ار-نامىسىڭ اياققا تاپتالىپ، عازيز جانىڭ قورلاناسا دا تاقىرىپتى وسىلاي قويۋعا تۋرا كەلدى. ويتكەنى، مەملەكەتتىك قازىنادان قارجى الىپ وتىرعان ءورىستىلدى باسىلىمدار «ماعجان جۇماباەۆ» اتتى دەرەكتى ءفيلمنىڭ اتىن جوعارىداعىداي قويىرتپاق جاساپ وزدەرىنشە قوتارىپ الىپتى. قويىرتپاق قوتارما شاماسى، كومپيۋتەر «ءتارجىماسىنا» سۇيەنسە كەرەك. ال، كومپيۋتەردىڭ «تىلىنە» ءبارىبىر: قازاق ءسوزىن ورىسشاعا، ورىسشانى قازاقشاعا جولما جول «اۋدارىپ» بەرە سالادى.

ار-نامىسىڭ اياققا تاپتالىپ، عازيز جانىڭ قورلاناسا دا تاقىرىپتى وسىلاي قويۋعا تۋرا كەلدى. ويتكەنى، مەملەكەتتىك قازىنادان قارجى الىپ وتىرعان ءورىستىلدى باسىلىمدار «ماعجان جۇماباەۆ» اتتى دەرەكتى ءفيلمنىڭ اتىن جوعارىداعىداي قويىرتپاق جاساپ وزدەرىنشە قوتارىپ الىپتى. قويىرتپاق قوتارما شاماسى، كومپيۋتەر «ءتارجىماسىنا» سۇيەنسە كەرەك. ال، كومپيۋتەردىڭ «تىلىنە» ءبارىبىر: قازاق ءسوزىن ورىسشاعا، ورىسشانى قازاقشاعا جولما جول «اۋدارىپ» بەرە سالادى.

الاشتىڭ اياۋلى اقىنى ماعجاننىڭ سويىن «پياتنيتسالاپ» تاستاعان ءورىستىلدى باسىلىمدار اقمولا وبلىسىنىڭ بۋراباي اۋدانىندا جارىق كورەتىن «بۋراباي»، «لۋچ»، «سەلسكايا نوۆ» دەيتىن گازەتتەر ەكەن. الگى اتالعان گازەتتەر 31 مامىر كۇنى حابار ارناسىنان كورسەتىلگەن «ماعجان جۇماباەۆ» دەرەكتى ءفيلمىن وقىرماندارىنا «ماعجان پياتنيتساباەۆ» دەپ «ورىسشالاپ» جەتكىزىپتى. بۇل جايتتى  ەكى ءتىلدى «ەگىز» قولدانۋدىڭ قازاقستانداعى ناتيجەسى دەيمىز بە، الدە باسقا دەيمىز بە،  ول تۋراسىندا قۇرمەتتى وقىرمان، ءوزىڭ وي ايتىپ، قورتىندى جاسا. ماعجاندى «پياتنيتساباەۆ» قىلىپ العان اۋداندىق گازەتتەگى ارىپتەستەرىمىز ايگىلى «دوسمۇقساننىڭ» ءانشىسى بولعان، مارقۇم باقىتجان ءجۇمادىلوۆتى دە وڭدىرماپتى. جەكسەنبى، 5 ماۋسىمداعى 22.00-دە ەفيرگە شىققان  "باقىتجان ءجۇمادىلوۆتى ەسكە الۋ كەشى"  "باقىتجان ءپياتنيتسادىلوۆتى ەسكە الۋ كەشى" بولىپ جاريالانىپتى.
ەستەرىڭىزگە سالا كەتەيىك، اۋماعىندا استانا بايتاق قالامىز تۇرعان اقمولا وبلىسىنىڭ ورتالىعى كوكشەتاۋدا مەملەكەت قارجىسىمەن جارىق كورەتىن «ستەپنوي ماياك» گازەتى  تاياۋداعى، ياعني 26 مامىرداعى 21 سانىندا «قاڭعىباس قازاقتىڭ باسپاناسى نە؟» دەگەن   سۇراق جاسىرىپ جاۋابىن «كيىز ءۇي» دەپ بەرگەن ەدى...

«اباي-اقپارات»