كەدەندىك وداق قۇرىلعالى ءبىزدىڭ شەنەۋنىكتەرىمىز ورىس اۆتوونەركاسىبىنىڭ، ونىڭ ىشىندە «ورىس ۇلتىنىڭ ماسقاراسى» اتالاتىن «اۆتوۆاز» كونتسەرنىنىڭ سويىلىن سوعىپ كەلەدى. سوعان بولا شەتەلدەن الىپ كەلىنەتىن اۆتوكولىكتەرگە سالىناتىن باج تولەمدەرى مەن سالىقتاردى كوتەرىپ الەك. وزدەرى «تويوتا» مەن «مەرسەدەس» ءمىنۋدى ۇناتسا دا، قالىڭ بۇقاراعا قيعانى ۇيالا-ۇيالا ماشينا دەۋگە بولاتىن «لادالار» مەن «نيۆالار». سول «لادالار» كەشە بۇكىل رەسەيدى دە، ونىڭ باس بيلەۋشىسى ۆلاديمير ءپۋتيندى دە ابدەن ۇياتقا قالدىردى.

11 مامىر كۇنى رەسەيدىڭ پرەمەر-ءمينيسترى ۆ.پۋتين تولياتتي قالاسىندا وتكەن ماشيناقۇراستىرۋشىلار وداعىنىڭ كەزەكتى قۇرىلتايىنا قاتىستى. ورىستىڭ ونەركاسىپشىلەرى داعدارىسقا قاراماي «اۆتوۆازدى» ۇستاپ تۇرۋ ءۇشىن ميلليارداپ قاراجات بولگىزىپ وتىرعان جارىلقاۋشىلارىن قۇدايداي كۇتتى. وسى «تاريحي» وقيعاعا وراي كاسىپورىن ءوزىنىڭ «سۋپەرجاڭالىعىن»، ياعني حالىقتى قالتاسىنان قاقپايتىن، «ۇنەمدى» «لادا Granta» اۆتوكولىگىنىڭ تۇساۋكەسەرىن دايىنداعان بولاتىن. بۇعان بولا «اۆتوۆاز» وزدەرىنىڭ جاڭا مودەلدەرىن بارلىق جۇرتتان جاسىرىپ، ونى «العاشقى بولىپ پۋتين كورۋى كەرەك»، وعان «ءبىرىنشى بولىپ پۋتين وتىرۋى قاجەت» دەپ جالباقتاپ جاڭا مودەلىنە ادام جاقىنداتپادى. ويتەتىندەي ءجونى دە بار ەكەن...

كەدەندىك وداق قۇرىلعالى ءبىزدىڭ شەنەۋنىكتەرىمىز ورىس اۆتوونەركاسىبىنىڭ، ونىڭ ىشىندە «ورىس ۇلتىنىڭ ماسقاراسى» اتالاتىن «اۆتوۆاز» كونتسەرنىنىڭ سويىلىن سوعىپ كەلەدى. سوعان بولا شەتەلدەن الىپ كەلىنەتىن اۆتوكولىكتەرگە سالىناتىن باج تولەمدەرى مەن سالىقتاردى كوتەرىپ الەك. وزدەرى «تويوتا» مەن «مەرسەدەس» ءمىنۋدى ۇناتسا دا، قالىڭ بۇقاراعا قيعانى ۇيالا-ۇيالا ماشينا دەۋگە بولاتىن «لادالار» مەن «نيۆالار». سول «لادالار» كەشە بۇكىل رەسەيدى دە، ونىڭ باس بيلەۋشىسى ۆلاديمير ءپۋتيندى دە ابدەن ۇياتقا قالدىردى.

11 مامىر كۇنى رەسەيدىڭ پرەمەر-ءمينيسترى ۆ.پۋتين تولياتتي قالاسىندا وتكەن ماشيناقۇراستىرۋشىلار وداعىنىڭ كەزەكتى قۇرىلتايىنا قاتىستى. ورىستىڭ ونەركاسىپشىلەرى داعدارىسقا قاراماي «اۆتوۆازدى» ۇستاپ تۇرۋ ءۇشىن ميلليارداپ قاراجات بولگىزىپ وتىرعان جارىلقاۋشىلارىن قۇدايداي كۇتتى. وسى «تاريحي» وقيعاعا وراي كاسىپورىن ءوزىنىڭ «سۋپەرجاڭالىعىن»، ياعني حالىقتى قالتاسىنان قاقپايتىن، «ۇنەمدى» «لادا Granta» اۆتوكولىگىنىڭ تۇساۋكەسەرىن دايىنداعان بولاتىن. بۇعان بولا «اۆتوۆاز» وزدەرىنىڭ جاڭا مودەلدەرىن بارلىق جۇرتتان جاسىرىپ، ونى «العاشقى بولىپ پۋتين كورۋى كەرەك»، وعان «ءبىرىنشى بولىپ پۋتين وتىرۋى قاجەت» دەپ جالباقتاپ جاڭا مودەلىنە ادام جاقىنداتپادى. ويتەتىندەي ءجونى دە بار ەكەن...

جينالعانداردىڭ الدىندا ءسوزىن سويلەپ، بەرەر ۋادەلەرىن بەرىپ بولعان سوڭ پۋتين جۋرناليستەرمەن بىرگە «لادا Granta» كولىگى تۇرعان پاۆيلونعا بارادى. ورىس پرەمەرى سۋ جاڭا قىپ-قىزىل ماشينانى ەكى اينالىپ، تاڭدايىن قايتا-قايتا قاعىپ، ادەتىنشە رۋلگە وتىرىپ، ونى وتالدىرماقشى بولادى. بار بالە وسى جەردە باستالدى. سان  رەت ماقتالىپ، سان رەت تەكسەرۋدەن وتكەن كولىك قىرسىققانداي وتالماي قويادى. وسى كەزدە ورىس شەنەۋنىكتەرى مەن اۆتوزاۋىتتىڭ باسشىلىعى بۇلقىنىپ، قىزارىپ-بوزارىپ، جەر استىنا كىرىپ كەتە جازدادى. ماقتاۋلى ماشينا تەك بەسىنشى رەتتەن كەيىن وتالىپ، قوزعالدى!

ماشينانى از-ماز جۇرگىزگەن پۋتين جۋرناليستەرگە قىسىلا-قىمتىرىلا: «جاپ-جاقسى كولىك ەكەن. مۇندايمەن داچاعا بارۋ ىڭعايلى ەكەن» دەگەننەن باسقا ەشتەڭە ايتا المادى. ساسقان ۇيرەك ارتىمەن جۇزەدى دەمەكشى، باسقا ماقتاۋ تاپپاي «جاقسى كولىك قوي! قاراڭدارشى باگاجنيگىنە ەكى قاپ كارتوپ سىيىپ كەتەدى» دەپ ءبوسىپتى. ۆلاديمير پۋتين جينالىستان كەتىپ قالعاننان كەيىن «رەسەيلىك اۆتوكولىكتىڭ» باسقا دا قىزىقتارى بەلگىلى بولدى. «لادا Granta» مودەلىن شىن مانىندە «رەسەيلىك» دەۋگە دە كەلمەس. سەبەبى كولىكتىڭ قوزعاعىشى فرانتسيالىق «رەنونىكى» بولسا، بەرىلىس قورابى جاپوندىق «Nissanدىكى» بولىپ شىقتى.

سوندىقتان، قۇرمەتتى اعايىن، ارزان دا بولسا ورىستىڭ جامان ارباسىن العانشا، جاپوننىڭ نە نەمىستىڭ ەسكىسىن العان الدەقايدا ءتيىمدى بولار دەپ شەشتىك. كەرەمەت دەيتىن بولسا، شەنەۋنىكتەرىمىزدىڭ وزدەرى الگى «لادا Grantaعا» ءمىنىپ، داچاسىنا بارىپ، كارتوپ تاسىسىن دەمەكپىز.

«اباي-اقپارات»