارات turkystan.kz-گە سىتلەمە جاساپ.

فريدەريك شوپەن اتىنداعى اۋەجايدا دومبىرا، قوبىز جانە جەتىگەن ءبىر ۋاقىتتا كۇي وينادى. جولاۋشىلار ەرەكشە اۋەندى ەستىپ، قويىلىمدى كورۋ ءۇشىن كوپتەپ جينالدى. سودان كەيىن اسەم اۋەزدى ءان-كۇيمەن بىرگە بي بيلەپ، ادامدار ءماز-مەيرام بولدى. كورەرمەندەر شارانى سمارتفوندارىنا ءتۇسىرىپ، قول شاپالاقتاپ، قىزىقتى قويىلىم ءۇشىن ريزاشىلىعىن ءبىلدىردى. ال اۋەجايداعى توسىن كونتسەرتتى جۇرگەنوۆ اتىنداعى ۇلتتىق ونەر اكادەمياسىنىڭ مۋزىكانتتارى قويدى. بۇل ولاردىڭ قازاقستاننىڭ تۇڭعىش پرەزيدەنتى كۇنىنە وراي شەتەلدىكتەرگە جاساعان توسىنسىيى بولدى.

«مۇنداي قويىلىمدى العاش رەت كورىپ وتىرمىن. ادامداردىڭ ءبارى ريزا. ويتكەنى ۇلى دالا مۋزىكاسى ۆارشاۆانىڭ ورتالىعىندا وينالدى. ءوزىم مۋزىكاعا جاقىن اداممىن. سوندىقتان وسىندا شىرقالعان ءان-كۇي دە، بيلەنگەن بي دە وتە كەرەمەت بولدى. ۇلكەن راحمەت»، - دەدى لەونيد ەسىمدى جولاۋشى.

«ماعان مۋزىكا مەن بي وتە قاتتى ۇنادى. ءسىزدىڭ ەلدىڭ مادەنيەتى مەن مۋزىكاسى ادەمى. قازاقستاندا بولعان ەمەسپىن. بىراق ونداي مۇمكىندىك تۋىپ جاتسا، قۋانا-قۋانا بارامىن. استانانىڭ سۋرەتتەرىن كورگەن ەدىم، شاھار بىردەن ۇنادى»، - دەيدى كورەرمەن بولعان اۋەجايدىڭ تاعى ءبىر جولاۋشىسى حاننا.

Abai.kz