ۆەنەسۋەلا پرەزيدەنتى نيكولاس مادۋرو ۇكىمەتكە وتستاۆكاعا كەتۋدى ۇسىندى. بۇل تۋرالى ەلدىڭ ۆيتسە-پرەزيدەنتى دەلسي تۆيتتەر ارقىلى حابارلاعان. مادۋرونىڭ ءوزى ازىرگە رەسمي مالىمدەمە جاساعان جوق.

ۆەنەسۋەلاداعى Meganálisis كومپانياسىنىڭ 17 ناۋرىزدا جاريالاعان الەۋمەتتىك ساۋالناما ناتيجەسى بويىنشا، ۆەنەسۋەلا تۇرعىندارىنىڭ 89 پايىزى پرەزيدەنت پەن ۇكىمەتتىڭ وستاۆكاعا كەتۋىن قالايتىنىن بىلدىرگەن.

​ۆەنەسۋەلا ساياسي جانە ەكونوميكالىق اۋىر داعدارىستى باستان وتكەرىپ جاتىر. 2018 جىلى ەلدە ينفلياتسيا كورسەتكىشى ءبىر ميلليون پايىزدان اسقان، تۇرعىندار ازىق-تۇلىك پەن ءدارى تاپشىلىعىن تارتىپ كەلەدى. وتكەن اپتادا بىرنەشە كۇن بويى ەلدىڭ كوپ بولىگىندە جارىق بولمادى.

ۆەنەسۋەلادا جاپپاي نارازىلىق اكتسيالارى قاڭتار ايىنىڭ اياعىندا باستالدى. وعان نيكولاس مادۋرونىڭ مەملەكەت باسشىسى قىزمەتىنە ەكىنشى مەرزىمگە تۇسەتىنى تۋرالى مالىمدەمەسى سەبەپ بولدى. سول كەزدە پارلامەنت باسشىسى حۋان گۋايدو ءوزىن پرەزيدەنت قىزمەتىن ۋاقىتشا اتقارۋشى دەپ جاريالاپ، ەلدە تاۋەلسىز سايلاۋ وتكىزۋدى تالاپ ەتتى. گۋايدونى اقش، لاتىن امەريكاسىنىڭ كوپتەگەن ەلدەرى جانە ەۋرووداق ەلدەرىنىڭ دەنى قولدادى. قازىرگى پرەزيدەنت نيكولاس مادۋرونى رەسەي، قىتاي، كۋبا جانە مەكسيكا زاڭدى مەملەكەت باسشىسى دەپ سانايدى.

سەنبى كۇنى گۋايدو ايماقتاردا مادۋرونى بيلىكتەن تايدىرۋ ءۇشىن قولداۋعا يە بولۋ ماقساتىندا ەل ارالاۋعا شىقتى. گۋايدو ساپارى كاراكاستا جاپپاي اكتسيامەن اياقتالۋى ءتيىس. اكتسيا كەزىندە وپپوزيتسيا جەتەكشىسى مادۋرودان بيلىكتى "حالىققا قايتارىپ", پرەزيدەنت سارايىن بوساتۋدى تالاپ ەتۋگە ۋادە بەرگەن.

Abai.kz