قۇجاتقا 277 حالىق دەپۋتاتى داۋىس بەرگەن.

زاڭ جوباسىن پارلامەنتكە 3 جەلتوقساندا ۋكراينا پرەزيدەنتى پەتر پوروشەنكونىڭ ءوزى ۇسىنعان. وعان كەرچ بۇعازىندا رەسەيلىك اسكەردىڭ ءۇش ۋكراين كەمەسىن اتقىلاپ، تۇتقىنداعانى سەبەپ بولدى. زاڭ جوباسىنىڭ "جەدەل قارالۋى كەرەك" ستاتۋسى بولدى.

ۋكراينانىڭ سىرتقى ىستەر ءمينيسترى پاۆەل كليمكين ۋكراين ديپلوماتتارى رەسەيمەن 48 كەلىسىمدى توقتاتقانىن، ەندى تاياۋ ۋاقىتتا 40 كەلىسىمگە دە نۇكتە قويىلاتىنىن جەتكىزدى.

ۋكراينا مەن رەسەي اراسىنداعى دوستىق جانە ىنتىماقتاستىق جونىندەگى كەلىسىمگە 1997 جىلدىڭ 31 مامىرىندا سول كەزدەگى ەكى ەل پرەزيدەنتى لەونيد كۋچما مەن بوريس ەلتسين قول قويعان. كەلىسىم ون جىلعا (ودان ءارى اۆتوماتتى تۇردە جالعاسا بەرەدى) قول قويىلعان. جوعارعى رادا مەن مەملەكەتتىك دۋما قۇجاتتى بەكىتكەننەن كەيىن، كەلىسىم 1999 جىلدىڭ 1 ساۋىرىنەن باستاپ كۇشىنە ەندى.

6 جەلتوقساندا ۋكراينا جوعارعى راداسى شەكاراشىلارعا تەرريتورياعا قاۋىپ تونگەن كەزدە، ەسكەرتۋسىز وق اتۋعا رۇقسات بەردى.

Abai.kz