جەتپىس جەتى جىل بويى ماسكەۋدەگى "دون زيراتىنىڭ" باس عيماراتىنداعى قابىرعاعا قويىلىپ، ارنايى ىدىستا ساقتالىپ كەلگەن،  «ەلىم!» دەپ ەڭىرەپ وتكەن قازاق جاستارىنىڭ كوشباسشىسى، 25 جاسىندا قازاق كسر-نىڭ وقۋ-اعارتۋ ءمينيسترى بولعان، گولوششەكين گەنوتسيدىنە اشىق قارسىلىق بىلدىرگەن الاشتىڭ ارداقتى ازاماتى سماعۇل سادۋاقاسۇلىنىڭ  سۇيەگىنىڭ كۇلى  مۇسىلمانشا جەرلەۋ ماقساتىندا ۇستىمىزدەگى جىلعى 22 قاڭتاردا تۋعان توپىراعىنا جەتكىزىلگەن بولاتىن. ءمايىت كۇلى سودان بەرى استانا قالاسىنىڭ «سادۋاقاس قاجى عىلماني» مەشىتىندە ساقتالىپ كەلگەن ەدى. استانا اكىمدىگى رەسمي تۇردە حابارلاعانىنداي، سماعۇل سادۋاقاسۇلىنىڭ ءمايىتىنىڭ كۇلى ەرتەڭ (20 مامىر 2011ج.)  10 ساعاتتا مەشىتتەن شىعارىلىپ، 11ساعاتتا استراحان تراسساسى بويىنداعى ەسكى مۇسىلمان زيراتىندا جەرلەنەدى.

الاشتىڭ ارداقتى ۇلى، قوعام جانە مەملەكەت قايراتكەرى سماعۇل سادۋاقاستىڭ سۇيەك كۇلىن جەرلەۋ ءراسىمى  جونىندە وسى ءىستىڭ باس قاسىندا بولعان ازاماتتىڭ ءبىرى، الاششىل تۇلعا، قر پرەزيدەنتىنىڭ ماجىلىستەگى رەسمي ۋاكىلى، سابىر قاسىموۆقا  حابارلاسىپ تومەندەگى اقپاردى الدىق:

جەتپىس جەتى جىل بويى ماسكەۋدەگى "دون زيراتىنىڭ" باس عيماراتىنداعى قابىرعاعا قويىلىپ، ارنايى ىدىستا ساقتالىپ كەلگەن،  «ەلىم!» دەپ ەڭىرەپ وتكەن قازاق جاستارىنىڭ كوشباسشىسى، 25 جاسىندا قازاق كسر-نىڭ وقۋ-اعارتۋ ءمينيسترى بولعان، گولوششەكين گەنوتسيدىنە اشىق قارسىلىق بىلدىرگەن الاشتىڭ ارداقتى ازاماتى سماعۇل سادۋاقاسۇلىنىڭ  سۇيەگىنىڭ كۇلى  مۇسىلمانشا جەرلەۋ ماقساتىندا ۇستىمىزدەگى جىلعى 22 قاڭتاردا تۋعان توپىراعىنا جەتكىزىلگەن بولاتىن. ءمايىت كۇلى سودان بەرى استانا قالاسىنىڭ «سادۋاقاس قاجى عىلماني» مەشىتىندە ساقتالىپ كەلگەن ەدى. استانا اكىمدىگى رەسمي تۇردە حابارلاعانىنداي، سماعۇل سادۋاقاسۇلىنىڭ ءمايىتىنىڭ كۇلى ەرتەڭ (20 مامىر 2011ج.)  10 ساعاتتا مەشىتتەن شىعارىلىپ، 11ساعاتتا استراحان تراسساسى بويىنداعى ەسكى مۇسىلمان زيراتىندا جەرلەنەدى.

الاشتىڭ ارداقتى ۇلى، قوعام جانە مەملەكەت قايراتكەرى سماعۇل سادۋاقاستىڭ سۇيەك كۇلىن جەرلەۋ ءراسىمى  جونىندە وسى ءىستىڭ باس قاسىندا بولعان ازاماتتىڭ ءبىرى، الاششىل تۇلعا، قر پرەزيدەنتىنىڭ ماجىلىستەگى رەسمي ۋاكىلى، سابىر قاسىموۆقا  حابارلاسىپ تومەندەگى اقپاردى الدىق:

- ەرتەڭ ساعات 10-دا اناۋ عىلماني مەشىتىندە ءدىني راسىمنەن كەيىن، ساعات 11-دە استراحان تاسجولىنىڭ بويىنداعى مۇسىلمان قورىمىنا اپارىپ سماعۇل ءمايىتىنىڭ كۇلىن جەرلەۋ جوسپارلانىپ جاتىر.

- سوندا الاشتىڭ اراداقتىسى سماعۇل جالپى قورىمعا قويىلاتىن بولدى ما؟

- سولاي جەرلەنەتىن بولدى، باسقا مۇمكىندىك بولمادى.كەشە مەملەكەتتىك حاتشى، مادەنيەت ءمينيسترى مەن قالا اكىمى پارلامەنتكە كەلىپ، وسى ماسەلە بويىنشا دەپۋتاتتاردىڭ حاتىنا  جاۋاپ بەردى. «باسقا ۆاريانت بولمايدى» دەلىندى. جەرلەۋ ءراسىمىن استانا قالاسىنىڭ اكىمى يمانعالي تاسماعامبەتوۆ  باسقارىپ، وتكىزبەكشى. بۇگىن اكىمگە ەركەعالي راحماديەۆ، تۇرسىن جۇرتباي سەكىلدى ءبىر توپ استانالىق زيالى قاۋىم جينالىپ بارعان ەدىك، اكىم ورنىندا بولمادى. اپپارات ءبارىن دايىنداپ جاتىر... ەندى جۇرتقا ايتىڭدار، راسىمگە قاتىسسىن!

ارداقتى اعايىن، ەل، ۇلت مۇددەسى جولىندا كەۋدەسىن وققا توسىپ،وتقا تۇسكەن اسىل ازاماتتىڭ رۋحىنا تاعزىم ەتەيىك! ابايشىل، الاششىل بولايىق!

«اباي-اقپارات