تاراز. 28 مامىر. قازاقپارات /گالينا سكريپنيك/ - جامبىل وبلىسى ىشكى ىستەر دەپارتامەنتىندە قازاقستان رەسپۋبليكاسى ءىىم اكىمشىلىك پوليتسياسى كوميتەتى وكىلدەرىنىڭ جانە الماتى، وقو جانە قىزىلوردا وبلىسى ءىىو باسشىلارىنىڭ قاتىسۋىمەن رەسپۋبليكالىق سەمينار-كەڭەس ءوتتى،دەپ حابارلادى جامبىل وبلىستىق ءىىد ءباسپاسوز قىزمەتى.

باسقوسۋدىڭ باستى ماقساتى تاجىريبە الماسۋ، قىلمىستار مەن قۇقىق بۇزۋشىلىقتاردى الدىن الۋداعى وزەكتى ماسەلەلەردى تالقىلاۋ جانە تۇرمىس سالاسىنداعى قۇقىق بۇزۋشىلىقتاردى الدىن الۋ بويىنشا قر زاڭنامالارىن زەردەلەۋ بولدى.

سەمينار-كەڭەسكە قر باس پروكۋراتۋراسىنىڭ، قر جوعارعى سوتىنىڭ، قر ءام قىلمىستىق اتقارۋ جۇيەسى كوميتەتىنىڭ وكىلدەرى قاتىستى.

تاراز. 28 مامىر. قازاقپارات /گالينا سكريپنيك/ - جامبىل وبلىسى ىشكى ىستەر دەپارتامەنتىندە قازاقستان رەسپۋبليكاسى ءىىم اكىمشىلىك پوليتسياسى كوميتەتى وكىلدەرىنىڭ جانە الماتى، وقو جانە قىزىلوردا وبلىسى ءىىو باسشىلارىنىڭ قاتىسۋىمەن رەسپۋبليكالىق سەمينار-كەڭەس ءوتتى،دەپ حابارلادى جامبىل وبلىستىق ءىىد ءباسپاسوز قىزمەتى.

باسقوسۋدىڭ باستى ماقساتى تاجىريبە الماسۋ، قىلمىستار مەن قۇقىق بۇزۋشىلىقتاردى الدىن الۋداعى وزەكتى ماسەلەلەردى تالقىلاۋ جانە تۇرمىس سالاسىنداعى قۇقىق بۇزۋشىلىقتاردى الدىن الۋ بويىنشا قر زاڭنامالارىن زەردەلەۋ بولدى.

سەمينار-كەڭەسكە قر باس پروكۋراتۋراسىنىڭ، قر جوعارعى سوتىنىڭ، قر ءام قىلمىستىق اتقارۋ جۇيەسى كوميتەتىنىڭ وكىلدەرى قاتىستى.

رەسپۋبليكالىق سەمينار-كەڭەستى قر ءىىم اپك توراعاسى پوليتسيا پولكوۆنيگى قايرات تىنىبەكوۆ اشتى. بۇدان سوڭ جامبىل وبلىسى ءىىد باستىعى پوليتسيا پولكوۆنيگى بەكەت ايماعامبەتوۆ ءسوز الىپ، ماقساتتى باسقوسۋعا قاتىسۋشىلارعا ساتتىلىك، الداعى ەڭبەكتەرىنە جەمىس تىلەدى. الماتى، وڭتۇستىك قازاقستان، قىزىلوردا جانە جامبىل وبلىسى ءىىد قوعامدىق قاۋىپسىزدىك باسقارمالارى باسشىلارى «قورعاۋ نۇسقاماسىن شىعارۋ جانە ەرەكشە تالاپتار قويۋ بويىنشا قابىلدانىپ جاتقان شارالار»، «ۋچاسكەلىك پوليتسيا ينسپەكتورلارىنىڭ اكىمشىلىك قاداعالاۋدا تۇرعان جانە شارتتى تۇردە مەرزىمىنەن بۇرىن بوساتىلعان ادامداردى باقىلاۋ جونىندەگى قىزمەتى»، «قايتالاناتىن قىلمىستاردىڭ الدىن الۋ ماسەلەسى بويىنشا قىلمىستىق اتقارۋ جۇيەسىمەن ءوزارا بايلانىس» اتتى تاقىرىپتاردى، سونىمەن قاتار ولارعا قاتىستى قابىلدانىپ جاتقان شارالار، وڭ جاعدايلار مەن پروبلەمالىق ماسەلەلەر بويىنشا ءوز ويلارىن ورتاعا سالدى.

ماقساتتى جيىن بارىسىندا قۇزىرلى ورگانداردىڭ وكىلدەرى دە قىلمىستار مەن قۇقىق بۇزۋشىلىقتاردى الدىن الۋداعى وزەكتى ماسەلەلەرگە توقتالدى. قىزۋ تالقىلامالار جۇرگىزىلدى جانە كوكەيكەستى ساۋالدارعا ورتاق جاۋاپتار الىنىپ، ەڭ قۇندىسى - ازاماتتاردىڭ كونستيتۋتسيالىق قۇقىقتارىنىڭ بۇزىلۋىنا جول بەرمەيتىندىكتەرى ايتىلدى.

سەمينار-كەڭەس سوڭى جامبىل وبلىسى ءىىد اكىمشىلىك عيماراتتارىن كورۋمەن جالعاستى. قوعام ساقشىلارى ءىىد جەدەل باسقارۋ ورتالىعىن، مۇراجايىن، گەنەرالدار اللەياسىن، تاراز قالاسىنىڭ ءىىب 12, 16, 21-ۋپپ، سونىمەن قاتار «قاراحان بابا»، «ايشا ءبيبى»، «تەكتۇرماس» كەسەنەلەرىن ارالادى.