قاسىم-جومارت توقاەۆ بۇۇ باس حاتشىسىنىڭ ساياسي ماسەلەلەر جونىندەگى كومەكشىسى ميروسلاۆ ەنچامەن كەزدەستى، دەپ حابارلايدى اباي-اقپارات اقوردانىڭ رەسمي سايتىنا سىلتەمە جاساپ.

مەملەكەت باسشىسى كەزدەسۋ بارىسىندا بۇۇ باس حاتشىسى انتونيۋ گۋتەرريشتىڭ قازاقستان مەن بىرىككەن ۇلتتار ۇيىمى اراسىنداعى ءوزارا ءىس-قيمىلدار مەن سەرىكتەستىكتى نىعايتۋ ىسىنە قوسقان جەكە ۇلەسىن اتاپ ءوتتى.

– بىرىككەن ۇلتتار ۇيىمىمەن ىنتىماقتاستىق ماسەلەسى ءبىزدىڭ ساياساتىمىزدىڭ باسىم باعىتتارىنىڭ ءبىرى. باس حاتشى انتونيۋ گۋتەرريشكە ىستىق سالەمىمدى جولدايمىن جانە ەلىمىزدىڭ حالىقارالىق باستامالارىنا قاتىستى جەمىستى ىنتىماقتاستىعى مەن كورسەتكەن قولداۋى ءۇشىن ريزاشىلىق بىلدىرەمىن، – دەدى قازاقستان پرەزيدەنتى.

تاراپتار وڭىرلىك جوبالاردى جۇزەگە اسىرۋدىڭ پەرسپەكتيۆالارىن، سونداي-اق، قازاقستاندىقتاردىڭ بۇۇ اياسىنداعى بىتىمگەرلىك ميسسياسىنا اتسالىسۋ ماسەلەلەرىن تالقىلادى.

– ءبىز وڭىرلىك ىنتىماقتاستىق ماسەلەلەرىندەگى قازاقستاننىڭ بەلسەندى ۇستانىمىن جوعارى باعالايمىز. سىزدەردىڭ ەلدەرىڭىزدىڭ ىسكە اسىرىپ جاتقان ورنىقتى دامۋ ماقساتتارىنا قولداۋ كورسەتۋ ءبىز ءۇشىن ماڭىزدى. پرەزيدەنت مىرزا، الماتىدا بىرىككەن ۇلتتار ۇيىمىنىڭ جاڭا عيماراتى اشىلعانى ءۇشىن سىزدەرگە العىس بىلدىرەمىز، – دەدى ميروسلاۆ ەنچا.

Abai.kz