"سەن ءوزىڭ ەلگە قىزمەت ەتۋ ءۇشىن نە ىستەدىڭ؟" دەگەن ساۋالدى ءار پىكىرتالاستا ءبىر-بىرىنە قوياتىن ازاماتتاردى كوپ ەستىپ ءجۇرمىن. جالپى، ءبىزدىڭ قوعام اۋرۋ قوعام. بۇكىل وركەنيەتتى ەلدە "ەلگە قىزمەت ەتۋ" دەگەن تۇسىنىك جۇمىس ىستەپ، سالىق تولەۋمەن ولشەنەدى. قانداي ءارى قاي سالادا جۇمىس ىستەيتىنىڭ ماڭىزدى ەمەس. باستىسى ەڭبەك ەتۋشى ءارى سالىق تولەۋشى بولساڭ بارلىق قۇقىعىڭ قورعالادى. بارلىق ازاماتپەن تەڭسىڭ!

بىزدە ادام ەڭبەگىنىڭ قۇنى جوق. قاراپايىم مۇعالىم نە دارىگەر بولىپ، ەڭبەك ەتىپ، سالىق تولەپ وتىرساڭ كونكرەتنو ايتقاندا سەن قازاقستاندا ەشكىم ەمەسسىڭ. تى پروستوي ۆراچ. ۆوت ي ۆسە! تى پروستوي پرەپوداۆاتەل! ال، اۋىلدا جۇمىس ىستەسەڭ ۆووبششە جاعدايىڭ قيىن. شەكەڭنەن قاراپ سويلەسەدى. ادامدار ءبىر-بىرىمەن قىزمەتى مەن مانسابىنا قاراپ قاتىناس قۇرادى. باستىقتى سىيلايدى. وزىنەن تومەندى باسىنادى. وزگەشە وي ايتقان ازاماتتى "سەن ءوزىڭ ەلگە نە ىستەپ ەدىڭ؟" دەگەن سۇراققا الادى. ەگەر جاي مۇعالىم نە دارىگەر بولساڭ سەن ەلگە قاتىستى سىني وي ايتۋعا قۇقىعىڭ جوق ادام سەكىلدىسىڭ. سەبەبى، سەن مۇعالىمسىڭ، سانتەxنيكسىڭ، شوفەرسىڭ. تى نيكتو ۆووبششەم! سەن ايتا الاتىن اڭگىمەنىڭ شەگى بار! ۆووت، استانادا ءبىر مەكەمەنىڭ باسشىسى، نە اتىڭ ەلگە تانىمال ءانشى بولساڭ وندا ەل تۋرالى ايتقان ءسوزىڭدى ۇناماسا دا تىڭدايدى. مىقتى بيلىگىڭ بولسا تۋپوي بىردەڭەنى قۋىپ وتىرساڭ دا امال جوق تىڭدايدى. بەسىكتەگى بالانىڭ ءوزى كۇلمەيتىن انەكدوت ايتساڭ ءبارى كوڭىلىڭ ءۇشىن قارقىلداپ كۇلەدى. سەبەبى، سەندە بيلىك بار. بيلىك بار، اتاق بار دەمەك ەل تۋرالى ايتۋعا دا قۇقىعىڭ بار. پروستوي جۇمىستاعى قازاق بولساڭ سەنىڭ پىكىرىڭ مەن ويىڭا قول قويعانى بار. ءتىپتى ايتاتىن سوزىڭە دەيىن جازىلماعان زاڭمەن شەكتەۋ بار.