تامىزدىڭ 19-ى كۇنى  سەنات سايلاۋى بولعالى جاتىر. بۇل سايلاۋدا ەل ەلوكتورات ەمەس، ءتىپتى ەشكىم دە ەمەس. ايتپاقتايىن، وسى سەنات دەپۋتتارىن سايلاۋعا ەل ءىشى ءتىپتى ەلەڭ ەتىپ تە قويمايدى، ويتكەنى... جاعداي سولاي. ەلدىڭ ەلەڭ ەتپەيتىن سەبەبى - سەنات دەپۋتاتتىعىنان ۇمىتكەردىڭ كانديداتۋراسىن قولداپ وبلىس ءماسليحاتىنىڭ دەپۋتاتتارى  داۋىس بەرە سالادى، ءبىتتى شارۋا. تەگىندە، قارجى شىعىنداپ، الاشاپقىن بولعانشا وسى دۇرىس شىعار.  ايتكەنمەندە، وبلىس دەپۋتتارى كىمدەرگە داۋىس بەرىپ كەلەدى دەگەن   جالقى  ساۋالعا جاۋاپ ىزدەپ كورەلىكشى. ماسەلەن، سولتۇستىك قازاقستان وبلىسىنىڭ ءماسليحاتى ون بەس جىلدان بەرى سيمامباەۆ دەيتىننىڭ ساۋىرىنان سيپاپ سەناتقا اتتاندىرىپ وتىر. اتى تاسباي. تاسباي  سەنات ءۇيىنىڭ ىعىندا تاسالاپ جۇرگەننىڭ ءبىرى ەدى، بىلتىر ماجىلىستەگى ارىپتەسى ءام جەرلەسى جاراسباي سۇلەيمەنوۆ مىرزا «پەتروپاۆلسكىنىڭ اتىن تاريحي قالپىنا كەلتىرۋ كەرەك» دەپ دەپۋتاتتىق ساۋلداما جاساعاندا تالاعى تارس ايرىلىپ، تاس تالقان بولدى. ءسويتىپ كورىندى. ءسويتىپ ءبىلىندى. سول تاسباي كەشە تاعى دا تاسىپ سويلەدى.

تامىزدىڭ 19-ى كۇنى  سەنات سايلاۋى بولعالى جاتىر. بۇل سايلاۋدا ەل ەلوكتورات ەمەس، ءتىپتى ەشكىم دە ەمەس. ايتپاقتايىن، وسى سەنات دەپۋتتارىن سايلاۋعا ەل ءىشى ءتىپتى ەلەڭ ەتىپ تە قويمايدى، ويتكەنى... جاعداي سولاي. ەلدىڭ ەلەڭ ەتپەيتىن سەبەبى - سەنات دەپۋتاتتىعىنان ۇمىتكەردىڭ كانديداتۋراسىن قولداپ وبلىس ءماسليحاتىنىڭ دەپۋتاتتارى  داۋىس بەرە سالادى، ءبىتتى شارۋا. تەگىندە، قارجى شىعىنداپ، الاشاپقىن بولعانشا وسى دۇرىس شىعار.  ايتكەنمەندە، وبلىس دەپۋتتارى كىمدەرگە داۋىس بەرىپ كەلەدى دەگەن   جالقى  ساۋالعا جاۋاپ ىزدەپ كورەلىكشى. ماسەلەن، سولتۇستىك قازاقستان وبلىسىنىڭ ءماسليحاتى ون بەس جىلدان بەرى سيمامباەۆ دەيتىننىڭ ساۋىرىنان سيپاپ سەناتقا اتتاندىرىپ وتىر. اتى تاسباي. تاسباي  سەنات ءۇيىنىڭ ىعىندا تاسالاپ جۇرگەننىڭ ءبىرى ەدى، بىلتىر ماجىلىستەگى ارىپتەسى ءام جەرلەسى جاراسباي سۇلەيمەنوۆ مىرزا «پەتروپاۆلسكىنىڭ اتىن تاريحي قالپىنا كەلتىرۋ كەرەك» دەپ دەپۋتاتتىق ساۋلداما جاساعاندا تالاعى تارس ايرىلىپ، تاس تالقان بولدى. ءسويتىپ كورىندى. ءسويتىپ ءبىلىندى. سول تاسباي كەشە تاعى دا تاسىپ سويلەدى.

سويلەگەندە ءبۇي دەدى:
- مەن، - دەپ قويادى ول سالبىراعان اۋكەسىنە يە بولا الماي تۇرىپ، - دەنساۋلىعى مىقتى، سەرگەك اداممىن. مەنىڭ ءبىلىمىم، دەپۋتتاتىق مول تاجىريبەم قوعامعا، سەنات جۇمىسىنا قاتتى كەرەك. سوندىقتان مەن قايتادان سايلانۋعا ءازىرمىن.

قاراڭىز دا تۇرىڭىز، تاسباي تاعى دا تاعايىندالادى..، كەشىرىڭىزدەر، سايلانادى. سايلانىپ كەلە سالىسىمەن سايلانىپ الىپ سولتۇستىكتەگى ءوزى ولەردەي جاقسى كورەتىن جۇرتتىڭ سويىلىن سوعىپ، سوقاسىن سۇيرەتەدى. «پەتروپاۆلسك قامالىن ابىلاي حان ورىستارمەن بىرگىپ جوڭعار شاپقىنشىلىعىنان قورعادى» دەپ   «تاريح» بەتىنەن تالتايتىپ جاڭالىق اشقان تاسباي ودان زورعىسىن ايتسا، ءسىرا، تاڭقالامىڭىز! كوردىڭىزدەر مە، وبلىس ءماسليحاتتارى قانداي ادامداردىڭ كانديداتۋراسىن جاقتايدى؟ كىمدەرگە  داۋىس بەرەدى؟ ال، ۇلتىن جان تانىمەن سۇيەتىن، قازاق ۇلتىنىڭ ساياسىنداعى وزگە ۇلىستاردى ەشكىمنەن كەم كورمەيتىن كەمەل ازامات جاراسباي اعا سۇلەيمەنوۆ بولسا، ءبىر سۇحباتىندا: «ءماجىلىس دەپۋتاتتىعىنان بوساسام ەلگە پايدام تيەتىن شارۋامەن عانا شۇعىلدانامىن، قالامىمدى ۇستاپ جازۋ ۇستەلىنە قايتادان وتىرامىن» دەيدى.
تاسباي تاسىر تاسىرلاتىپ ءجۇر. تاسباي تاعى تاسىرلاتپاق. تاسبايدىڭ تاسىرىن  «اباي.كز» اقپاراتتىق پورتالىنىڭ مۇراعاتىنان تاۋىپ الىپ وقي بەرىڭىزدەر، «قىزىققا» كەنەلەسىزدەر.

«اباي-اقپارات»