"س-400 كەشەنىنە كەلەر بولساق، كەلىسىم جاسالعان، ودان باس تارتا المايمىز، س-400 كەشىنەن سوڭ ءبىز س-500 كەشەنىنە كوشۋىمىز مۇمكىن", دەپ مالىمدەدى ەردوعان 6 ناۋرىزدا 24TV تۇرىك تەلەارناسىنا بەرگەن سۇحباتىندا.

5 ناۋرىزدا اقش مەملەكەتتىك دەپارتامەنتى رەسەيدىڭ اۋە قورعانىس كەشەنىن ساتىپ الماۋىن تۇركياعا ەسكەرتكەن. ولاي بولماعان جاعدايدا، ۆاشينگتون تۇركيانى جاڭا F-35 جويعىش ۇشاقتارى جوباسىنا قاتىستىرمايدى.

بۇعان دەيىن اقش رەسەيدىڭ س-400 كەشەنى ناتو ەلدەرىنىڭ قورعانىس جۇيەسىنە سايكەس كەلمەيتىنىن بىرنەشە مارتە ەسكەرتكەن. ۆاشينگتون ءوزىنىڭ "پەتريوت" زىمىرانعا قارسى كەشەنىن تۇركياعا ساتۋدان باس تارتۋى مۇمكىن.

رەسەي اقپارات قۇرالدارىنىڭ حابارلاۋىنشا، تۇركيا 2,5 ملرد دوللارعا س-400 كەشەنىنىڭ ءتورت ديۆيزيونىن ساتىپ العىسى كەلەدى.

Abai.kz