ولار بۇل جولعى اكتسيانىڭ تىم ساياسيلانىپ كەتكەنىن، رەسەي تۋىن الىپ جۇرەتىن شەرۋگە قاتىسۋدان باس تارتقانىن ايتادى.
"ماڭگىلىك پولك" — ەكىنشى دۇنيەجۇزىلىك سوعىسقا ءبىزدىڭ جەرىمىزدى قورعاۋ ءۇشىن قاتىسقان اتالارىمزدى ەسكە الۋعا ارنالعان. بىراق بۇل اكتسيادا نەگىزىنەن رەسەي تۋىن كوتەرىپ جۇرەدى. سوندىقتان ءبىز ءوزىمىزدىڭ شەرۋىمىزدى وتكىزۋدى شەشتىك",- دەيدى اكتسياعا قاتىسۋدان باس تارتقان ازاماتتاردىڭ ءبىرى.
بىلتىر رەسمي رۇقسات ەتىلمەگەنىنە قاراماستان، دۋشانبەدە "ماڭگىلىك پولك" شەرۋى وتكەن.
"ماڭگىلىك پولك" — 9 مامىردا رەسەيدىڭ جانە باسقا بىرقاتار ەلدەردىڭ قالالارىندا ءوتىپ كەلە جاتقان قوعامدىق اكتسيا. ونىڭ قاتىسۋشىلارى ەكىنشى دۇنيەجۇزىلىك سوعىسقا قاتىسقان تۋىستارىنىڭ سۋرەتتەرىن كوتەرىپ، ءجۇرىپ ءوتۋى ءتيىس.
Abai.kz
