سايلاۋ-2019!

قۇرمەتتى اعايىندار، بۇل سايلاۋ، بۇرىنعى سايلاۋدان وزگەرەك! ويتكەنى، ەل ويانا ءتۇستى، جەر-جەردە بەلسەندىلىك ارتۋدا، ونى كوزىمىز كورىپ وتىر. وزگەرمەگەن بيلىك قانا، ولار ءالى دە سول وزدەرىنىڭ اكىمشىلىك رەسۋرستارىنا سۇيەنىپ، بۇرىنعىشا ويلارىنا كەلگەنىن ىستەمەك. اكىمشىلىك رەسۋرس دەگەنىمىزدىڭ ءبارى "اكىمقارا" ەمەس، سول باياعى مەكتەپ، اۋرۋحانا ت.ب. بيۋدجەتتىك مەكەمە قىزمەتكەرلەرى.

مەن بۇگىن سول ساناتتاعى ازاماتتارعا ۇندەۋ جاساعىم كەلەدى!
قۇرمەتتى بيۋدجەتتىك سالا قىزمەتكەرلەرى!
سىزدەر جىلدار بويى بيلىكتىڭ ايتقانىن قىلامىز دەپ، حالىقتىڭ داۋىسىن ۇرلاۋعا، سايلاۋ ناتيجەلەرىن بۇرمالاۋعا ەرىكسىز ات سالىسىپ كەلدىڭىزدەر. ول ءۇشىن وسى كەزگە دەيىن ەشقايسىڭىز قىلمىستىق نەمەسە باسقالاي جاۋاپكەرشىلىككە تارتىلمادىڭىزدار، ءتىپتى ول ءۇشىن جاۋاپكەرشىلىك كوزدەلگەنىن بىلمەگەن دە بولارسىزدار.

الايدا، بۇگىندە زامان وزگەردى، اينالاعا كوز سالىپ قاراساڭىز، كۇنى كەشەگى ءوزىمىز سياقتى كوپتەگەن ەلدەر ءسوز جۇزىندە ەمەس، ءىس جۇزىندە اۆتوكراتيادان باس تارتىپ، دەموكراتيالىق جولعا تۇسۋدە. ول وزگەرىستەر قازاقستاندى دا اينالىپ وتپەك ەمەس! باسقاسىن ايتپاعاندا، قازىر جەر-جەردە ەل بولاشاعىنا بەي-جاي قاراي المايتىن، تاۋەلسىز باقىلاۋشىلار توبى ىسكە كىرىسكەلى جاتىر. بۇرىن-سوڭدى ەشبىر سايلاۋدا ەل حالقى ءدال بۇلايشا، بىلەك سىبانىپ، بەلسەندىلىك تانىتقان ەمەس. ونىڭ ۇستىنە قازىرگى تەحنيكالىق جەتىستىكتەر (سمارتفون، ءارتۇرلى ءتۇسىرۋ، جازۋ قابىلەتى بار قۇرالدار) باقىلاۋشىلار جۇمىسىن جەڭىلدەتىپ، "داۋىس ۇرلاۋ" مەحانيزمىن "قيىنداتا" تۇسپەك. وسىعان وراي زاڭگەر رەتىندە سىزدەردى سايلاۋ بارىسىندا بيلىكتىڭ لاس جۇمىسىنا ارالاسۋدان كەسىمدى تۇردە باس تارتۋعا شاقىرامىن، سونىمەن قاتار سايلاۋ زاڭدىلىعىن بۇزعانى ءۇشىن قولدانىستاعى قىلمىستىق كودەكسپەن ناقتى جاۋاپكەرشىلىك كوزدەلگەنىن دە ەسكەرتەمىن! بيلىكتىڭ لاس تەحنولوگياسىنا ارالاسۋدان باس تارتىڭىز! سول سىزدەردىڭ ەل بولاشاعىنا قوسقان ۇلەستەرىڭىز بولسىن! سول ارقىلى ءارى وزدەرىڭىزدىڭ جەكە باستارىڭىزدىڭ قاۋىپسىزدىگىن قامتاماسىز ەتەسىزدەر! سىزدەردى زاڭسىز ءارى لاس ىستەرگە يتەرمەلەگىسى كەلگەن شولاق بەلسەندىلەرگە قىلمىستىق كودەكستىڭ مىنا باپتارىن كورسەتىڭىز، ەگەر وعان قاراماستان زاڭسىز ارەكەتتەر جالعاسقان جاعدايدا، ولاردىڭ بەينەسىن نەمەسە داۋىسىن جازىپ الىڭىزدار، ول شارالار بولاشاقتا وزدەرىڭىزدى قورعاۋعا قاجەت بولماق!

قۇرمەتپەن زاڭگەر ابزال قۇسپان

150-باپ. سايلاۋ قۇقىقتارىن جۇزەگە اسىرۋعا نەمەسە سايلاۋ كوميسسيالارىنىڭ جۇمىسىنا كەدەرگi جاساۋ

1. ازاماتتىڭ ءوزiنiڭ سايلاۋ قۇقىقتارىن نەمەسە رەفەرەندۋمعا قاتىسۋ قۇقىعىن ەركiن جۇزەگە اسىرۋىنا كەدەرگi جاساۋ، سونداي-اق سايلاۋ كوميسسيالارىنىڭ نەمەسە رەفەرەندۋم وتكىزۋ جونiندەگi كوميسسيالاردىڭ جۇمىسىنا زاڭسىز ارالاسۋ جانە داۋىس بەرۋگە، كانديداتتى، پارتيالىق تiزiمدەردi تiركەۋگە، داۋىستاردى ساناۋعا جانە سايلاۋداعى نەمەسە رەفەرەندۋمداعى داۋىس بەرۋ ناتيجەلەرiن ايقىنداۋعا بايلانىستى مiندەتتەرiن اتقارۋىنا كەدەرگi جاساۋ –
ءبىر ءجۇز ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءبىر ءجۇز جيىرما ساعاتقا دەيiنگi مەرزiمگە قوعامدىق جۇمىستارعا تارتۋعا جازالانادى.
2. مىناداي:
1) پاراعا ساتىپ الۋمەن، الداۋمەن، كۇش قولدانۋمەن نە ونى قولدانۋ قاتەرىن توندىرۋمەن ۇلاسقان;
2) ادام ءوزiنiڭ لاۋازىمدىق جاعدايىن نەمەسە قىزمەت بابىن پايدالانا وتىرىپ جاساعان;
3) الدىن الا ءسوز بايلاسۋ ارقىلى ادامدار توبى نەمەسە قىلمىستىق توپ جاساعان;
4) ەلەكتروندىق سايلاۋ جۇيەسi جۇمىس iستەۋiنiڭ بەلگiلەنگەن ءتارتiبiن بۇزۋ جولىمەن جاسالعان ءدال سول ءىس-ارەكەتتەر –
ءتورت مىڭ ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءتورت جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.

151-باپ. سايلاۋ قۇجاتتارىن، رەفەرەندۋم قۇجاتتارىن بۇرمالاۋ نەمەسە داۋىستاردى دۇرىس ەسەپتەمەۋ

1. سايلاۋ قۇجاتتارىن نەمەسە رەفەرەندۋم قۇجاتتارىن بۇرمالاۋ، بيۋللەتەندەرگە نەمەسە قول قويىلعان پاراقتارعا جالعان جازبالار ەنگiزۋ، داۋىستاردى كورiنەۋ دۇرىس ەسەپتەمەۋ نە سايلاۋدىڭ ناتيجەلەرiن نەمەسە رەفەرەندۋم قورىتىندىلارىن كورiنەۋ دۇرىس ايقىنداماۋ نە داۋىس بەرۋ قۇپياسىن بۇزۋ، ەگەر بۇل ءىس-ارەكەتتەردi قازاقستان رەسپۋبليكاسىنىڭ پرەزيدەنتiنە كانديداتتىڭ سەنىم بىلدىرىلگەن ادامى نەمەسە دەپۋتاتتىققا كانديداتتىڭ سەنىم بىلدىرىلگەن ادامى، سول سياقتى سايلاۋ كوميسسياسىنىڭ نەمەسە رەفەرەندۋم وتكىزۋ جونiندەگi كوميسسيانىڭ مۇشەسi جاساسا، –
بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا دەيiنگi مەرزiمگە ايىرا وتىرىپ نەمەسە ونسىز، ءتورت مىڭ ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءتورت جىلعا دەيىنگى مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
2. ەلەكتروندىق سايلاۋ جۇيەسi جۇمىس iستەۋiنiڭ بەلگiلەنگەن ءتارتiبiن بۇزۋ جولىمەن جاسالعان ءدال سول ءىس-ارەكەتتەر –
جەتى جىلعا دەيىنگى مەرزىمگە باس بوستاندىعىنان ايىرۋعا جازالانادى.

ابزال قۇسپاننىڭ facebook پاراقشاسىنان

Abai.kz