2009 جىلدىڭ 22-26 مامىر كۇندەرى رەسەيدىڭ تاۋەلسىز «لەۆادا-تسەنتر» تالداۋ ورتالىعى وسى ەلدىڭ 128 ەلدى-مەكەنىندە ارنايى ساۋالناما جۇرگىزىپ، رەسەيلىكتەردىڭ باسقا ەلدەر مەن حالىقتارعا دەگەن كوزقاراسىن زەرتتەپتى. وسى ساۋالنامانىڭ قورىتىندىلارى بويىنشا بەدەلدى زەرتتەۋ ورتالىعى رەسەيگە «ەڭ جاقىن» جانە «ەڭ جاۋ» ەلدەردىڭ رەيتينگىسىن جاساپ شىقتى.
رەسەي تۇرعىندارىنىڭ پىكىرىنشە، بۇگىنگى كۇنى ولاردىڭ «اتا جاۋى» گرۋزيندەر ەكەن. ساۋالناماعا قاتىسقانداردىڭ 62 پايىزى رەسەيدىڭ باستى جاۋى دەپ وزدەرى بىلتىر عانا سوعىسقان گرۋزيانى تانىپتى. رەسەي «جاۋلارىنىڭ» رەيتينگىندەگى ەكىنشى جانە ءۇشىنشى ورىندى اقش (45 %) پەن ۋكراينا (41 %) يەمدەنىپتى. وسىلاردان كەيىنگى جاۋ مەملەكەتتەردىڭ تىزىمىنە لاتۆيا (35 %), ليتۆا (35 %) جانە ەستونيا (31 %) سياقتى بالتىق ەلدەرى كىرىپتى. ولارمەن قاتار رەسەي «جاۋلارى» قاتارىندا پولشا (10 %), اۋعانستان (7 %), يراك (5 %) جانە يران (3 %) اتالعان ەكەن.
ال ەندى رەسەيلىكتەردىڭ تۇسىنىگىندەگى «ەڭ جاقىن» ەلدەر قايسىسى دەيسىزدەر عوي؟ بۇگىنگى كۇنى رەسەي ءۇشىن ەڭ جاقىن ەل بەلورۋسسسيا ەكەن. رەسەيلىكتەردىڭ 50 پايىزى وسى پىكىردە! ولاردىڭ وسى پىكىرىنە بەلورۋسسيا پرەزيدەنتى لۋكاشەنكونىڭ سوڭعى كەزدەگى انتيرەسەيلىك سوزدەرى دە، ەكى ەل اراسىندا باستالعان «ءسۇت سوعىسى» دا اسەر ەتپەگەن سىڭايلى.

2009 جىلدىڭ 22-26 مامىر كۇندەرى رەسەيدىڭ تاۋەلسىز «لەۆادا-تسەنتر» تالداۋ ورتالىعى وسى ەلدىڭ 128 ەلدى-مەكەنىندە ارنايى ساۋالناما جۇرگىزىپ، رەسەيلىكتەردىڭ باسقا ەلدەر مەن حالىقتارعا دەگەن كوزقاراسىن زەرتتەپتى. وسى ساۋالنامانىڭ قورىتىندىلارى بويىنشا بەدەلدى زەرتتەۋ ورتالىعى رەسەيگە «ەڭ جاقىن» جانە «ەڭ جاۋ» ەلدەردىڭ رەيتينگىسىن جاساپ شىقتى.
رەسەي تۇرعىندارىنىڭ پىكىرىنشە، بۇگىنگى كۇنى ولاردىڭ «اتا جاۋى» گرۋزيندەر ەكەن. ساۋالناماعا قاتىسقانداردىڭ 62 پايىزى رەسەيدىڭ باستى جاۋى دەپ وزدەرى بىلتىر عانا سوعىسقان گرۋزيانى تانىپتى. رەسەي «جاۋلارىنىڭ» رەيتينگىندەگى ەكىنشى جانە ءۇشىنشى ورىندى اقش (45 %) پەن ۋكراينا (41 %) يەمدەنىپتى. وسىلاردان كەيىنگى جاۋ مەملەكەتتەردىڭ تىزىمىنە لاتۆيا (35 %), ليتۆا (35 %) جانە ەستونيا (31 %) سياقتى بالتىق ەلدەرى كىرىپتى. ولارمەن قاتار رەسەي «جاۋلارى» قاتارىندا پولشا (10 %), اۋعانستان (7 %), يراك (5 %) جانە يران (3 %) اتالعان ەكەن.
ال ەندى رەسەيلىكتەردىڭ تۇسىنىگىندەگى «ەڭ جاقىن» ەلدەر قايسىسى دەيسىزدەر عوي؟ بۇگىنگى كۇنى رەسەي ءۇشىن ەڭ جاقىن ەل بەلورۋسسسيا ەكەن. رەسەيلىكتەردىڭ 50 پايىزى وسى پىكىردە! ولاردىڭ وسى پىكىرىنە بەلورۋسسيا پرەزيدەنتى لۋكاشەنكونىڭ سوڭعى كەزدەگى انتيرەسەيلىك سوزدەرى دە، ەكى ەل اراسىندا باستالعان «ءسۇت سوعىسى» دا اسەر ەتپەگەن سىڭايلى.
ايرىقشا اتاپ وتەيىك، رەسەي ءۇشىن «ەڭ جاقىن» ەلدەردىڭ رەيتينگىسىندەگى ەكىنشى ورىن ءبىزدىڭ ۇلەسىمىزدە ەكەن. ءبىزدىڭ باسشىلارىمىز بەن ساياساتشىلارىمىزدىڭ رەسەي الدىندا جالپىلداۋى ءوز ناتيجەسىن بەرگەن بولۋى كەرەك، رەسەيلىكتەردىڭ 38 % قازاقستاندى «ادال دوس» دەپ بىلەدى ەكەن.
رەسەيگە «ەڭ جاقىن» ەلدەردىڭ قاتارىندا بەلورۋستار مەن قازاقتاردان كەيىن قىتاي (18 %), - گەرمانيا (17 %),  ارمەنيا (15 %), ءۇندىستان (12 %) اتالىپتى. رەسەي «دوستارىنىڭ» ءتىزىمىن كۋبا (11 %), ءازىربايجان (10 %), قىرعىزستان (9 %), وزبەكستان (9%) سياقتى ەلدەر اياقتايدى.
رەسەيلىكتەردىڭ 13 پايىزى «رەسەيدىڭ دوستارى جوق» دەپ ۇيعارسا، تەك 3 پايىزى عانا «رەسەيدىڭ جاۋلارى جوق» دەپ تۇسىنەدى ەكەن.
وسىدان كەيىن-اق «ايۋدىڭ» قانداي قۇبىجىق ءتۇس كورىپ جاتقانىن وزدەرىڭىز جوبالاي بەرىڭىز. قاراپ وتىرساڭىزدار، وسى ەلدىڭ ۇكىمەتى تۇگىل قاراپايىم حالقى دا رەسەيگە «دوس» ەلدەردىڭ سانى ازايىپ بارا جاتقانىن جاقسى تۇسىنە باستاعانداي. ەسەسىنە، رەسەي بيلىگى ءوز حالقىنىڭ كوپشىلىگى «دوس» دەپ تانىعان ەلدەردى ۋىسىنان شىعارماۋعا تىرىسىپ، سوعان جانتالاسا جۇمىس جاساپ جاتقانىن دا ايقىن كورىپ وتىرمىز. حالقىنىڭ وسىنداي كوڭىل-كۇيىن بىلگەن رەسەي باسشىلىعى ەرتەڭگى كۇنى گرۋزياعا نە ۋكرايناعا قارسى مايدان اشسا دا تاڭ قالمايمىز.
قۇدايدان سۇرارىمىز ءبىر: رەسەيدى بىزگە «جاۋ» دا، «دوس» تا قىلا كورمەسىن. «جاۋ» بولساق ىشىمىزدەن بۇلىك شىعارادى، تىم «دوس» بولىپ كەتسەك – قۇشاعىندا تۇنشىقتىرىپ ولتىرەدى. قايسىسىن دا اۋلاق قىلسىن!

«اباي-ينفورم»