ورال. 5 مامىر. قازاقپارات /ەلجان ەرالى/ - اقجايىق اۋدانى ورتالىعىندا سەناتورلار راشيت احمەتوۆ، ەربولات مۇقاەۆ جانە ءماجىلىس دەپۋتاتى شاۆحات وتەمىسوۆ تۇرعىندارمەن كەزدەستى.

كەزدەسۋدى اۋدان اكىمى اباي يمانعاليەۆ اشىپ، جۇرگىزدى.

ر.احمەتوۆتىڭ اتاپ وتكەنىندەي، ەلباسى نۇرسۇلتان نازارباەۆتىڭ سۋ تاسقىنى بولعان باتىس قازاقستان وبلىسىندا قالىپتاسقان جاعدايعا قانىعىپ، قىسپاقتا قالعان حالىق تۇرمىسىنىڭ وڭالۋىن قاپەردە ۇدايى ۇستاۋ قاجەتتىگىن ايتقانى ءمالىم. ءبىرىنشى كەزەكتە قاجەت قارجى ءبولىنىپ، العاشقى شارالارعا جۇمسالۋدا. وبلىس ورتالىعى مەن جەكەلەگەن اۋدانداردا سۋ تاسقىنى زارداپتارىنىڭ شىعىنى ناقتى انىقتالۋ ۇستىندە.

تاسقىن باسىپ، سۋ قورشاۋىندا قالعان ەلدى مەكەندەر حالقىنا جان-جاقتى كومەك كورسەتىلۋدە، ىشەر تاعام، جاتار ورىن بەرىلگەنى دە بەلگىلى.

كوكتەمگى سۋ تاسقىنىنىڭ زارداپتارىن جويۋعا بايلانىستى كوپتەگەن قام-قارەكەت اڭگىمەلەگەن سوڭ دەپۋتاتتار جۇرتتىڭ الۋان سۇراعىنا جاۋاپ بەردى. وسى ديدارلاسۋدان كەيىن شاۆحات وتەمىسوۆ اۋداننىڭ بىرنەشە اۋىلىندا تۇرعىندارمەن كەزدەسىپ، تۇرعىندار ساۋالىنا جاۋاپ بەردى. كەيبىر سۇراق-جاۋاپ مىنا باعىتتا ءوربىدى.

اقجايىق اۋدانى ارداگەرلەر كەڭەسىنىڭ توراعاسى عيلاج لۇقپانوۆ: -«ەگەمەن قازاقستان» گازەتىندە شىققان «كەنتتىڭ تۇسىنان كوپىر كەرەك» اتتى ماقالادا باياندالعان جاعدايعا بايلانىستى تۇرعىندار ءبىر شەشىم كۇتەدى. ويتكەنى ول كوپتەن ايتىلىپ كەلە جاتقان كوكەيكەستى ماسەلە. بۇل قالاي بولار ەكەن؟

ورال. 5 مامىر. قازاقپارات /ەلجان ەرالى/ - اقجايىق اۋدانى ورتالىعىندا سەناتورلار راشيت احمەتوۆ، ەربولات مۇقاەۆ جانە ءماجىلىس دەپۋتاتى شاۆحات وتەمىسوۆ تۇرعىندارمەن كەزدەستى.

كەزدەسۋدى اۋدان اكىمى اباي يمانعاليەۆ اشىپ، جۇرگىزدى.

ر.احمەتوۆتىڭ اتاپ وتكەنىندەي، ەلباسى نۇرسۇلتان نازارباەۆتىڭ سۋ تاسقىنى بولعان باتىس قازاقستان وبلىسىندا قالىپتاسقان جاعدايعا قانىعىپ، قىسپاقتا قالعان حالىق تۇرمىسىنىڭ وڭالۋىن قاپەردە ۇدايى ۇستاۋ قاجەتتىگىن ايتقانى ءمالىم. ءبىرىنشى كەزەكتە قاجەت قارجى ءبولىنىپ، العاشقى شارالارعا جۇمسالۋدا. وبلىس ورتالىعى مەن جەكەلەگەن اۋدانداردا سۋ تاسقىنى زارداپتارىنىڭ شىعىنى ناقتى انىقتالۋ ۇستىندە.

تاسقىن باسىپ، سۋ قورشاۋىندا قالعان ەلدى مەكەندەر حالقىنا جان-جاقتى كومەك كورسەتىلۋدە، ىشەر تاعام، جاتار ورىن بەرىلگەنى دە بەلگىلى.

كوكتەمگى سۋ تاسقىنىنىڭ زارداپتارىن جويۋعا بايلانىستى كوپتەگەن قام-قارەكەت اڭگىمەلەگەن سوڭ دەپۋتاتتار جۇرتتىڭ الۋان سۇراعىنا جاۋاپ بەردى. وسى ديدارلاسۋدان كەيىن شاۆحات وتەمىسوۆ اۋداننىڭ بىرنەشە اۋىلىندا تۇرعىندارمەن كەزدەسىپ، تۇرعىندار ساۋالىنا جاۋاپ بەردى. كەيبىر سۇراق-جاۋاپ مىنا باعىتتا ءوربىدى.

اقجايىق اۋدانى ارداگەرلەر كەڭەسىنىڭ توراعاسى عيلاج لۇقپانوۆ: -«ەگەمەن قازاقستان» گازەتىندە شىققان «كەنتتىڭ تۇسىنان كوپىر كەرەك» اتتى ماقالادا باياندالعان جاعدايعا بايلانىستى تۇرعىندار ءبىر شەشىم كۇتەدى. ويتكەنى ول كوپتەن ايتىلىپ كەلە جاتقان كوكەيكەستى ماسەلە. بۇل قالاي بولار ەكەن؟

ش.وتەمىسوۆ: -ءيا، بۇل ماڭىزدى ماسەلەنىڭ كوتەرىلگەنىنە كوپ بولدى. وبلىس اكىمى ب.ىزمۇقانبەتوۆتىڭ دە جىگەرلى قولداۋىن كورىپ ءجۇرمىز. قارجى داعدارىسى كيلىكتى، ەندى، مىنە، سۋ تاسقىنى. ەل حالقىنىڭ سۇراۋى وتە دۇرىس. كوپىر سالۋ كوپ قارجىنى قاجەت ەتەدى. ءالى دە قاجەتتىلىكتى دالەلدەپ، شىعار قارجىنىڭ شاماسىن انىقتاي ءتۇسۋ كەرەك.

چاپاەۆ اۋىلدىق وكرۋگى اكىمى زەينوللا نۇرمۇحامبەتوۆ: -تۇرعىن ءۇي-كوممۋنالدىق شارۋاشىلىعى (تكش) - ەل ەكونوميكاسىنىڭ ءىرى سالالارىنىڭ ءبىرى. بىزدە كوپ قاباتتى جانە ەكى قاباتتى تۇرعىن ۇيلەر بار. وسى ۇيلەردىڭ اۋىز سۋ، كارىز جۇيەلەر، جارىق جانە جىلۋ جاعدايلارىنا جوندەۋ جۇرگىزۋ ماسەلەسى ءوز شەشىمىن تابا الماي وتىر.

ش.وتەمىسوۆ: -وتە ورىندى ماسەلە. بۇدان كوپ بۇرىن پاتەر يەلەرى كووپەراتيۆى (پيك) قۇرىلعان بولاتىن. ولاردىڭ ءبارى بىردەي ءوز جۇمىستارىن تياناقتى اتقارعان جوق. سونىڭ كەسىرىنەن تۇرعىن ۇيلەر قاراۋسىز قالدى. ۇكىمەت جاقىندا «تۇرعىن ءۇي-كوممۋنالدىق شارۋاشىلىقتى جاڭعىرتۋ» باعدارلاماسىن قابىلدادى. باعدارلامادا تكش-ءنىڭ ءبىر-بىرىمەن تىعىز بايلانىستى ەكى باعىتى كورسەتىلگەن. اتاپ ايتقاندا، ءبىرىنشى باعىت «جول كارتاسى» بويىنشا جىلۋمەن، ەلەكترمەن جانە گازبەن جابدىقتاۋ جۇيەلەرىن جاڭعىرتۋ، ەكىنشى باعىت بويىنشا كوپپاتەرلى تۇرعىن ۇيلەردى جوندەۋ جايى. بيىلعى جولداۋدا «كۇردەلى جوندەۋدى قاجەت ەتەتىن نىسانداردىڭ ۇلەسى 32 پايىزدان 2015 جىلعا قاراي 22 پايىزعا تومەندەۋى ءتيىس» دەپ كورسەتىلگەن بولاتىن، وسى باعىتتا جۇمىس ورىستەۋى ءتيىس.

«جايىقتەحسەرۆيس» مكك ديرەكتورى مۇرات بوقاەۆ: -اۋىلدىق وكرۋگتەردىڭ كەيبىرىنە مەملەكەت سۋدى پايدالانۋعا سۋبسيديا بەردى. سونىڭ ارقاسىندا 1000 ليتر سۋ بار بولعانى 40 تەڭگە بولىپ وتىر. چاپاەۆتا جاز كەزىندە ءبىر تاۋلىكتە 320-350 توننا دەيىن سۋ پايدالانىلادى. قانشا ەلەكتر قۋاتى كەتىپ جاتىر؟ ءار تۇرعىن كۇنىنە 40 ليتر سۋدان ارتىق پايدالانباۋى زاڭداستىرىلماعان. ۇيدەن مال، باقشا سۋارادى، ماشينا جۋادى. وبال-اق. ال، «اقبۇلاق» باعدارلاماسى تەك اۋىز سۋ ءۇشىن عانا...

ش.وتەمىسوۆ: -كورسەتىلگەن قامقورلىقتى دۇرىس تۇسىنۋگە ءتيىستىمىز. شاشپاشىلىققا جول جوق. وسى باعدارلاما قابىلداناردا سۋدىڭ جۇمسالۋى انىقتالىپ،  ءبولىنىپ كورسەتىلۋى كەرەك ەدى. ءالى دە كەش ەمەس. پارلامەنتتە بۇل ماسەلەگە ادەيى توقتالاتىن بولامىز.

كەزدەسۋگە كەلگەندەر مال ونىمدەرىن وتكىزۋدىڭ تۇيتكىلدى جايلارى، كاپۋستين يار پوليگونىنا بايلانىستى جەڭىلدىكتەر، ءۇش تىلدىلىك جانە مەملەكەتتىك ءتىل، المالىعا كىرەبەرىس جولدىڭ جوندەلۋى، باۋ-باقشاعا نەسيە بەرۋ جايى، وپتيكالىق بايلانىستىڭ تەك سويلەسۋگە عانا پايدالانىلىپ وتىرعانىنا توقتالىپ، ءوز پىكىرلەرىن ءبىلدىردى. كەزدەسۋگە قاتىسقاندار حالىق قالاۋلىلارىنا بۇدان بىلايعى جۇمىستارىنا تىڭ تابىستار تىلەدى.