سەنبى, 5 ءساۋىر 2025
46 - ءسوز 3365 3 پىكىر 21 ناۋرىز, 2019 ساعات 14:22

30 جىل قاندى قاقتىعىستاردى تەك تەلەديداردان كورىپ، بەيبىت ءومىر كەشتىك...

ەلباسى ەلىنىڭ الدىندا ەڭسەسى بيىك، ابىرويى اسقاق كۇيدە وسىناۋ جاۋاپكەرشىلىگى قارا جەردەن دە اۋىر قيىن قىزمەتتىڭ ادەمى نۇكتەسىن قويدى.
كەزىندە تاۋەلسىزدىكتىڭ جىلناما پاراعىن ءوزى اشىپ ەدى. قيىن-قىستاۋ كەزەڭدە قيادان جول تاپتى. وگىزدى ولتىرمەدى، اربانى سىندىرمادى. قىرىق-پىشاق قىرقىستارعا، اراموي ارازدىقتارعا ۇرىندىرمادى. 30 جىل قاندى قاقتىعىستاردى تەك تەلەديداردان كورىپ، بەيبىت ءومىر كەشتىك. شەكارامىزدى نىقتادىق، استانامىزدى سالدىق، بولاشاعىمىزعا باردىق. تاريx دەيتىن الىپتىڭ ءولشەمىمەن قاراعاندا، تالاي-تالاي تابىسقا تابان ارتتىق.

وسىناۋ يگىلىكتىڭ بارىندە اۋەلى اللانىڭ بەرگەن يگىلىگى بولسا، ودان سوڭ ەلباسىنىڭ ەرەن ەڭبەگى جاتىر.

جاراتقاننىڭ جار بولعانىن ءوزى دە تەرەڭ تۇسىنسە كەرەك. كەشە عانا ساۋلەتتى مەشىتتىڭ ىرگەسىن قالاپ ەدى. پرەزيدەنت رەتىندەگى سوڭعى ىستەرىنىڭ ءبىرى ەكەن. بۇل دا كەيىنگىلەرگە كورسەتكەن ادەمى ۇلگى، ىزگى جول.

ەلباسى ەلگە باس ءيىپ العىسىن ايتتى. ەل دە سىزگە ريزا، تۇڭعىش پرەزيدەنت!
وعان مانادان بەرى ۋاتساپتاعى تۋىستاردىڭ، اۋىلداستاردىڭ، دوستاردىڭ چاتىندا تىنىم بولماي، قيماستىق ءبىلدىرىپ، ريزالىعىن اقتارىپ، كوڭىلدەرى بوساپ وتىرعان ەل-جۇرتتىڭ پەيىلى دالەل.

لايىم، ەلىمىزدە تىنىشتىق بولىپ، اللا پاناسىنان اجىراتپاعاي!

مۇرات ەسجاننىڭ facebook پاراقشاسىنان

Abai.kz

3 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1501
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4221
46 - ءسوز

بىزگە بەيمالىم باراق حان

جامبىل ارتىقباەۆ 3117