استانا. 4 مامىر. قازاقپارات/اينۇر كەنەباەۆا/ - قازاقستان رەسپۋبليكاسى پرەزيدەنتتىك مادەنيەت ورتالىعىندا «ەل ءۇمىتىن ەر اقتار، ەر اتاعىن ەل ساقتار» اتتى كورمە ءوتىپ جاتىر.

كورمە - «اسكەري اندەر» اتتى مادەني شاراسى اياسىندا ۇلى جەڭىستىڭ 66 جىلدىعى مەن ەل تاۋەلسىزدىگىنىڭ 20 جىلدىعىنا ورايلاستىرا ۇيىمداستىرىلىپ وتىرعان قوماقتى مادەني شارا.

ءىس-شارانىڭ نەگىزگى ماقساتى - جاس ۇرپاققا ونەگە بولار بابالار ەرلىگىن ۇلگى ەتۋ مەن جاستارعا پاتريوتتىق ءتالىم-تاربيە بەرۋ، وتانسۇيگىشتىك پەن باتىرلىققا باۋلۋ.

كورمەگە ۇلى وتان سوعىسىنان قالعان قارۋ-جاراق، اسكەري كيىمدەر، مايداننان كەلگەن حاتتار سىندى تاريحي جادىگەرلەر قويىلعان. سونىمەن قاتار جۇرتشىلىق نازارىنا «ستالينگراد تۇبىندەگى شايقاس»، «لەنينگراد قورشاۋى»،  «رەيحستاگقا تۋ تىگۋ» «جەڭىس شەرۋى» تاقىرىبىنداعى سوعىس الاڭىندا وتكەن وقيعالار مەن اسكەري قيمىلدار تاريحىن باياندايتىن فوتو شەجىرە ۇسىنىلعان.

باۋىرجان مومىشۇلى، قاسىم قايسەنوۆ، ساعادات نۇرماعامبەتوۆ سىندى اتى اڭىزعا اينالعان تاريحي تۇلعالاردىڭ اسكەري تاقىرىپتاعى ەڭبەكتەرى مەن ەستەلىكتەرى، سونداي-اق  ۇلى وتان سوعىسى تاقىرىبىن ارقاۋ ەتكەن وزگە دە شىعارمالار «ۇمىتىلماس ۇلى ەرلىك» اتتى كىتاپ كورمەسىنەن كەلىستى ورىن تاۋىپ، بۇگىنگى جاس ۇرپاققا قازاق باتىرلارىنىڭ ەرلىگىن پاش ەتىپ تۇرعانداي اسەر قالدىرادى.

استانا. 4 مامىر. قازاقپارات/اينۇر كەنەباەۆا/ - قازاقستان رەسپۋبليكاسى پرەزيدەنتتىك مادەنيەت ورتالىعىندا «ەل ءۇمىتىن ەر اقتار، ەر اتاعىن ەل ساقتار» اتتى كورمە ءوتىپ جاتىر.

كورمە - «اسكەري اندەر» اتتى مادەني شاراسى اياسىندا ۇلى جەڭىستىڭ 66 جىلدىعى مەن ەل تاۋەلسىزدىگىنىڭ 20 جىلدىعىنا ورايلاستىرا ۇيىمداستىرىلىپ وتىرعان قوماقتى مادەني شارا.

ءىس-شارانىڭ نەگىزگى ماقساتى - جاس ۇرپاققا ونەگە بولار بابالار ەرلىگىن ۇلگى ەتۋ مەن جاستارعا پاتريوتتىق ءتالىم-تاربيە بەرۋ، وتانسۇيگىشتىك پەن باتىرلىققا باۋلۋ.

كورمەگە ۇلى وتان سوعىسىنان قالعان قارۋ-جاراق، اسكەري كيىمدەر، مايداننان كەلگەن حاتتار سىندى تاريحي جادىگەرلەر قويىلعان. سونىمەن قاتار جۇرتشىلىق نازارىنا «ستالينگراد تۇبىندەگى شايقاس»، «لەنينگراد قورشاۋى»،  «رەيحستاگقا تۋ تىگۋ» «جەڭىس شەرۋى» تاقىرىبىنداعى سوعىس الاڭىندا وتكەن وقيعالار مەن اسكەري قيمىلدار تاريحىن باياندايتىن فوتو شەجىرە ۇسىنىلعان.

باۋىرجان مومىشۇلى، قاسىم قايسەنوۆ، ساعادات نۇرماعامبەتوۆ سىندى اتى اڭىزعا اينالعان تاريحي تۇلعالاردىڭ اسكەري تاقىرىپتاعى ەڭبەكتەرى مەن ەستەلىكتەرى، سونداي-اق  ۇلى وتان سوعىسى تاقىرىبىن ارقاۋ ەتكەن وزگە دە شىعارمالار «ۇمىتىلماس ۇلى ەرلىك» اتتى كىتاپ كورمەسىنەن كەلىستى ورىن تاۋىپ، بۇگىنگى جاس ۇرپاققا قازاق باتىرلارىنىڭ ەرلىگىن پاش ەتىپ تۇرعانداي اسەر قالدىرادى.

بۇگىنگى كورمەنىڭ سالتاناتتى اشىلۋىنا ساعادات نۇرماعانبەتوۆ اتىنداعى «جاس ۇلان» رەسپۋبليكالىق اسكەري مەكتەبىنىڭ ۇلاندارى مەن ۇلى وتان سوعىسىنىڭ ارداگەرلەرى قاتىستى.

«بۇگىنگى جاس ۇرپاق - ەڭسەلى ەلىمىزدىڭ تىرەگى، تاۋەلسىز مەملەكەتىمىزدىڭ جاس ۇلاندارى - جيىرما جىلدا قوماقتى جەتىستىكتەرگە جەتىپ ۇلگەرگەن قازاقستاننىڭ قايراتتى قورعانى، مارتەبەسىن مارقايتار جارقىن بولاشاعى، سوندىقتان دا بابالار ەرلىگى ماڭگىلىك ونەگە بولىپ، ۇلت بىرلىگى مەن دوستىق پەيىل نەگىزگى تىرەك بولىپ، ەل شاڭىراعى اسقاق، ۇرپاعى ۇلاعاتتى بولعاي»، - دەدى شارانىڭ اشىلۋ سالتاناتىندا قۇتتىقتاۋ ءسوز سويلەگەن قر پرەزيدەنتتىك مادەنيەت ورتالىعىنىڭ ديرەكتورى مىرزاتاي جولداسبەكوۆ.