الماتىداعى قازاق ۇلتتىق ونەر اكادەمياسى جاڭا فاكۋلتەتپەن تولىقتى. مۇندا ەلباسى ن.نازارباەۆتىڭ "ۇلى دالانىڭ جەتى قىرى" باعدارلامالىق ماقالاسىن ىسكە اسىرۋ اياسىندا ەلىمىزدە تۇڭعىش رەت "ۇلتتىق ونەر" فاكۋلتەتى اشىلدى. بۇل تۋرالى "اباي اقپارات" حابارلايدى.

ەلباسى "ۇلى دالانىڭ جەتى قىرى" دەپ باعدارلامالىق ماقالا جاريالادى. وندا ۇلى دالانى مەكەن ەتكەن قازاق حالقىنىڭ تاريحى، سالتى مەن مادەنيەتى، ونىڭ بۇكىل تىرشىلىگىنىڭ نەگىزى قامتىلدى.  ۇلى دالادان قازاق حالقىنىڭ داڭقىن بۇكىل الەمگە پاش ەتكەن ونەرپازدار شىققان. سولاردىڭ ءبىرسىپىراسى قۇرمانعازى، داۋلەتكەرەي، تاتىمبەت جانە ت.ب.  قوس ىشەكتىڭ كەڭ دالامىزدى تەربەتىپ دۇبىرلەتكەن، قورقىت اتا مەن ىحلاستىڭ قوبىزدا  ورىندالاتىن زارلى كۇيلەرى. ءبىرجان مەن سارا، جاياۋ مۇسا،  بالۋان شولاقتىڭ  ۇرپاقتان ۇرپاققا ۇمىتىلماس  اندەرى قالدى.

مىنە، ەلباسى ن.ءا.نازارباەۆتىڭ وسىناۋ "ۇلى دالانىڭ جەتى قىرى" باعدارلامالىق ماقالاسىن ىسكە اسىرۋ اياسىندا حالقىمىزدىڭ رۋحاني قۇندىلىقتارى مەن تامىرى تەرەڭدە جاتقان ۇلتتىق مادەنيەتىن وركەندەتۋ ماقساتىندا الماتى ءشارى "ۇلتتىق ونەر" فاكۋلتەتىن اشتى.

ونىڭ اشىلۋىنا ەسىم-سويلارى ەلگە ەتەنە تانىس ونەر ارداگەرلەرى كەلىپ قاتىستى. اتاپ ايتقاندا،قازاقستاننىڭ، قازاقتىڭ حالىق ءارتىسى سارا تىنىشتىعۇلوۆا باستاپ، اكادەميك پەرنەبەك مومىنوۆ، قۇرمانعازى وركەسترىنىڭ ديرەكتورى نۇرعيسا داۋەشوۆ، "وتىرار سازى" وركەسترىنىڭ كوركەمدىك جەتەكشىسى دينزۋxرا تلەنديەۆا قاتارلى ونەر قايراتكەرلەرى قاتىستى.

اتالمىش فاكۋلتەتتە الداعى ۋاقتا پەرنەبەك مومىنوۆ، رامازان ستامعازيەۆ، نۇرجان جانپەيسوۆ، م.ابۋعازى، ت.مۇقىشەۆ، س.باپانوۆا، ر.بازارباەۆ، ە.داۋباەۆ قاتارلى بىلىكتى ماماندار، تانىمال ونەر يەلەرى ءدارىس بەرەتىن بولادى.

شارانىڭ اشىلۋ سالتاناتىندا قازاقستاننىڭ ەڭبەك سىڭىرگەن قايراتكەرى، ء"داستۇرلى مۋزىكالىق ونەر" كافەدراسىنىڭ مەڭگەرۋشىسى رامازان ستامعازيەۆ اۋەلەتىپ ءان شىرقادى. اقان سەرىنىڭ ءوزى قولدانعان دومبىراسىمەن اۆتوردىڭ اندەرىن ورىندادى.

سونىمەن قاتار،  مادەنيەت جانە سپورت ءمينيسترى، يۋنەسكو ىستەرى جونىندەگى ۇلتتىق كوميسسيانىڭ توراعاسى ارىستانبەك مۇحامەديۇلىنىڭ كەلىسىمىمەن اتالعان وقۋ ورنىندا «يۋنەسكو» كافەدراسىن اشۋ كوزدەلۋدە. بۇگىنگى تاڭدا، ەلىمىزدەگى ەكى جوعارى وقۋ ورنىندا ارحەولوگيالىق جۇمىستاردى ىسكە اسىرۋدى كوزدەيتىن "يۋنەسكو" كافەدرالارى بار. ال، بيىلعى جىلعا جوسپارلانعان جوبا ماتەريالدىق ەمەس ۇلتىمىزدىڭ مۋزىكالىق مۇرالارىن، باسقا دا جادىگەرلەرىن حالىقارالىق ارەناعا شىعارۋ ماقساتىندا جۇزەگە اسپاق.

اسحات ماەميروۆ، ت.جۇرگەنوۆ اتىنداعى ونەر اكادەمياسىنىڭ رەكتورى:

-ەلباسى ن.نازارباەۆتىڭ «ۇلى دالانىڭ جەتى قىرى» ماقالاسىندا ۇلتقا قىزمەت ەتۋ جولدارىنىڭ بۇكىل مەحانيزمدەرى كورسەتىلگەن. سول كوتەرىلگەن ماقسات مىندەتتەردى جۇزەگە اسىرۋ ءۇشىن وسى فاكۋلتەتتى اشۋ قاجەتتىلىگى تۋىندادى.  الداعى ۋاقىتتا ءبىلىم ۇياسى قابىرعاسىنان تۇلەگەن جاس ماماندار ۇلتتىق ونەرىمىزدى دارىپتەۋ باعىتىندا جاڭا قىرىنان كورىنەتىنى ءسوزسىز.

ەلباسى ن.ءا.نازارباەۆتىڭ "ۇلى دالانىڭ جەتى قىرى" باعدارلامالىق ماقالاسى ەلىمىزدىڭ مادەنيەتىنە، ونەرى مەن رۋحانياتىنا تەرەڭ بويلاۋعا تىڭ سەرپىن بەرەتىنى ءسوزسىز. اتالمىش باعدارلامالىق ماقالا ۇلت مادەنيەتىن تەرەڭ زەرتتەۋگە جاڭا مۇمكىندىكتەر اشۋدا. ال جاڭادان اشىلعان "ۇلتتىق ونەر" فاكۋلتەتى قازاق ونەرىن بۇكىل الەمگە پاش ەتۋگە ارنالعان ۇلكەن مۇمكىندىك. اقان، ءبىرجانداردىڭ ونەرىن جالعايتىن دارىندى جاستاردىڭ سانىن ارتتىرىپ، قازاق ونەرىنىڭ وشپەس جۇلدىزىن جارقىراتا بەرەتىنىنە سەنىم مول.

Abai.kz