مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگىنىڭ قۇرىلىمىنا ءتيىستى وزگەرىس ەنگىزىلە وتىرىپ، تالداۋ جانە بولجامداۋ ورتالىعى قۇرىلدى. بۇل تۋرالى اقوردانىڭ ءباسپاسوز قىزمەتى حابارلايدى.

مەملەكەت باسشىسىنىڭ وكىمىمەن ەرجان جالباقۇلى باباقۇماروۆ قازاقستان رەسپۋبليكاسى پرەزيدەنتى اكىمشىلىگىنىڭ تالداۋ جانە بولجامداۋ ورتالىعىنىڭ مەڭگەرۋشىسى بولىپ تاعايىندالدى.

ەرجان باباقۇماروۆ 1969 جىلى دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتىن تامامداعان. ساياساتتانۋ عىلىمدارىنىڭ كانديداتى، ساياساتتانۋ عىلىمدارى قوعامدىق اكادەمياسىنىڭ اكادەميگى، قازاقستاننىڭ ساياساتتانۋ عىلىمدارى قاۋىمداستىعىنىڭ مۇشەسى.

ءارتۇرلى جىلدارى قازاقستان دامۋ ينستيتۋتىنىڭ ساياسي زەرتتەۋلەر ورتالىعىن، پرەزيدەنت اكىمشىلىگىنىڭ اقپاراتتىق-تالداۋ ورتالىعىن، قر پرەزيدەنتى جانىنداعى ورتالىق كوممۋنيكاتسيالار قىزمەتىن باسقارعان، مادەنيەت جانە اقپارات ۆيتسە-ءمينيسترى، مادەنيەت جانە اقپارات مينيسترلىگىندە جاۋاپتى حاتشى، قر پرەمەر-ءمينيسترىنىڭ كەڭسەسى باسشىسىنىڭ ورىنباسارى لاۋازىمدارىن اتقارعان.

Abai.kz