قازاقستان رەسپۋبليكاسى پارلامەنت سەناتىنىڭ كەزەكتى وتىرىسىندا «ارنايى ەكونوميكالىق جانە يندۋستريالىق ايماقتار تۋرالى» زاڭ قابىلداندى، - دەپ حابارلايدى اباي-اقپارات.

«ارنايى ەكونوميكالىق جانە يندۋستريالىق ايماقتار تۋرالى» زاڭ اياسىندا ەلىمىزدەگى ەكونوميكالىق جانە يندۋستريالىق ايماقتاردى قۇرۋ ماسەلەسى ءھام ول ايماقتاردىڭ جۇمىس ىستەۋى جانە ولاردى تاراتۋ ءتارتىبى رەتتەلەتىن بولادى.

سونداي-اق، اتالمىش زاڭنىڭ اياسىندا ۇكىمەتتىڭ، ۋاكىلەتتى ورگاننىڭ، جەرگىلىكتى اتقارۋشى جانە وزگە دە ورتالىق ورگانداردىڭ قۇزىرەتى انىقتالاتىن بولادى. ياعني، قر سەناتى قابىلداعان وسى زاڭ زاڭنامالىق تۇرعىدان يندۋستريالىق ايماقتاردىڭ باسقارۋشى كومپانيالارىنىڭ فۋنكتسيالارىن، يندۋستريالىق ايماقتاردىڭ تۇرلەرىن جانە ايماق قاتىسۋشىلارىنىڭ قۇقىقتارى مەن مىندەتتەرىن ايقىنداماق.

ەندى قازاقستان اۋماعىندا ەكونوميكالىق جانە يندۋستريالىق ايماقتاردى دامىتۋ، ينۆەستيتسيا تارتۋ سالاسىن جەتىلدىرۋ ءۇشىن بىرىڭعاي ۇيلەستىرۋ ورتالىعىن قۇرىلادى. بۇل ورتالىق ەكونوميكالىق ايماقتىڭ ارنايى قۇقىقتىق ءتارتىبىن انىقتاپ، سالىق جانە كەدەندىك باقىلاۋدى رەتتەۋگە ءوز سەپتىگىن تيگىزبەك.

دەپۋتاتتار بۇل زاڭدى  ەكى وقىلىمدا قاراپ، قابىلداپ وتىر. سەنات يندۋستريالىق ايماقتاردىڭ جۇمىس ىستەۋىن رەتتەۋ ءۇشىن بۇرىنعى زاڭعا 23 تۇزەتۋ ەنگىزگەن.

وسىنىڭ ناتيجەسىندە بىرىنشىدەن يندۋستريالىق ايماقتارعا جەر تەلىمدەرىن بەرۋدىڭ جاڭا تەتىگى پايدا بولدى.

ەكىنشىدەن، ەكونوميكالىق جانە يندۋستريالىق ايماقتاردىڭ قارقىندى دامۋى كومپانيالار ءۇشىن جەر سالىعىنان، مۇلىك سالىعىنان جانە جەر ۋچاسكەلەرىن پايدالانعانى ءۇشىن تولەنەتىن تولەماقىدان بوساتىلادى.

ۇشىنشىدەن، «قورعاس» حالىقارالىق شەكارا ماڭى ىنتىماقتاستىعى ورتالىعى» «يننوۆاتسيالىق تەحنولوگيالار پاركى»، «استانا – جاڭا قالا» سەكىلدى ايماقتاردىڭ جۇمىس ىستەۋ ەرەجەلەرى وزگەردى.

تورتىنشىدەن، «ارنايى ەكونوميكالىق جانە يندۋستريالىق ايماقتار تۋرالى» زاڭ شەڭبەرىندە كوپ بالالى وتباسىلاردى الەۋمەتتىك قولداۋ شارالارى دا جۇزەگە اسىرىلماق.

قازاقستان رەسپۋبليكاسى پارلامەنت سەناتىنىڭ ءتورايىمى داريعا نازارباەۆا جەتەكشىلىك ەتكەن وتىرىس بارىسىندا بىرقاتار دەپۋتاتتىق ساۋالدار جاريا ەتىلدى.

Abai.kz