باۋىرجان بەرىكۇلى. رەپپەن ىرەلگەن ءانۇران
قازاقستان رەسپۋبليكاسى باس پروكۋرورى اسحات داۋىلباەۆ پەن پارلامەنت دەپۋتاتتارىنىڭ نازارىنا!
مەملەكەتتىك، ۇلتتىق نىشاندارىمىزدى قورلاۋ «اكتسياسى» جالعاسىپ جاتىر. بىرەۋلەر تۋىمىزدان قاپ جاساپ، بىرەۋلەر كيىز ءۇيىمىزدى «قاڭعىباس قازاقتاردىڭ باپاناسى» دەپ قورلاسا، ەندى بىرەۋلەر ءانۇرانىمىزدى كەلەكە مازاق ەتۋدى باستاپتى. ءبىز نە كورمەگەن ەل ەدىك؟ قازىر دە نە كورمەي جاتىرمىز؟
ەسىمىن ەل بىلەتىن ەسكەندىر اعامىزدىڭ ورىنداۋىنداعى قاسيەتتى ءانۇراندى بەلگىسىز بىرەۋلەر باتىستىڭ وگىزدەي وكىرىپ، باقسىداي سەلكىلدەگەن اۋەيى اۋەنىمەن «ارلەپ»، زاماناۋي «رەپپەن» ىرەپ تاستاپتى! رەپپەن ىرەلگەن ءانۇرانىمىزدى قازىر جاستاردىڭ قولىنداعى ۇيالى تەلەفونداردان تىڭداۋعا ابدەن بولادى. ۇلتتىق قۇندىلىقتارى قۇرمەتتەلۋدەن قالعان مەملەكەتتىڭ بەتىمەن كەتكەن ۇل-قىزى الگى رەپ-ءانۇراندى بىرىنەن ءبىرى كوشىرىپ الىپ ءماز.
مۇمكىن بۇل: «اسكەرگە بارۋعا، دارىگەرگە قارالۋعا، قان بەرۋگە، ءانۇران ايتۋعا، ت.ب. مۇلدەم بولمايدى!» دەپ ونسىز دا ساناسى سانسىراعان جۇرتتىڭ ميىن اتالا قىلىپ جۇرگەن بەيباقتاردىڭ تىرلىگى شىعار؟
الداعى ۋاقىتتا تۇنگى كلۋبتاردا وسىنداي جاڭا «اۋەنگە» جانىن سالىپ بيلەپ جۇرگەن ءبىزدىڭ قانداستاردى كورسەڭىز، تاڭعالماڭىز. ءبىزدىڭ قوعام وعان دا «ءلاپپاي، تاقسىر!»
«اباي-اقپارات»
قازاقستان رەسپۋبليكاسى باس پروكۋرورى اسحات داۋىلباەۆ پەن پارلامەنت دەپۋتاتتارىنىڭ نازارىنا!
مەملەكەتتىك، ۇلتتىق نىشاندارىمىزدى قورلاۋ «اكتسياسى» جالعاسىپ جاتىر. بىرەۋلەر تۋىمىزدان قاپ جاساپ، بىرەۋلەر كيىز ءۇيىمىزدى «قاڭعىباس قازاقتاردىڭ باپاناسى» دەپ قورلاسا، ەندى بىرەۋلەر ءانۇرانىمىزدى كەلەكە مازاق ەتۋدى باستاپتى. ءبىز نە كورمەگەن ەل ەدىك؟ قازىر دە نە كورمەي جاتىرمىز؟
ەسىمىن ەل بىلەتىن ەسكەندىر اعامىزدىڭ ورىنداۋىنداعى قاسيەتتى ءانۇراندى بەلگىسىز بىرەۋلەر باتىستىڭ وگىزدەي وكىرىپ، باقسىداي سەلكىلدەگەن اۋەيى اۋەنىمەن «ارلەپ»، زاماناۋي «رەپپەن» ىرەپ تاستاپتى! رەپپەن ىرەلگەن ءانۇرانىمىزدى قازىر جاستاردىڭ قولىنداعى ۇيالى تەلەفونداردان تىڭداۋعا ابدەن بولادى. ۇلتتىق قۇندىلىقتارى قۇرمەتتەلۋدەن قالعان مەملەكەتتىڭ بەتىمەن كەتكەن ۇل-قىزى الگى رەپ-ءانۇراندى بىرىنەن ءبىرى كوشىرىپ الىپ ءماز.
مۇمكىن بۇل: «اسكەرگە بارۋعا، دارىگەرگە قارالۋعا، قان بەرۋگە، ءانۇران ايتۋعا، ت.ب. مۇلدەم بولمايدى!» دەپ ونسىز دا ساناسى سانسىراعان جۇرتتىڭ ميىن اتالا قىلىپ جۇرگەن بەيباقتاردىڭ تىرلىگى شىعار؟
الداعى ۋاقىتتا تۇنگى كلۋبتاردا وسىنداي جاڭا «اۋەنگە» جانىن سالىپ بيلەپ جۇرگەن ءبىزدىڭ قانداستاردى كورسەڭىز، تاڭعالماڭىز. ءبىزدىڭ قوعام وعان دا «ءلاپپاي، تاقسىر!»
«اباي-اقپارات»
قازاقستان رەسپۋبليكاسىنىڭ مەملەكەتتىك گيمنىن پايدالانۋ ءتارتىبى قانداي؟ زاڭعا نازار اۋدارىڭىز:
8-باپ. قازاقستان رەسپۋبليكاسىنىڭ مەملەكەتتىك گيمنىن
پايدالانۋ ءتارتىبى.
1. مەملەكەتتىك گيمن:
1) قازاقستان رەسپۋبليكاسىنىڭ پرەزيدەنتى قىزمەتكە كىرىسكەن كەزدە - ول انت بەرگەننەن كەيىن;
2) قازاقستان رەسپۋبليكاسى پارلامەنتى سەسسيالارىنىڭ اشىلۋى جانە جابىلۋى كەزىندە;
3) قازاقستان رەسپۋبليكاسىنىڭ ۇلتتىق جانە مەملەكەتتىك مەرەكەلەرىنە، سونداي-اق وزگە دە سالتاناتتى ءىس-شارالارعا ارنالعان جينالىستار مەن ماجىلىستەردىڭ سالتاناتتى اشىلۋى كەزىندە;
4) تەلەۆيزيا جانە (نەمەسە) راديو حابارلارىن تاراتۋدى جۇزەگە اسىرۋعا ليتسەنزياسى بار بۇقارالىق اقپارات قۇرالدارىنىڭ تەلە جانە راديوباعدارلامالارى ەفيرگە شىققان كەزدە تاۋلىك سايىن، ولاردىڭ حابار تاراتۋى باستالعاندا جانە اياقتالعاندا;
5) قازاقستان رەسپۋبليكاسى حالقىنىڭ ومىرىندەگى اسا ماڭىزدى تاريحي وقيعالاردى اتاپ ءوتۋ قۇرمەتىنە ەسكەرتكىشتەردى، مونۋمەنتتەردى، قۇلپىتاستاردى جانە باسقا دا عيماراتتاردى اشۋ كەزىندە;
6) قازاقستان رەسپۋبليكاسىنىڭ مەملەكەتتىك ورگاندارى، سونداي-اق قوعامدىق بىرلەستىكتەرى مەن وزگە دە ۇيىمدارى وتكىزەتىن راسىمدەر، سالتاناتتى جانە سپورتتىق ءىس-شارالار كەزىندە قازاقستان رەسپۋبليكاسىنىڭ مەملەكەتتىك تۋى كوتەرىلگەن كەزدە;
7) قازاقستان رەسپۋبليكاسىنا مەملەكەتتىك نەمەسە رەسمي ساپارمەن كەلگەن شەت مەملەكەتتەردىڭ باسشىلارىن قارسى الۋ كەزىندە - ءتيىستى شەت مەملەكەتتىڭ مەملەكەتتىك گيمنى ورىندالعاننان كەيىن;
8) جالپى ورتا، كاسىپتىك باستاۋىش، كاسىپتىك ورتا، كاسىپتىك جوعارى جانە جوعارى وقۋ ورنىنان كەيىنگى كاسىپتىك ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا جاڭا وقۋ جىلىنىڭ اشىلۋ جانە وقۋ جىلىنىڭ اياقتالۋ راسىمدەرى كەزىندە، سونداي-اق وزگە دە سالتاناتتى ءىس-شارالار وتكىزىلگەن كەزدە;
9) قازاقستان رەسپۋبليكاسىنىڭ ۇلتتىق (قۇراما) كومانداسى قاتىساتىن سپورتتىق ءىس-شارالار وتكىزىلگەن كەزدە ورىندالادى.
2. قارۋلى كۇشتەردىڭ اسكەري قۇرامالارىندا، بولىمدەرىندە، بولىمشەلەرىندە، مەكەمەلەرىندە جانە باسقا دا اسكەرلەر مەن اسكەري قۇرالىمداردا مەملەكەتتىك گيمندى ورىنداۋ ءتارتىبى جالپى اسكەري جارعىلاردا ايقىندالادى.
9-باپ. قازاقستان رەسپۋبليكاسىنىڭ مەملەكەتتىك گيمنىن
ورىنداۋ ءتارتىبى
1. مەملەكەتتىك گيمن كوپشىلىك الدىندا ورىندالعان كەزدە قاتىسۋشىلار ونى ورنىنان تۇرىپ ايتادى (تىڭدايدى), بۇل رەتتە قازاقستان رەسپۋبليكاسىنىڭ ازاماتتارى وڭ قولىن جۇرەك تۇسىنا قويادى.
قازاقستان رەسپۋبليكاسىنىڭ مەملەكەتتىك ورگاندارى مەن وزگە دە ۇيىمدارى شەت مەملەكەتتەر اۋماعىندا ءىس-شارالار وتكىزگەن كەزدە مەملەكەتتىك گيمن وسى كونستيتۋتسيالىق زاڭعا، سونداي-اق سول مەملەكەتتىڭ زاڭناماسى مەن پروتوكولدىق پراكتيكاسىنا جانە جەرگىلىكتى سالت-داستۇرگە سايكەس ورىندالادى.
قازاقستان رەسپۋبليكاسىنىڭ مەملەكەتتىك تۋىن سالتاناتتى جاعدايدا كوتەرۋ جانە تىگۋ كەزىندە مەملەكەتتىك گيمن ورىندالادى، بۇل رەتتە قاتىسۋشىلار جۇزدەرىن تۋعا قاراي بۇرادى.
2. مەملەكەتتىك گيمندى وركەستر، حور، وركەستر مەن حور ورىندايدى نە ول وزگە دە ۆوكالدىق جانە اسپاپتىق تۇردە ورىندالادى. بۇل رەتتە دىبىس جازۋ قۇرالدارى پايدالانىلۋى مۇمكىن.
قازاقستان رەسپۋبليكاسىنىڭ مەملەكەتتىك گيمنىن ىقشامداپ ورىنداۋعا جول بەرىلەدى.
3. مەملەكەتتىك گيمن بەكىتىلگەن ءماتىنى مەن مۋزىكالىق رەداكتسياسىنا دالمە-ءدال سايكەستىكپەن مەملەكەتتىك تىلدە ورىندالادى.
4. قازاقستان رەسپۋبليكاسى مەملەكەتتىك گيمنىنىڭ ءماتىنى مەن مۋزىكالىق رەداكتسياسىن باسقا مۋزىكالىق شىعارمالاردىڭ جانە وزگە دە ونەر تۋىندىلارىنىڭ نەگىزى رەتىندە پايدالانۋعا بولمايدى.
15-باپ. قازاقستان رەسپۋبليكاسىنىڭ مەملەكەتتىك رامىزدەرىن
پايدالانۋدى رەتتەيتىن زاڭنامانى بۇزعانى ءۇشىن
جاۋاپتىلىق
وسى كونستيتۋتسيالىق زاڭنىڭ تالاپتارىن بۇزا وتىرىپ، قازاقستان رەسپۋبليكاسىنىڭ مەملەكەتتىك تۋىن، مەملەكەتتىك ەلتاڭباسىن جانە ولاردىڭ بەينەلەرىن پايدالانۋ، سونداي-اق قازاقستان رەسپۋبليكاسىنىڭ مەملەكەتتىك گيمنىن ورىنداۋ جانە ونىڭ ءماتىنىن پايدالانۋ نە قازاقستان رەسپۋبليكاسىنىڭ مەملەكەتتىك رامىزدەرىن قورلاۋ قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جاۋاپتىلىققا اكەپ سوعادى.
(قر مەملەكەتتىك رامىزدەر تۋرالى زاڭ)
