ازاماتتىق قوعامنىڭ مۇشەلەرى قوعامداعى ماڭىزدى ماسەلەلەر بويىنشا پىكىرىن ءبىلدىرۋ ءۇشىن قوعامدىق كەڭەس قىزمەتىنە جۇگىنەدى. قوعامدىق كەڭەستەر ارقىلى قازاقستاننىڭ كەز-كەلگەن ازاماتى مەملەكەتتىك ورگانداردىڭ قىزمەتىنە قوعامدىق نەگىزدە ءۇن قوسا الادى. ياعني، مەملەكەتتىك ورگانداردىڭ قانداي دا ءبىر شەشىمدەردى قابىلداۋىنا ىقپال ەتەدى. دەمەك، قوعامدىق كەڭەستەر زاڭ اياسىندا ەل ومىرىندە ەلەۋلى جۇمىس اتقارىپ كەلەدى دەۋگە تولىق نەگىز بار.

ۇلت جوسپارى – مەملەكەت باسشىسىنىڭ بەس ينستيتۋتسيونالدىق رەفورماسىن جۇزەگە اسىرۋ جونىندەگى 99 ناقتى قادامىن ورىنداۋ ماقساتىندا 2015 جىلعى 2 قاراشادا قوعامدىق كەڭەستەردىڭ مارتەبەسى مەن وكىلەتتىلىگىن انىقتايتىن «قوعامدىق كەڭەستەر تۋرالى» زاڭى قابىلدانعانىن ءبارىمىز بىلەمىز. ءدال وسى وسى قوعامدىق كەڭەستەردىڭ قىزمەتىنىڭ ارقاسىندا حالىق اراسىندا قوردالانعان كوپ ماسەلە ءوز شەشىمىن تاپقانى شىندىق.

ازاماتتىق قوعامنىڭ مۇددەلەرىن ءبىلدىرۋ جانە مەملەكەتتىك ورگاندار قابىلدايتىن شەشىمدەردى تالقىلاۋ مەن قابىلداۋ كەزىندە جۇرتشىلىقتىڭ پىكىرىن ەسكەرۋ بارىنەن ماڭىزدى. سول ءۇشىن مەملەكەتتىك ورگاندار مەن جەرگىلىكتى ءوزىن-ءوزى باسقارۋ ورگاندارىنىڭ ازاماتتىق قوعاممەن ءوزارا ءىس-قيمىل جاساۋىن دامىتىپ، قوعامدىق باقىلاۋدى ۇيىمداستىرۋ جانە مەملەكەتتىك ورگاندار مەن جەرگىلىكتى ءوزىن-ءوزى باسقارۋ ورگاندارى قىزمەتىنىڭ اشىقتىعىن قامتاماسىز ەتۋدە قوعامدىق كەڭەستىڭ ءرولى زور.

ەل ىشىندەگى الەۋمەتتىك ماسەلەلەردى، حالىقتىڭ مۇڭ-مۇقتاجىن تىكەلەي بيلىك وكىلدەرىنە جەتكىزۋشى مەحانيزمنىڭ ءرولىن اتقارادى. جوعارىدا اتالعان زاڭعا سايكەس قوعامدىق كەڭەستەر رەسپۋبليكالىق جانە جەرگىلىكتى دەڭگەيدە قۇرىلادى. وسىعان بايلانىستى 2016 جىلدىڭ اقپان ايىندا قازاقستان رەسپۋبليكاسى ادىلەت مينيسترلىگىنىڭ جانىنان دا ادىلەت ورگاندارى قىزمەتىنىڭ ماسەلەلەرى بويىنشا قوعامدىق كەڭەس قۇرىلدى.

وسى مىندەتتەردى اتقارۋ ماقساتىندا وتكەن جىلى قوعامدىق كەڭەستىڭ جۇمىس جوسپارىنا سايكەس نوتاريۋستار مەن ادۆوكاتتاردىڭ ءىس-ارەكەتىنە جەكە جانە زاڭدى تۇلعالاردىڭ شاعىمدارىن قاراستىرۋ بويىنشا تالداۋدى، باعدارلامالىق قامتاماسىز ەتۋشىلەرگە قۇقىقتاردى قورعاۋ ماسەلەلەرىن، مەملەكەتتىك قىزمەتتەردى كورسەتۋ مونيتورينگى بويىنشا ادىلەت مينيسترلىگىنىڭ تالداۋىن، ادىلەت مينيسترلىگىنىڭ ستراتەگيالىق جوسپارىن جۇزەگە اسىرۋدىڭ ناتيجەسىن جانە ت.ب. تالقىلاۋ بويىنشا ءىس-شارالار جۇرگىزىلدى.

اسا ماڭىزدى دەپ تانىلعان ماسەلەلەرگە توقتالاتىن بولسام، ول ادىلەت ءمينيسترىنىڭ قوعامدىق كەڭەس پەن حالىق الدىندا ەسەپ بەرۋى. تىڭداعاننان كەيىن ەسەپ قابىلداندى. سونىمەن قاتار ازاماتتاردىڭ جانە زاڭدى تۇلعالاردىڭ مۇددەلەرىنە تىكەلەي قاتىستى كوپتەگەن ماسەلەلەر جان جاقتى تالقىلاندى.

قوعامدىق كەڭەستەر تۋرالى زاڭىنا سايكەس قوعامدىق كەڭەستەر ازاماتتاردىڭ قۇقىقتارىنا، بوستاندىقتارى مەن مىندەتتەرىنە قاتىستى نورماتيۆتىك قۇقىقتىق اكتىلەردىڭ جوبالارىن ازىرلەۋگە جانە تالقىلاۋعا قاتىسادى.

بۇگىنگى تاڭدا قوعامدىق باقىلاۋ ءرولىنىڭ كۇشەيۋىنە وراي قوعامدىق كەڭەس ادىلەت ورگاندارى قىزمەتىنىڭ كوپتەگەن باعىتتارىندا ساياساتتى قالىپتاستىرۋعا تولىق قۇقىقتى قاتىسۋشى بولا الادى. قوعامدىق كەڭەستەر ءبىر جىل بۇرىن عانا قۇرىلدى، وسىعان بايلانىستى وتكەن جىل ولاردىڭ قالىپتاسۋ جىلى بولدى.

جاقىندا الماتى قالاسىنىڭ ءماسليحاتى 2019-2022 جىلدارعا ارنالعان قوعامدىق كەڭەستىڭ جاڭا قۇرامىن بەكىتتى. قوعامدىق كەڭەستىڭ وكىلەتتىك مەرزىمى – ءۇش جىل. قوعامدىق كەڭەستەگى ازاماتتىق قوعام وكىلدەرىنىڭ سانى مۇشەلەردىڭ جالپى سانىنىڭ كەمىندە 2/3-ءىن قۇراۋى ءتيىس. جۇمىس توبى وتىرىسىنىڭ قورىتىندىسى بويىنشا 2019-2022 جىلدارعا ارنالعان الماتى قوعامدىق كەڭەسىنىڭ ءىى قۇرامى بەكىتىلدى. الماتى قوعامدىق كەڭەسى بۇرىنعى مۇشەلەرىنىڭ 55%-ءى ءوز ورىندارىن ساقتاپ قالدى.

Abai.kz