كونستيتۋتسيا - مەملەكەتتىڭ نەگىزگى زاڭى، ەلدەگى بارلىق باسقا زاڭدارعا قاتىستى جوعارى زاڭدى كۇشكە يە ساياسي جانە قۇقىقتىق قۇجاتى بولىپ سانالادى. دەسەك تە، قازاقستاندا سايلاۋ تۋرالى زاڭ مەن ورتالىق سايلاۋ كوميسسياسىنىڭ قاۋلىلارى ازاماتتاردىڭ سايلاۋعا ءتۇسۋ كونستيتۋتسيالىق قۇقىقتارىن شەكتەۋدە.

قر كونستيتۋتسياسىنىڭ 33-بابىنىڭ 2-تارماعىندا: "رەسپۋبليكا ازاماتتارىنىڭ مەملەكەتتىك ورگاندار مەن جەرگىلىكتى ءوزىن-ءوزى باسقارۋ ورگاندارىن سايلاۋعا جانە ولارعا سايلانۋعا، سونداي-اق رەسپۋبليكالىق رەفەرەندۋمعا قاتىسۋعا قۇقىعى بار" دەپ انىق جازىلعان.

ال 41-بابىنىڭ 2-تارماعىندا: "قازاقستان رەسپۋبليكاسىنىڭ پرەزيدەنتى بولىپ تۋمىسىنان رەسپۋبليكا ازاماتى بولىپ تابىلاتىن، قىرىق جاسقا تولعان، مەملەكەتتىك ءتىلدى ەركىن مەڭگەرگەن، قازاقستاندا سوڭعى ون بەس جىل بويى تۇراتىن جانە جوعارى ءبىلىمى بار رەسپۋبليكا ازاماتى سايلانا الادى. كونستيتۋتسيالىق زاڭدا رەسپۋبليكا پرەزيدەنتتىگىنە كانديداتتارعا قوسىمشا تالاپتار بەلگىلەنۋى مۇمكىن" دەلىنگەن.

پرەزيدەنتتىككە كانديداتتارعا قوسىمشا تالاپتار بەلگىلەنۋى مۇمكىن دەگەن سوڭعى سويلەمگە سۇيەنىپ، ورتالىق سايلاۋ كوميسسياسىنىڭ قاۋلىسى بويىنشا مىنالار پرەزيدەنتتىككە كانديدات بولا المايدى:

1. مەملەكەتتىك قىزمەتتە نەمەسە سايلانبالى لاۋازىمدا كەم دەگەندە 5 جىل جۇمىس تاجىريبەسىنىڭ بولۋى ءتيىس.

2. زاڭدا بەلگىلەنگەن تارتىپپەن وتەلمەگەن نەمەسە الىنباعان سوتتىلىعى بار ادام.

3. سىبايلاس جەمقورلىق قىلمىس جانە سىبايلاس جەمقورلىق قۇقىق بۇزۋشىلىق جاساعانى ءۇشىن كىناسىن سوت زاڭدا بەلگىلەنگەن تارتىپپەن تانىعان ادام.

4. پرەزيدەنتتiككە كانديداتتى قولداپ قول جيناۋ. پرەزيدەنتتiككە كانديداتتى وبلىستاردىڭ، رەسپۋبليكالىق ماڭىزى بار قالالاردىڭ جانە رەسپۋبليكا استاناسىنىڭ كەم دەگەندە ۇشتەن ەكiسiنiڭ اتىنان تەڭدەي وكiلدiك ەتەتiن سايلاۋشىلاردىڭ جالپى سانىنىڭ كەم دەگەندە بiر پروتسەنتi قولداۋعا تيiس.

بۇل قولدى پرەزيدەنتتىككە كانديدات بولىپ تىركەلگەننەن كەيىن بەس كۇن ىشىندە جيناۋ قاجەت، ەگەر كورسەتىلگەن قولدى جيناي الماسا، سايلاۋ كوميسسياسى ول كانديداتتى سايلاۋعا قاتىستىرمايدى. ال بەس كۇن ىشىندە كوپ قولدى جيناۋ مۇمكىن ەمەس جاعداي.

تالعات قاتاۋوۆ

Abai.kz