كۇن مەن ءتۇن عانا ەمەس، حان مەن قارا دا تەڭەلگەن قاسيەتتى ناۋرىز مەيرامىنىڭ الماتىداعى نەگىزگى شارالارىنىڭ ءبىرى – «ناۋرىز شەرۋى».

ناۋرىزدىڭ 21-ءى كۇنى ساعات 10-دا شەرۋگە قاتىسۋشىلار اباي داڭعىلىنىڭ بويىندا قازاق مەملەكەتتىك تسيركى الدىنداعى الاڭعا جينالىپ، ساعات 10-دا ۇلتتىق كيىم كيگەن قاتىسۋشىلار دابىلداتىپ، ساحنالانعان كورىنىسپەن شەرۋدى باستايدى. ارنايى كولىكتىڭ ۇستىندە قىدىر اتا مەن جەر انا قاتار تۇرىپ، شەرۋدى باستاپ جۇرەدى.

شەرۋگە الماتى قالاسى مادەنيەت مەكەمەلەرى، ۇلتتىق-مادەني ورتالىقتار وكىلدەرى، جوعارى وقۋ ورىندارى ستۋدەنتتەرى مەن وقىتۋشىلارى، ساياتشى-بۇركىتشىلەر مەن قازاق تازىسىن باپتاۋشىلار، قالا تۇرعىندارى – بارلىعى 2000-عا تارتا ادام قاتىسادى.

اباي داڭعىلىمەن كوش تۇزەگەن شەرۋ ابىلايحان داڭعىلىمەن تومەن تۇسەدى، قابانباي باتىر كوشەسىندە وڭعا بۇرىلىپ، اباي اتىنداعى مەملەكەتتىك وپەرا جانە بالەت تەاترىنا دەيىن ءسان-سالتاناتىمەن ءجۇرىپ وتەدى.

ناۋرىز – قازاقي اتا ءداستۇر ۇلىلىعى، ناۋرىز – حالىقتىڭ بىرلىگىنىڭ مىعىمدىعى! ەندەشە، حالقىمىزدىڭ ءداستۇرى مەن ءسان-سالتاناتىن پاش ەتەتىن مەرەكەلىك شەرۋدى تاماشالاۋعا اسىعىڭىز، اعايىن!

Abai.kz