استانا. 7 ماۋسىم. قازاقپارات /گۇلميرا الياكپاروۆا/ - بۇگىن استانادا قازاقستانداعى بالالار مەن جاسوسپىرىمدەر اراسىنداعى سۋيتسيد ماسەلەسى تالقىلانعان دوڭگەلەك ۇستەل وتىرىسى ءوتتى.

وندا «قازاقستانداعى داعدارىس ورتالىقتارىنىڭ وداعى» زاڭدى تۇلعالار بىرلەستىگىنىڭ باسقارما ءتورايىمى ءزۇلفيا بايساقوۆا، قازاقستاندا بالالاردىڭ قۇقىعىن قورعاۋ جۇيەسى ءالى كۇنگە دەيىن جۇيەلى جولعا قويىلماعاندىعىن ايتتى.

«قر ءبىلىم جانە عىلىم مينيسترلىگىنىڭ جانىنان بالالار قۇقىعىن قورعاۋ كوميتەتىنىڭ قۇرىلۋى - بالالار قۇقىعىن قورعاۋ مەحانيزمىن قۇرۋعا جاسالعان تالپىنىس قانا بولدى. قولداعى ستاتيستيكا كوميتەتتى مينيسترلىكتىڭ قاراماعىنان شىعارىپ، بالالار پروبلەمالارىن ايتىپ بارا الاتىن، ءوز قۇقىقتارىن ەرەسەكتەرمەن تەڭ قورعاي الاتىن - بالالاردىڭ قۇقىعىن قورعاۋ بويىنشا جەكە ورگاندى قۇرۋ قاجەتتىگىن كورسەتىپ وتىر»، - دەدى ول.

ۇەۇ ءتورايىمى سونىمەن بىرگە، قازاقستاندا وتباسىمەن جۇمىس ىستەۋ بويىنشا ارنايى باعدارلامانى ازىرلەۋدى ۇسىندى. «باعدارلامادا اتا-انالارعا باسا نازار اۋدارۋ كەرەك. بىزدە اتا-انالارمەن جۇمىس ىستەيتىن بىردە-ءبىر مەكەمە نە ينستيتۋت جوق. ءبىز، ءابالالار ءبىزدىڭ بولاشاعىمىز» دەي وتىرا، ولاردىڭ ارامىزدا بۇگىنگى كۇنى ءومىر ءسۇرىپ جاتقانىن ۇمىتىپ كەتەمىز»، - دەيدى ول.

استانا. 7 ماۋسىم. قازاقپارات /گۇلميرا الياكپاروۆا/ - بۇگىن استانادا قازاقستانداعى بالالار مەن جاسوسپىرىمدەر اراسىنداعى سۋيتسيد ماسەلەسى تالقىلانعان دوڭگەلەك ۇستەل وتىرىسى ءوتتى.

وندا «قازاقستانداعى داعدارىس ورتالىقتارىنىڭ وداعى» زاڭدى تۇلعالار بىرلەستىگىنىڭ باسقارما ءتورايىمى ءزۇلفيا بايساقوۆا، قازاقستاندا بالالاردىڭ قۇقىعىن قورعاۋ جۇيەسى ءالى كۇنگە دەيىن جۇيەلى جولعا قويىلماعاندىعىن ايتتى.

«قر ءبىلىم جانە عىلىم مينيسترلىگىنىڭ جانىنان بالالار قۇقىعىن قورعاۋ كوميتەتىنىڭ قۇرىلۋى - بالالار قۇقىعىن قورعاۋ مەحانيزمىن قۇرۋعا جاسالعان تالپىنىس قانا بولدى. قولداعى ستاتيستيكا كوميتەتتى مينيسترلىكتىڭ قاراماعىنان شىعارىپ، بالالار پروبلەمالارىن ايتىپ بارا الاتىن، ءوز قۇقىقتارىن ەرەسەكتەرمەن تەڭ قورعاي الاتىن - بالالاردىڭ قۇقىعىن قورعاۋ بويىنشا جەكە ورگاندى قۇرۋ قاجەتتىگىن كورسەتىپ وتىر»، - دەدى ول.

ۇەۇ ءتورايىمى سونىمەن بىرگە، قازاقستاندا وتباسىمەن جۇمىس ىستەۋ بويىنشا ارنايى باعدارلامانى ازىرلەۋدى ۇسىندى. «باعدارلامادا اتا-انالارعا باسا نازار اۋدارۋ كەرەك. بىزدە اتا-انالارمەن جۇمىس ىستەيتىن بىردە-ءبىر مەكەمە نە ينستيتۋت جوق. ءبىز، ءابالالار ءبىزدىڭ بولاشاعىمىز» دەي وتىرا، ولاردىڭ ارامىزدا بۇگىنگى كۇنى ءومىر ءسۇرىپ جاتقانىن ۇمىتىپ كەتەمىز»، - دەيدى ول.

ز.بايساقوۆا، بالالار مەن جاسوسپىرىمدەرگە ارنالعان، دەمالىستارسىز تاۋلىك بويى جۇمىس ىستەيتىن «150» ءنومىرلى ۇلتتىق سەنىم تەلەفون جەلىسىنىڭ (قازاقستاننىڭ كەز كەلگەن تۇكپىرىنەن قوڭىراۋ تەگىن شالىنادى) جۇمىسى تۋرالى ايتا كەلە، 2011 جىلدىڭ ءۇش ايىندا 107 مىڭ، سونىڭ ىشىندە بالالاردىڭ قۇقىعىن بۇزۋ فاكتىلەرىنە قاتىستى 1648 قوڭىراۋ شالىنعانىن جەتكىزدى.

«كەلىپ تۇسكەن قوڭىراۋلارعا جاسالعان تالداۋ، بالالارىمىزدىڭ ءوزارا ءتىل تابىسۋى تومەندەگەنىن كورسەتتى. وعان ومىرىمىزگە قارقىنمەن ەنىپ جاتقان ينفو-كوممۋنيكاتسيالىق تەحنولوگيالار سەبەپشى. جاعىمسىز اقپاراتتاردىڭ ۇزدىكسىز اعىنى - ينتەرنەت، تەلەارنالار. بۇل تۇپتەپ كەلگەندە ەرەسەكتەردىڭ شاراسىز وتىرۋىنىڭ سالدارى»، - دەيدى ول.

سونداي-اق ول، «نۇر وتان» پارتياسىنىڭ سوڭعى سەزىندە ەلباسى ن.نازارباەۆتىڭ قازاقستاندا بالالار مەن جاستاردى ءبىر يدەيا اينالاسىنا جۇمىلدىراتىن ۇيىمدار قۇرۋ تاپسىرماسىن تىلگە تيەك ەتىپ، وسى ۋاقىتقا دەيىن نە بيلىك، نە ۇەۇ-لار تاراپىنان ونداي ۇيىمداردى قۇرۋعا تالپىنىس جاسالماعانىن، نە بۇل ماسەلەدە بالالاردىڭ وزدەرىنە قولعابىس ەتۋگە ازىرلىكتەرى تۋرالى يشارا بىلدىرىلمەگەنىن وكىنىشپەن ايتتى.