قۇرمەتتى جاماعات!
ءبىز ءومىر ءسۇرىپ جاتقان كەزەڭ وتە كۇردەلى ۋاقىت بولىپ تۇر. سول ءۇشىن دە جۇرت بولىپ جاراتۋشىدان جاقسىلىق تىلەۋ پارىزىمىز.
ءبىز ءومىر ءسۇرىپ جاتقان كەزەڭ وتە كۇردەلى ۋاقىت بولىپ تۇر. سول ءۇشىن دە جۇرت بولىپ جاراتۋشىدان جاقسىلىق تىلەۋ پارىزىمىز.
تاۋاريح تاۋقىمەتىنىڭ شاتقاياق سوقپاقتارىنان تالاي-تالاي تايعاناپ وتكەن جاتقان اتا-بابامىز، تابيعات قۇبىلىستارىنىڭ سەبەپپەن سالدارعا نەگىزدەلگەن استرونوميالىق جانە فيزيكالىق نەگىزدەرىنەن دە جاقسى حاباردار بولعان. اللا تاعالانىڭ ريزاشىلىعى ءۇشىن قۇرباندىق شالىپ، ساداقا تاساتتىق بەرىلىپ دۇعا جاسالىنىپ وتىرعان. دەگەنمەن دە، ەشقانداي بولمىستىق كورنەۋلەردىڭ زاڭىنا باعىنباي، امبە قۇپيا تۇردە دۇلەي مىنەزبەن وتەتىن: جەر سىلكىنىسى، سۋ تاسقىنى، بۇرقاسىن بوراندار سەكىلدى اياق استىننان بولاتىن ءزىلزالالاردىڭ نەگىزگى ءزىلى جاراتقاننىڭ تاراپىنان، پەندەلەردىڭ شەكتەن شىعىپ بارا جاتقان ناپسىلىك نەگىزدەرىنىڭ جازاسى نەمەسە سازايى ىسپەتتەس ەكەنىن دە اتامىز قازاق جاقسى بىلگەن. بىراق تا، ارقاشاندا شەكسىز راحىمدى اللا تاعالا پەندەسىنە بىردەن قاسىرەت قاپتىرماي، الدىن -الا تاۋبەلىك تاعلىم رەتىندە ەسكەرتەدى. سونداي سەس كورسەتۋلەردىڭ ءبىرى جۋىردا الماتى شاھارىندا دۇركىن-دۇركىن وتكەن ءبىر كۇندە 9 قايتارا، قىسقا ۋاقىتتىڭ ىشىندە بىلىنەر بىلىنبەس 1500 رەت بولىپ وتكەن جەر سىلكىنۋلەرى، ونىمەن قويماي تىنىش جاتقان الاتاۋ قويناۋىنا سۇراپىل بوران ءۇيىرىپ مىڭداعان عاسىرلار بويى ءوسىپ كەلە جاتقان ءزاۋلىم بايتەرەكتەردى سىرىڭكەدەي سىندىرعانى... العاشقى ادام شىعىنىنىڭ دا بولعانى - شىندىق. جاستاردىڭ رۋحسىزدانىپ، جاس قىزدارىمىزدىڭ قوعامدىق ورىندارعا جالاڭاش شىعۋى، ولاردىڭ جالاڭاش كەۋدە جارىستارىن وتكىزۋى قوعامنىڭ ازعىنداۋ ەكەنى انىق.
قاسيەتتى قۇران كارىمدەگى اياتتاردىڭ 80 پايىزى قيامەت - قايىم جايلى ايتىلسا، ونىڭ جارتىسى جەر سىلكىنىستەرى مەن وزگە دە تابيعي اپاتتار تۋرالى بايانداعان. مىسالى:
«ول (اللاھ), سەندەرگە توبەلەرىڭنەن نەمەسە اياقتارىڭنىڭ استىنان ازاپ جىبەرۋگە نەمەسە ءبىر بىرلەرىڭنىڭ الىمجەتتىكتەرىن تانۋ ءۇشىن توپ - توپقا ءبولىپ تاستاۋعا قۇدىرەتى تولىق جەتەدى»، دەدى. ء(ال - انعام سۇرەسى، 65 - ايات).
«ساعان كەلگەن جاقسىلىق - اللادان، باسىڭا كەلگەن جاماندىق - وزىڭنەن». (نيسا سۇرەسى، 79-ايات)
ءتىپتى پايعامبارىمىزدىڭ حاديستەرىندە دە جەر سىلكىنىسى تۋرالى ءسوز ەتكەن. ماسەلەن ءابۋ ھۋرايرا جەتكىزگەن حاديستە «جەر سىلكىنۋ جيىلەمەگەنشە قيامەت كۇنى باستالمايدى»، - دەپ ايتقان.
ءابۋ حۋرايران ريۋايات ەتكەن مىنا ءبىر حاديستە اللانىن ەلشىسى مۇحاممەد (س.ع.س.): «ءبىلىمنىڭ ساپاسى جوعالىپ، ۋاقىت قىسقارىپ، جەر سىلكىنىستەرى كوبەيىپ، الاۋىزدىق جايىلىپ، كىسى ءولتىرۋ كوبەيمەيىنشە قيامەت كەلمەيدى» دەگەن. (بۇحاري جەتكىزگەن حاديس)
حاديستە پايعامبارىمىز: «دۇنيە مۇلىكتەرىڭدى زەكەتپەن، دەنساۋلىقتارىڭدى ساداقا بەرۋمەن قورعاڭدار، ال پالە - جالا تولقىنىن دۇعا - تىلەكپەن تويتارىڭدار!» دەپ وسيەت ەتكەن.
ارقاشاندا قۇدايى جۇرەگىندە، بيسميللاسى ءتىلىنىڭ ۇشىندا جۇرەتىن بابامىز مۇنداي سۇرى جامان سۇراپىل ساتتە دەرەۋ تاۋبەسىنە كەلىپ تىزە بۇگەتىن. التى جاسار بالادان باستاپ الپىستاعى اتاسىنا دەيىن اللاسىن القاپ، مالىنىڭ ىشىندەگى ەڭ ارداقتى اقسارىباسىن اللاعا ارناپ سويىپ قاسيەتتى قۇراندى مانەرلەپ وقىپ قۇرداي جورعالايتىن. ارينە مەيىرىمدى، جارىلقاۋشى جاراتقان ولاردىڭ نيەتىنە وراي قۇرباندىقتارىن، قۇلشىلىقتارىن قابىل الاتىن.
ەگەردە ءبىز سول اتالاردىڭ ۇرپاعى ەكەنىمىز انىق بولسا، قامسىز وتىرىپ قاپى قالمايىق اعايىن. جوعارىدا ايتىلعانداي «ساداقا بالەنىڭ بەتىن قايتارادى» دەگەندەي، وسى الداعى قاسيەتتى جۇما كۇنى، بارشاڭىزدى سول اپات بولعان مەدەۋ شاتقالىندا، ەكولوگيالىق پوستان كەيىن 24.06.2011 جىلى ساعات 11.00 دە اللاعا تاعالاعا ارناپ قۇدايى تاماق بەرىپ قۇران وقىلاتىن، تاساتتىققا دۇعا جاساۋعا شاقىرامىز. وسىنداي ساۋابى مول، ەل اماندىعىن قامتاماسىز ەتەتىن يگىلىكتى ساقتىق شاراسىنا ەلىمىزدىڭ ازاماتى رەتىندە ەلدىڭ بىرلىگىن، اماندىعىن، مەملەكەتىمىزدىڭ بولاشاعىنىڭ باياندى بولۋىن تىلەپ تاساتتىققا قاتىسىڭىزدار.
ۇيىمداستىرۋشىلار:
«قازاق راديوسى» ۇجىمى،
«تۇركىستان گازەتى» ۇجىمى،
«ايقىن گەزەتى» ۇجىمى،
حالىق جانە پرەزيدەنت گازەتىنىڭ ۇجىمى،
«اباي KZ» ءسايتىنىڭ ۇجىمى،
«الاش» تاريحي زەرتتەۋ ورتالىعىنىڭ ۇجىمى،
«جەلتوقسان اقيقاتى» گازەتىنىڭ ۇجىمى،
«ءجالاڭتوس ءباحادۇر» ءدىني بىرلەستىگىنىڭ ۇجىمى،
قاپشاعاي قالاسىنىڭ تۇرعىندارى،
«ۇلى دالا بىرلەستىگىنىڭ» ۇجىمى،
«الاش ايناسى» گازەتىنىڭ ۇجىمى.
الماتى قالاسىنىڭ ساۋدا پالاتاسىنىڭ ۇجىمى،
«شابدارۇلى سماعۇل» مەشىتىنىڭ جاماعاتى.
