ورال. 6 ماۋسىم. قازاقپارات /ەلجان ەرالى/ - باتىس قازاقستان وبلىسىندا 4 ماۋسىم كۇنى مەملەكەتتىك رامىزدەر كۇنى كەڭىنەن تويلاندى.

ورال قالاسىندا سىرىم داتۇلى الاڭىندا مەرەكەلىك شارالار ۇيىمداستىرىلسا، شالعايداعى جانىبەك اۋدانىندا شەكارا زاستاۆاسىندا بولدى. اۋدان اكتيۆى مەن اۋداندىق مادەنيەت ءۇيىنىڭ كوركەمونەرپازدارىن جانىبەكتەگى 2036-اسكەري ءبولىمىنىڭ شەكاراشىلارى ەل تۋىن كوتەرىپ، ءانۇرانىن شىرقاپ، سالتاناتپەن قارسى الدى. اسكەري ءبولىم كومانديرىنىڭ مىندەتىن اتقارۋشى سۇيىندىك ءابدىراحمانوۆ زاستاۆانىڭ اكت زالىنا جينالعان اۋدان اكتيۆى مەن شەكاراشىلارعا مەملەكەتتىك رامىزدەردىڭ ماڭىزى مەن ءمانى جونىندە جان-جاقتى بايانداپ بەردى. اۋداندىق مادەنيەت ءۇيىنىڭ ونەرپازدارى قالىڭ كوپشىلىككە ارناپ وتان، تۋعان جەر تاقىرىبىنداعى ءان شىرقاپ، كۇي توكسە، اۋداندىق «بالداۋرەن» بالاباقشاسىنىڭ بۇلدىرشىندەرى «ساربازدار» ءبيىن بيلەدى. تاۋەلسىزدىكتىڭ 20 جىلدىعى اياسىندا وتكەن شارادا سونداي-اق ءبىر-بىرىنەن اجىراتىپ العىسىز ەگىز ۇعىم - ەلباسى مەن استاناعا ارنالعان اندەر شىرقالىپ، ولەڭدەر وقىلدى.

سالتاناتتى شارا سوڭىندا «نۇر وتان» حدپ اۋداندىق فيليالى توراعاسىنىڭ ءبىرىنشى ورىنباسارى جاقسىلىق ابدولوۆ ەل تىنىشتىعى مەن ۇلت قاۋىپسىزدىگىن قامتاماسىز ەتىپ وتىرعان شەكاراشىلاردى ايتۋلى مەرەكەمەن قۇتتىقتاسا، اسكەري ءبولىم اكىمشىلىگى بىرلەسكەن شارانى ۇيىمداستىرۋشىلارعا العىس حات پەن سىيلىق تاپسىردى.

ورال. 6 ماۋسىم. قازاقپارات /ەلجان ەرالى/ - باتىس قازاقستان وبلىسىندا 4 ماۋسىم كۇنى مەملەكەتتىك رامىزدەر كۇنى كەڭىنەن تويلاندى.

ورال قالاسىندا سىرىم داتۇلى الاڭىندا مەرەكەلىك شارالار ۇيىمداستىرىلسا، شالعايداعى جانىبەك اۋدانىندا شەكارا زاستاۆاسىندا بولدى. اۋدان اكتيۆى مەن اۋداندىق مادەنيەت ءۇيىنىڭ كوركەمونەرپازدارىن جانىبەكتەگى 2036-اسكەري ءبولىمىنىڭ شەكاراشىلارى ەل تۋىن كوتەرىپ، ءانۇرانىن شىرقاپ، سالتاناتپەن قارسى الدى. اسكەري ءبولىم كومانديرىنىڭ مىندەتىن اتقارۋشى سۇيىندىك ءابدىراحمانوۆ زاستاۆانىڭ اكت زالىنا جينالعان اۋدان اكتيۆى مەن شەكاراشىلارعا مەملەكەتتىك رامىزدەردىڭ ماڭىزى مەن ءمانى جونىندە جان-جاقتى بايانداپ بەردى. اۋداندىق مادەنيەت ءۇيىنىڭ ونەرپازدارى قالىڭ كوپشىلىككە ارناپ وتان، تۋعان جەر تاقىرىبىنداعى ءان شىرقاپ، كۇي توكسە، اۋداندىق «بالداۋرەن» بالاباقشاسىنىڭ بۇلدىرشىندەرى «ساربازدار» ءبيىن بيلەدى. تاۋەلسىزدىكتىڭ 20 جىلدىعى اياسىندا وتكەن شارادا سونداي-اق ءبىر-بىرىنەن اجىراتىپ العىسىز ەگىز ۇعىم - ەلباسى مەن استاناعا ارنالعان اندەر شىرقالىپ، ولەڭدەر وقىلدى.

سالتاناتتى شارا سوڭىندا «نۇر وتان» حدپ اۋداندىق فيليالى توراعاسىنىڭ ءبىرىنشى ورىنباسارى جاقسىلىق ابدولوۆ ەل تىنىشتىعى مەن ۇلت قاۋىپسىزدىگىن قامتاماسىز ەتىپ وتىرعان شەكاراشىلاردى ايتۋلى مەرەكەمەن قۇتتىقتاسا، اسكەري ءبولىم اكىمشىلىگى بىرلەسكەن شارانى ۇيىمداستىرۋشىلارعا العىس حات پەن سىيلىق تاپسىردى.

قر مەملەكەتتىك رامىزدەرى كۇنى كەشكىسىن اۋداندىق مادەنيەت جانە دەمالىس ساياباعىندا اۋداندىق ىشكى ساياسات ءبولىمىنىڭ مەڭگەرۋشىسى جانار قوشانوۆا مەرەكەگە بايلانىستى جينالعان جۇرتشىلىق الدىندا ءسوز سويلەدى. كەش اۋدان كوركەمونەرپازدارىنىڭ كونتسەرتىنە ۇلاستى.