بۇل تۋرالى «Nur Otan» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆتىڭ توراعالىعىمەن وتكەن جيىندا ايتىلدى.

ءوز سوزىندە ماۋلەن اشىمباەۆ پارتيانىڭ كەزەكتى XVIII سەزىندە قابىلدانعان جاڭا باعدارلاماسىن جۇزەگە اسىرۋ بارىسىنا نازار اۋداردى. اتالعان قۇجاتتا «Nur Otan»-نىڭ الداعى ون جىلعا ارنالعان ناقتى 10 ماقساتى كورسەتىلگەنىن ايتقان ول بارلىق ماقسات ازاماتتاردىڭ ءال-اۋقاتىن ارتتىرۋعا تىكەلەي باعىتتالعانىن جەتكىزدى.

– باعدارلاما الدىن الا دايىندالاتىن جوسپارعا سايكەس جۇزەگە اسىرىلادى. جوسپاردا ءىس-شارالاردىڭ ناقتى ماقساتى مەن مازمۇنى كورسەتىلەدى. قازىرگى تاڭدا ۇكىمەتپەن بىرلەسىپ سول قۇجاتتى دايىنداپ جاتىرمىز. الداعى ۋاقىتتا جوسپار ايماقتارعا جىبەرىلەدى. سوعان سايكەس پارتيا باعدارلاماسىنداعى بارلىق ينديكاتورلار وڭىرلەردىڭ دامۋ جوسپارىنا ەنگىزىلۋى ءتيىس، – دەدى ماۋلەن اشىمباەۆ.

سونىمەن بىرگە «Nur Otan» پارتياسى توراعاسىنىڭ ءبىرىنشى ورىنباسارى مەملەكەت باسشىسىنىڭ سەزدە انىقتاپ بەرگەن «باقىتتى وتباسى»، «قۇتتى مەكەن»، «اۋىل – ەل بەسىگى» جانە «حالىققا كومەك» جوبالارى تۋرالى دا ايتتى.

– الداعى ۋاقىتتا وسى ءتورت جوبا پارتيا جۇمىسىنىڭ نەگىزگى باعىتى بولادى. بۇل باستامالاردى ۇلتتىق جوبالار دەسەك تە، ارتىق ەمەس. سەبەبى، اتالعان جوبالار حالىقتىڭ ءومىر ءسۇرۋ دەڭگەيىن ارتتىرىپ، وڭىرلەردى دامىتۋعا قاتىستى وزەكتى ماسەلەلەردى قامتيدى. سوندىقتان پارتيانىڭ ورتالىق، ايماقتىق جانە اۋماقتىق قۇرىلىمدارى وسى جوبالاردى ءتيىمدى جۇزەگە اسىرۋعا كۇش جۇمساۋى ءتيىس، – دەدى ماۋلەن اشىمباەۆ.

ءسوز سوڭىندا پارتيا توراعاسىنىڭ ءبىرىنشى ورىنباسارى «Nur Otan»-نىڭ حالىق پەن بيلىكتى بايلانىستىراتىن التىن كوپىر بولۋ كەرەكتىگىنە كوڭىل ءبولدى.

– سەزدەن كەيىن پارتيانىڭ ەل دامۋىنداعى ءرولى ودان ءارى ارتا ءتۇستى. ەلباسى بىزگە اۋقىمدى مىندەتتەر جۇكتەپ وتىر. حالىقتىڭ دا سەزدە ايتىلعان شارالاردان ۇلكەن ءۇمىت كۇتەتىنى بەلگىلى. سوندىقتان پارتيا جاڭا قارقىنمەن، ەرەكشە ەكپىنمەن جۇمىس ىستەۋى كەرەك، – دەدى ماۋلەن اشىمباەۆ.

جيىندا پارتيا حاتشىلارى قازاقستاندىقتاردىڭ ءال-اۋقاتىن ارتتىرۋعا باعىتتالعان 4 الەۋمەتتىك جوبانى جۇزەگە اسىرۋدىڭ ءتيىمدى جولدارى تۋرالى كەڭىنەن بايانداپ بەردى.

Abai.kz