13 اقپان كۇنى Abai.kz اقپاراتتىق پورتالىندا "رۋدنىيدىڭ اكىمى "رۋحاني جاڭعىرۋعا" قارسى ما؟" اتتى ماقالا جاريالانعان بولاتىن. ول ماقالادا  رۋدنىي قالاسىنىڭ اكىمى باقىتجان عايازوۆتىڭ جەرگىلىكتى تۇرعىندارعا ەسەپ بەرۋ كەزدەسۋىندە بولعان جاي باياندالعان ەدى. 

اكىم ەسەبىنە كەلگەن رومان تۇرلىبەكوۆ دەگەن تۇرعىن:

«مەن وسىنداعى لەنين، وكتياردىڭ 50 جىلدىعى، دزەرجينسكي كوشەلەرىنىڭ اتى وزگەرەدى دەگەندى ەستىدىم. مۇنىڭ كەرەگى نە؟ بۇل ءبىزدىڭ تاريحىمىز ەمەس پە؟ بۇيتە بەرسەك ءتىپتى كەلەشەكتە رۋدنىيدىڭ اتى دا وزگەرەر», - دەپ قارسىلىق كورسەتكەن.

ال وعان قالا اكىمى باقىتجان عايازوۆ:

«شىنىن ايتقاندا مەنىڭ ءوزىم دە مۇنداي وزگەرتۋگە شىن نيەتىممەن قارسىمىن. 2017 جىلعى دەيىن نەبارى 6 كوشەنى وزگەرتتىك. مەن جاقىندا بۇل ءۇردىستى ءبىرجولاتا توقتاتتىم»، - دەي كەلە الداعى 1,5-2 جىلدا رۋدنىيدا ەشبىر كوشەنىڭ اتىنىڭ وزگەرمەيتىندىگىنە ۋادە بەرگەن.

بۇگىن سول رۋدنىي اكىمشىلىگىنەن رەسمي حات كەلدى. ول حاتتا بىلاي دەلىنگەن (سۋرەتتە):

قوش! ءبىز اكىمشىلىكتىڭ دەرەۋ قيمىلداپ، دەر كەزىندە سىني ماقالاعا جاۋاپ بەرگەنىنە ريزاشىلىق بىلدىرەمىز. دەسە دە، تاۋەلسىزدىك العانىمىزعا شيرەك عاسىردان اسقانىن ەسكەرتە وتىرىپ، "رۋحاني جاڭعىرۋ" اياسىندا باتىر قادامدارعا بارۋ كەرەكتىگىن قاپەرلەرىنە سالا كەتكىمىز ءجون شىعار.

لەنين، وكتياردىڭ 50 جىلدىعى، دزەرجينسكي سەكىلدى كوشەلەردىڭ اتى رەسەيدىڭ وزىندە كۇرەسىنگە لاقتىرىلدى. وعان رۋدنىيدىڭ كەي تۇرعىندارى قارسى بولدى ەكەن دەپ، ەلباسىنىڭ ساياساتىن قولداماي قويۋ، ياكي ۋاقىتشا توقتاتۋ اكىمگە ابىروي اپەرمەسى انىق. وسىنى ەسكەرگەيسىزدەر!

Abai.kz اقپاراتتىق پورتالى