12 ناۋرىز كۇنى ەلوردادا ۇكىمەت وتىرىسى ءوتىپ، قر ۆيتسە-پرەمەر-ءمينيسترى، قارجى ءمينيسترى ءاليحان سمايلوۆ كوپ بالالى وتباسىلارعا جالعا بەرىلەتىن تۇرعىن ءۇي سالۋعا 100 ملرد تەڭگە بولىنەتىنىن مالىمدەدى، - دەپ حابارلايدى اباي-اقپارات.

جاقىندا عانا وتكەن باس پارتيا "نۇر وتاننىڭ" سەزىندە نۇرسۇلتان نازارباەۆ "الەۋمەتتىك قامقورلىق" باعدارلاماسى بويىنشا الەۋمەتتىك شارالاردى ىسكە اسىرۋ ءۇشىن مەملەكەت بيۋدجەتىنەن 444,3 ميلليارد تەڭگە ءبولۋدى تاپسىردى. كەشەگى ۇكىمەت وتىرىسىندا دا 2019 جىلعى بيۋدجەتكە ەنگىزىلەتىن وزگەرىستەر تالقىلاندى.

ءاليحان سمايلوۆ، قر ۆيتسە-پرەمەر-ءمينيسترى، قارجى ءمينيسترى:

- 2019 جىلعى بيۋدجەتكە ەنگىزىلەتىن وزگەرىستەر ەنگىزىلىپ، ەلباسى الەۋمەتتىك شارالاردى ىسكە اسىرۋ ءۇشىن مەملەكەت بيۋدجەتىنەن 444,3 ميلليارد تەڭگە ءبولۋدى تاپسىردى. "وسى قارجىدان از قامتىلعان كوپ بالالى وتباسىلار ءۇشىن جالعا بەرىلەتىن تۇرعىن ءۇي سالۋ جانە قازاقستاننىڭ تۇرعىن ءۇي قۇرىلىس جيناق بانكى ارقىلى جەڭىلدەتىلگەن كرەديت بەرۋگە 100 ملرد تەڭگە ءبولىنىپ وتىر. سونداي-اق، الداعى ۋاقىتتا "قر ازاماتتارىنىڭ جەكەلەگەن ساناتتارىن الەۋمەتتىك قولداۋدى كۇشەيتۋگە" 224,3 ملرد تەڭگە بولىنەدى. 

ءاليحان سمايلوۆ باسقاراتىن قر قارجى مينيسترلىگى ءبىرىنشى باعىت بويىنشا جوعارىدا ايتىلعان جالپى سوماسى 444,3 ملرد تەڭگەگە مىنا جوبالاردى جۇزەگە اسىرماق.

بىرىنشىدەن، «نۇر وتان» پارتياسىنىڭ سەزىندە ايتىلعان «الەۋمەتتىك قامقورلىق» الەۋمەتتىك شارالارى ىسكە اسىرۋ ماقساتىندا 224,3 ملرد تەڭگە ازاماتتاردىڭ جەكەلەگەن ساناتتارىن الەۋمەتتىك قولداۋدى كۇشەيتۋگە جۇمسالادى.

ەكىنشىدەن، 100 ملرد تەڭگەگە از قامتىلعان جانە كوپبالالى وتباسىلارعا جالعا بەرىلەتىن تۇرعىن ءۇي سالىنادى. وسى ماقساتقا جەتۋ ءۇشىن مينيسترلىك قازاقستاننىڭ تۇرعىن ءۇي قۇرىلىس جيناق بانكى ارقىلى جەڭىلدەتىلگەن كرەديت بەرۋدى جوسپارلاپ وتىر.

ۇشىنشىدەن، 90 ملرد تەڭگە وڭىرلىك ينفراقۇرىلىمدى دامىتۋعا جۇمسالادى.

تورتىنشىدەن، 30 ملرد تەڭگە «اۋىل-ەل بەسىگى» ارنايى جوباسىن ىسكە اسىرۋعا باعىتتالادى.

قر ۆيتسە-پرەمەر-ءمينيسترى، قارجى ءمينيسترى ءاليحان سمايلوۆ ەكىنشى باعىت بويىنشا دا اتقارىلاتىن جۇمىستار جايلى دا باياندادى. بۇل باعىت بويىنشا 24,6 ملرد تەڭگە «جاستار جىلىن» وتكىزۋ اياسىنداعى ءىس-شارالاردى جۇزەگە اسىرۋعا جۇمسالماقشى.

ءاليحان سمايلوۆ ءۇشىنشى باعىتتا جۇمسالاتىن قارجىنىڭ جايىنا دا توقتالدى. بۇل باعىت بويىنشا ەلباسى نۇرسۇلتان ءابىشۇلى نازارباەۆتىڭ 2017 جانە 2018 جىلدارداعى جولداۋلارىندا ايتىلعان باستامالاردى ىسكە اسىرۋ ءۇشىن مەملەكەتتىك بيۋدجەتتەن 286 ملرد تەڭگە قاراستىرىلعان. وسى 286 ملرد تەڭگە  اياسىندا الماتى قالاسىنىڭ جانە تۇركىستان وبلىسىنىڭ كەشەندى دامۋىنا مۇمكىندىك تۋماق. مۇنىڭ سىرتىندا، استانا قالاسىنا «سارىارقا» گاز قۇبىرىن، عىلىمي-ونكولوگيالىق ورتالىق قۇرلىسىن سالۋ جۇمىستارى جوسپاردا بار.

قارجى ءمينيسترى مۇنىمەن قوسا وسى قارجى اياسىندا ەل قاۋىپسىزدىگىن قامتاماسىز ەتۋگە بايلانىستى ءىس-شارالاردى ىسكە اسىرۋ جوسپارلاپ وتىرعانىن، نۇرسۇلتان ءابىشۇلى بەرگەن تاپسىرمالاردىڭ بارلىعى قارجىلاي قامتاماسىز ەتىلەتىنىن مالىمدەدى.

Abai.kz