تاجىكستان بيلىگى بۇل جولى ايەلدەرگە حيدجاب كيۋگە زاڭدى تۇردە شەكتەۋ قويماقشى. وسىعان دەيىن تەك حالىق اراسىندا حيدجاب، ساتر، بۋركا جانە باسقا دا قارا ءتۇستى كيىم كيۋ سالت-داستۇرگە جات ەكەنى ايتىلىپ، ءتۇسىندىرۋ جۇمىستارى جۇرگىزىلىپ كەلگەن.
ەلدەگى قۇقىق قورعاۋشىلار مۇنداي شەكتەۋلەر تاجىك ايەلدەرىنىڭ قۇقىعىن بۇزادى دەپ ەسەپتەيدى.
تاجىكستان ۇكىمەتى جانىنداعى ايەلدەر جانە وتباسى ءىسى جونىندەگى كوميتەت ايەلدەرگە مەملەكەتتىك مەكەمەلەرگە حيدجاب كيۋگە تىيىم سالىنسىن دەپ باس پروكۋراتۋراعا سۇراۋ سالعان ەكەن. ال قاداعالاۋشى ورگان بۇل ءوتىنىشتى پرەزيدەنت اكىمشىلىگىنە جولداعان.
ەندى وسىنىڭ نەگىزىندە زاڭ جوباسىن ازىرلەۋ جونىندە مەكەمەارالىق كوميسسيا قۇرىلعان.
Abai.kz
