مۇحتار شەرىم. قۋانعانىمىزدان قۇلاپ قالدىق...
«جەر بەرىپ جاتىر ەكەن!» دەگەن ءسوز استانا قالاسىندا جەلدەي ەسىپ وتكەلى بۇگىن ەكىنشى كۇن! اكىمشىلىككە بارساڭ بولدى، جەر ۇلەستىرىپ بەرە سالادى ەكەن! قۇجاتىڭ جوق بولسا دا! ءفامىلاڭدى ايتاسىڭ، بولدى! راحات قوي! جەرگە جەتى رەت جىعىلىپ، ءنوپىر حالىقتىڭ اراسىندا سىعىلىپ، مەنىڭ كەزەگىم اكىمشىلىك عيماراتىنداعى كوميسسيا الدىنا ەرتەڭىنە كەشكە جەتتى!
- اتى-ءجونىڭىز؟-دەپ سۇرادى جەر ءبولۋ كوميسسياسىنىڭ توراعاسى.
- سورلىباي قازاقوۆ...
- جىنىسىڭىز؟
- ەركەك.
- قاشاننان بەرى؟
- تۋعالى...
- بالا-شاعاڭىزدىڭ سانى؟
- ساناماپپىن...
- كاك ساناماپپىن؟
- كەشىرىڭىز، قازىر... اينۇر، بالنۇر، ءاسيا، ءاتيا، حاديشا، ۇلبالا، ۇلبولار، ۇل بولادى، ۇلمەكەن، ۇلشىعار، ۇلتۋادى، ۇلكەرەك، ۇلۇل، قاشانۇل... ون ءتورت قىزىم بار ەكەن...
- سىزگە ون ءتورت سوتىق جەر بەرىلەدى...
وسى ءسوزدى ەستىگەندە قۋانىشتان كوزىم قاراۋىتىپ، قۇلاپ قالدىم... قۇلاپ بارا جاتىپ، ءتۇس كوردىم. تۇسىمدە، سول ون ءتورت سوتىق جەرگە ءۇي سالىپ جاتىر ەكەنمىن. «التى سوتىق، ويباي-اۋ، ءۇش سوتىق بەرسە دە ىرزامىن، ىرزامىن!» دەپ ساندىراقتاپ جاتىپ، ەسىمدى جيدىم.
- ون ءتورت سوتىق جەرىڭىز قۇتتى بولسىن!-دەدى اكىم قولىمدى قىسىپ.
- قۇداي قالاسا، 2098 جىلى استانا قالاسى ماڭايىنان ويىپ تۇرىپ جەر الاسىز!-دەپ كوميسسيا توراعاسى قولىمدى قىسقاندا، ىرجاڭ ەتە قالىپ، تاعى دا قۇلاپ ءتۇسىپپىن. ەسىمدى جيىپ:
- بيىل قاي جىل ءوزى؟ -دەپپىن.
- 2011 جىل،- دەدى اكىم.
«جەر بەرىپ جاتىر ەكەن!» دەگەن ءسوز استانا قالاسىندا جەلدەي ەسىپ وتكەلى بۇگىن ەكىنشى كۇن! اكىمشىلىككە بارساڭ بولدى، جەر ۇلەستىرىپ بەرە سالادى ەكەن! قۇجاتىڭ جوق بولسا دا! ءفامىلاڭدى ايتاسىڭ، بولدى! راحات قوي! جەرگە جەتى رەت جىعىلىپ، ءنوپىر حالىقتىڭ اراسىندا سىعىلىپ، مەنىڭ كەزەگىم اكىمشىلىك عيماراتىنداعى كوميسسيا الدىنا ەرتەڭىنە كەشكە جەتتى!
- اتى-ءجونىڭىز؟-دەپ سۇرادى جەر ءبولۋ كوميسسياسىنىڭ توراعاسى.
- سورلىباي قازاقوۆ...
- جىنىسىڭىز؟
- ەركەك.
- قاشاننان بەرى؟
- تۋعالى...
- بالا-شاعاڭىزدىڭ سانى؟
- ساناماپپىن...
- كاك ساناماپپىن؟
- كەشىرىڭىز، قازىر... اينۇر، بالنۇر، ءاسيا، ءاتيا، حاديشا، ۇلبالا، ۇلبولار، ۇل بولادى، ۇلمەكەن، ۇلشىعار، ۇلتۋادى، ۇلكەرەك، ۇلۇل، قاشانۇل... ون ءتورت قىزىم بار ەكەن...
- سىزگە ون ءتورت سوتىق جەر بەرىلەدى...
وسى ءسوزدى ەستىگەندە قۋانىشتان كوزىم قاراۋىتىپ، قۇلاپ قالدىم... قۇلاپ بارا جاتىپ، ءتۇس كوردىم. تۇسىمدە، سول ون ءتورت سوتىق جەرگە ءۇي سالىپ جاتىر ەكەنمىن. «التى سوتىق، ويباي-اۋ، ءۇش سوتىق بەرسە دە ىرزامىن، ىرزامىن!» دەپ ساندىراقتاپ جاتىپ، ەسىمدى جيدىم.
- ون ءتورت سوتىق جەرىڭىز قۇتتى بولسىن!-دەدى اكىم قولىمدى قىسىپ.
- قۇداي قالاسا، 2098 جىلى استانا قالاسى ماڭايىنان ويىپ تۇرىپ جەر الاسىز!-دەپ كوميسسيا توراعاسى قولىمدى قىسقاندا، ىرجاڭ ەتە قالىپ، تاعى دا قۇلاپ ءتۇسىپپىن. ەسىمدى جيىپ:
- بيىل قاي جىل ءوزى؟ -دەپپىن.
- 2011 جىل،- دەدى اكىم.
- ويباي-اۋ، قازىر جاسىم ەلۋدە... 2098 جىلى 137 -گە كەلگەندە الامىن با، نە؟ وسىنشا جىل جاسايمىن با سوندا؟
- جاساڭىز، سىزگە رۇحسات...
- تۇڭعىش قىزىمنىڭ ءوزى قايتىس بولىپ كەتەدى ەكەن...
- جەر الىپ جاتقانىڭىزعا قۋانبايسىز با؟ بارا بەرىڭىز...
شىنىندا نەگە قۋانبايمىن؟ جەر الدىم عوي، جەر! ءوز جەرىمدە وگەي بولىپ ءجۇر ەدىم، جەر الدىم! قانشا جىل بولدى، پاتەر جالداپ كەلە جاتقانىما... ءبىر وزبەكتىڭ، ءبىر ورىستىڭ پاتەر جالداپ تۇرىپ جاتقانىن كورسەم، كوزىم شىقسىن، جەرگە، پاتەرگە قول جەتكىزە الماي جىلاپ جۇرگەن ءوزىمىز... «پاتەر دە بەرەدى ەكەندى» ەستىپ، ەسىككە قايتا ۇمتىلدىم. ءبىر ايەلگە پاتەر بەرىپ جاتىر ەكەن...
- اتى ءجونىڭىز؟
- بەيشاراگۇل كەدەيباەۆا..
- بالا-شاعاڭىز؟
- كوپ بالالى انامىن. التى بالام بار.
- كۇيەۋىڭىز قايدا؟
- جەر استىنا كەتكەن.
- شاحتەر ما؟
- جوق، پاتەر كەزەگىنە جەتە الماي، جەر جاستاندى...
- مارقۇم كۇيەۋىڭىزگە دە، وزىڭىزگە دە ەكى پاتەر بەرەمىز.
- راحمەت سىزدەرگە! وي، نەتكەن قۋانىش! بۇگىن كەشكە ۇيگە كەلىڭىزدەر، تۋماي ءجۇرگەن تاۋىعىم بار ەدى، سونى سويىپ، ءمانتى ىستەپ بەرەيىن! ءبارىڭىزدى قوناققا شاقىرامىن! قۇدايىم-اۋ! جەڭ ۇشىنان جالعاسىپ، زاڭدى بەلدەن باسىپ، شەنەۋنىكتەر قوس پاتەردەن الىپ جاتىر ەدى، ەندى مەن دە... ءو-ءو... ا-ا-ا...- دەگەن انا قۋانىشتان اڭىراپ جىلاي بەردى.
- جىلاماڭىز،- دەدى اكىم،- سىزگە استانانىڭ ەكى جەرىنەن ءۇش بولمەلى پاتەر بەرىلەدى... 3011 جىلى...
- 3011?
- ءسىز ولسەڭىز بالالارىڭىزدىڭ بالالارى، ونىڭ بالالارىنىڭ بالالارىنىڭ بالالارىنىڭ بالالارىنىڭ... نە دەپ كەتتىم ءوزى؟ ساۋ بولىڭىز!-دەدى كوميسسيا توراعاسى. كەزەك ماعان كەلدى.
- اتى ءجونىڭىز؟
- قازاقوۆ سورلىباي...
- باعانا سورلىباي قازاقوۆ دەگەن بىرەۋ كەلىپ كەتكەن. سونىڭ تۋىسى ەمەسسىز بە؟
- جوق... ول سورلىباي قازاقوۆ. مەن قازاقوۆ سورلىبايمىن...
- سىزگە ۆيللا بەرەمىز...
- قۋانىشتىمىن...
- 3012 جىلى الاسىز.
قۋانعانىمنان اكىمنىڭ بەتىن جالاپ، توراعانىڭ شاشىن تاراپ، كابينەتتەن بيلەي شىقتىم. ءنوپىر حالىقتىڭ اراسىندا ۆيللاعا قولىم جەتتتى! ميللياردەرلەر شەتەلدەن حالىقتىڭ ارقاسىندا ۆيللالار ساتىپ الىپ جاتسا، مەن 3012 جىلى ۇكىمەتتەن الامىن! ايەلىم «ۆيللانىڭ كەرەگى جوق، وزدەرىنە وتكىز» دەپ قويمايدى. كوز ءتيىپ كەتەدى ەكەن... بۇگىن مەنىڭ جەر العان كۇنىم! ادام ەدىم، ەندى ۇزاق جاسايتىن شايتان بولعىم كەلەدى! شايتان!!!
«اباي-اقپارات»
