بۇگىن ورتالىق كوممۋنيكاتسيالار قىزمەتىندە قر اقپارات جانە كوممۋنيكاتسيالار مينيسترلىگىنىڭ القا ءماجىلىسى ءوتتى. جينالىستا ۆەدومستۆو باسشىسى داۋرەن اباەۆ بايانداما جاسادى. 

اقپارات جانە كوممۋنيكاتسيالار ءمينيسترى داۋرەن اباەۆ وتكەن ءبىر جىلدا اتقارىلعان ءىس-شارالار مەن قوعامداعى ماڭىزدى وقيعالار جايلى جان-جاقتى باياندادى.

ۆەدومستۆونىڭ كەڭەيتىلگەن القا وتىرىسىندا الدىمەن «تسيفرلىق قازاقستان» باعدارلاماسىنىڭ ورىندالۋ بارىسى ءسوز بولدى. بيىل ەلىمىزدە مەملەكەتتىك قىزمەتتەردىڭ 80 پايىزى ەلەكتروندى تۇردە كورسەتىلگەن. ال كەلەر جىلى كورسەتكىشتى 90 پايىزعا جەتكىزىلۋ كوزدەلىپ وتىر. «تسيفرلىق قازاقستان» باعدارلاماسى اياسىندا اۋىلدىق ەلدى مەكەندەردى تۇگەلدەي ينتەرنەتپەن قامتۋ جايى قوزعالدى. ونىڭ ايتۋىنشا، شالعاي جاتقان اۋىلدارعا تالشىقتى-وپتيكالىق جەلىلەر ارقىلى ساپالى ينتەرنەتتى تارتۋ جۇمىستارى دا جالعاسا بەرەدى. وتكەن جىلى 144 مىڭنان استام ادامدى قامتيتىن 56 اۋىلدى ەلدى مەكەن ساپالى ينتەرنەتپەن قامتىلدى. نەگىزگى ماقسات - 1 249 ەلدىمەكەندى كەڭ جولاقتى جەلىمەن قامتاماسىز ەتۋ. جوبانى جۇزەگە اسىرۋ بارىسىندا 20 مىڭ شاقىرىمدى قۇرايتىن تالشىقتى-وپتيكالىق جەلى قۇرىلىسىن سالۋ جوسپارلانىپ وتىر.

بۇدان بولەك، ەلىمىزدە مەملەكەتتىك پورتالداردى بىرىكتىرۋ كوزدەلىپ وتىر. سول ارقىلى ماڭىزدى اقپاراتتاردى ءبىر جۇيەدەن الۋعا مۇمكىندىك تۋادى.

– قازىرگى ۋاقىتتا ەلەكتروندىق ۇكىمەت پورتالىنا 8 ملن ادام تىركەلگەن. 18 جىل ەل تۇرعىندارىنا 30 ملن قىزمەت ءتۇرى ەلەكتروندى تۇردە كورسەتىلدى. ەلەكتروندى ۇكىمەتتىڭ دامۋ دەڭگەيى بويىنشا بۇۇ زەرتتەۋ قورىتىندىسىنا ساي قازاقستان 39 ورىننان كورىندى. بۇل – وتە جوعارى كورسەتكىش، - دەدى داۋرەن اباەۆ.

بۇعان قوسا، شالعايدا جاتقان اۋىلدارعا تەك وتاندىق تەلەارنالار كورسەتىلىپ، تۇرعىندارعا سپۋتنيكتىك قوندىرعىلار تەگىن تاراتىلادى. ماڭعىستاۋ، تۇركىستان، جامبىل وبلىستارى جانە شىمكەنت قالاسى بىلتىر تولىق تسيفرلىق تەلەحابار تاراتۋ جۇيەسىنە كوشتى.  اقپارات جانە كوممۋنيكاتسيالار ءمينيسترىنىڭ ايتۋىنشا، وتكەن جىلى اتقارىلعان اۋقىمدى جۇمىستاردىڭ ءبىرى بۇل. ەندىگى كەزەك الماتى، پاۆلودار جانە قوستاناي وڭىرلەرىندە. سەبەبى بۇل ايماق تۇرعىندارى، اسىرەسە شالعايداعى ەلدى مەكەندەر وتاندىق تەلەارنانى تاماشالاپ، راديو جەلىنى تاڭدايتىن بولادى. ياعني كۇن سايىن تەك قازاقستاننىڭ ءانۇرانى ورىندالىپ، وسكەلەڭ ۇرپاق قازاق ەرتەگىلەرىنە قۇلاق تۇرەدى ءارى اۋەزدى انگە تەربەلىپ وسەدى.

- وتكەن جىلى الماتى، تۇركىستان، شىعىس قازاقستان وبلىستارىنىڭ 300 مىڭنان اسا تۇرعىنى بار 12 شەكارالىق ايماعىنا قازاق راديوسى مەن شالقاردىڭ حابارلارى تاراي باستادى. قازتەلەراديوعا وسى جۇمىستى ەرەكشە باقىلاۋعا ۇستاۋدى تاپسىرامىن. بۇل ءبىزدىڭ ۇلتتىق اقپاراتتىق قاۋىپسىزدىگىنە تىكەلەي ىقپالى بار شارۋا. ەلىمىزدىڭ ەڭ شالعاي جەرلەرىن مەكەندەپ وتىرعان ادامدار راديو قابىلداعىش ارقىلى قىتاي نەمەسە رەسەيدىڭ ەمەس، قازاقستاننىڭ راديوسىنا قۇلاق ءتۇرۋى ءتيىس. بۇل مينيسترلىكتىڭ ۇيىتقى بولۋىمەن قازاق تىلىندە تۇسىرىلگەن كوپ ءبولىمدى فيلمدەر. ۇزىن-سانى - 46. بارلىعى دەرلىك كورەرمەندەردىڭ وڭ باعاسىن العان. ايتا كەتەيىك، كورشى مەملەكەتتەردە وتاندىق تەلەرنالار كورسەتىلەتىن بولدى. ماسەلەن، «حابار» اگەنتتىگى رەسەيدەگى قانداستارىمىز قونىستانعان ەلدى مەكەندەردە اقپارات تاراتادى، - دەدى مينيستر.

القا وتىرىسىندا ءسوز بولعان تاعى ءبىر ماسەلە، الەۋمەتتىك جەلىلەر مەن ءتۇرلى مەسسەندجەردە تارالىپ جۇرگەن وقۋشىلار توبەلەسى جايلى ۆيدەولاردى جويۋ جايى بولدى. مۇنداي ۇسىنىستى بۇعان دەيىن بىلىم جانە عىلىم ءمينيسترى ەرلان ساعاديەۆ ايتقان بولاتىن. ساعاديەۆتىڭ ۇسىنىسىنا ساي زورلىق-زومبىلىق سيپاتىنداعى ۆيدەولاردى بۇعاتتاۋ باعىتىندا جۇمىس ىستەلەتىنى ايتىلدى.

- ەندى، ءبىز بارلىق ماسەلەلەردى شەشە المايمىز. ءيا، ءبىلىم جانە عىلىم مينيسترلىگىنىڭ وتىنىشتەرىن قاراۋ مەرزىمىن، جالپى وسى سالاداعى اكىمشىلىك پروتسەدۋرالاردى ءبىر ساعاتقا دەيىن قىسقارتتىق. الايدا الەۋمەتتىك جەلىنىڭ اكىمشىسى دە بار.سوندىقتان ۆيدەونى بۇعاتتاۋ ۋاقىتى سوزىلىپ كەتۋى مۇمكىن. بىراق ونىمەن بىرەۋ زورلىق-زومبىلىق فاكتىلەرىن جاسىرايىن دەپ وتىرعان جوق. ءبىز ءاربىر ارەكەتتىڭ زاڭدى تۇردە قارالعانىن قالايمىز، - دەدى اقپارات جانە كوممۋنيكاتسيالار ءمينيسترى.

سونىمەن قاتار، داۋرەن اباەۆ قازىر قوعامدا قىزۋ تالقىلانىپ جاتقان جۋرناليستەردى اككرەديتاتسيالاۋ ءىسى جايلى ايتتى. ول بۇل ماسەلە بويىنشا ەرەجەگە تۇزەتۋلەر ەنگىزۋ ورتاق كەلىسىم جۇزىندە عانا جۇزەگە اسۋ كەرەك دەپ مالىمدەدى.

- ۆيتسە-مينيستر نۇرگۇل ماۋبەرلينوۆاعا جوبانى تالقىلاۋ جۇمىستارىن ۇيىمداستىرۋدى، جۋرناليستەردىڭ ۇسىنىستارى مەن ەسكەرتۋلەرىن جيناقتاۋدى ۇسىنامىن. بۇل ەرەجەلەر ورتاق كەلىسىم نەگىزىندە، سونىڭ ىشىندە بۇقارالىق اقپارات قۇرالدارى وكىلدەرىنىڭ پىكىرىن ەسەپكە الا وتىرىپ قابىلدانۋى كەرەك، – دەدى اقپارات جانە كوممۋنيكاتسيالار ءمينيسترى.

جينالىستا قر پرەمەر-ءمينيسترىنىڭ ورىنباسارى - قر قورعانىس جانە اەروعارىش ونەركاسىبى ءمينيسترى اسقار جۇماعاليەۆ مەملەكەتتىك ورگانداردىڭ بازالارىن ينتەگراتسيالاۋ ارقىلى انىقتامالاردى بارىنشا قىسقارتۋ قاجەتتىگىن ايتتى.

- مەن فەيسبۋك جەلىسىندەگى پاراقشاما انىقتامالاردى الىپ تاستاۋ تۋرالى جازعاندا ءبىراز ادامدار وسى باستامانى قولدادى. شىنىمەن دە، انىقتامالاردى مۇلدەم الىپ تاستاۋ قاجەت. بىلاي قاراساڭ، ونىڭ ءبارىن جيناۋدىڭ دا قاجەتى شامالى. داۋرەن اسكەربەكۇلى (قر اقپارات جانە كوممۋنيكاتسيالار ءمينيسترى - اۆت.), وسى ماسەلەنى جان-جاقتى زەردەلەپ، مەملەكەتتىك ورگانداردىڭ بازالارىن ينتەگراتسيالاۋ ارقىلى انىقتامالاردى بارىنشا قىسقارتۋىمىز كەرەك. ايتپەسە، انىقتامانى ءبىر مەملەكەتتىك ورگاننان الامىز دا، ونى ەكىنشىسىنە اپارىپ بەرەمىز. ولار وزدەرى دە ءبىر-بىرىنە قاجەتتى انىقتامالاردى جىبەرە الادى، - دەدى ا.جۇماعاليەۆ

سونداي-اق 5G تەحنولوگياسىن پيلوتتىق نەگىزدە ىسكە قوسۋ ماسەلەسى تالقىلاندى. ايتا كەتەيىك، بيىل مەملەكەتتىك قىزمەتكەرلەردىڭ سمارتفون ۇستاۋىنا رۇقسات بەرىلۋى مۇمكىن. ءمينيستردىڭ ايتۋىنشا، ۆەدومستۆودا جاڭاشىلدىق سىناق تۇرىندە ەنگىزىلگەن.

ءمينيستردىڭ ايتۋىنشا، بۇگىندە الەم بويىنشا ۇيالى بايلانىستىڭ جاڭا ۇلگىسى - 5G جەلىسىن ەنگىزۋ ماسەلەسى كەڭىنەن تالقىلانىپ جاتىر. سونىڭ ارقاسىندا فيلمدەردى بىرنەشە سەكۋندتىڭ ىشىندە جۇكتەۋ مۇمكىن بولماق. باسقا دا تەxنولوگيالاردى جان-جاقتى دامىتۋعا بولادى.

- بيىل قازاقستاندا 5G تەxنولوگياسىن سىناقتان وتكىزۋ جوسپارلانىپ وتىر. وسىدان كەيىن اتالعان جەلىنى رەسپۋبليكا بويىنشا ەنگىزۋ مەرزىمى انىقتالاتىن بولادى، - دەدى داۋرەن اباەۆ.

Abai.kz