قىزىلوردالىق وقۋشىلار «Robo Fest-ORDA» وبلىستىق فەستيۆالىنە قاتىستى
عىلىم مەن تەحنولوگيال قارىشتاپ دامىپ بارا جاتقان مىنا زامانىندا جاس جەتكىنشەكتەردىڭ ينتەللەكتۋالدى بولىپ ءوسۋى وتە قاجەت. وسى ماقساتتى كوزدەگەن ەلباسى نۇرسۇلتان نازارباەۆتىڭ ءوزى قازاقستان حالقىنا «تسيفرلىق قازاقستان» باعدارلاماسىن ۇسىنعان بولاتىن.
وقۋشىلاردىڭ يننوۆاتسيالار مەن جوعارى تەحنولوگيالار سالاسىنا دەگەن قىزىعۋشىلىعىن ارتتىرىپ، ينتەللەكتۋالدىق قابىلەتتەرىن دامىتۋ ماقساتىندا بۇگىن قىزىلوردا قالاسىنداعى №278 ورتا مەكتەپتىڭ بازاسىندا «Robo Fest-ORDA» وبلىستىق فەستيۆالى ءوتتى.
وبلىستىق ءبىلىم باسقارماسىنىڭ مالىمەتىنە سۇيەنسەك، مۇنداي بايقاۋلار وقۋشىلاردى جاڭا تەحنولوگياعا دەگەن قىزىعۋشىلىعىن وياتىپ قانا قويماي، ينجەنەرلىك-تەحنيكالىق ەسەپتەردى ءىس-جۇزىندە شەشە ءبىلۋ جانە جۇمىس جاساۋ داعدىلارىن قالىپتاستىرىپ، تەحنيكالىق مودەلدەۋدى ناسيحاتتايدى.
اتالعان بايقاۋعا روبوت مودەلىن قۇراۋ جانە روبوتتاردى باعدارلامالاۋ باعىتىنداعى جوبالار قاتىسىپ، اراسىنان ۇزدىكتەر انىقتالدى. ۇزدىك دەپ تانىلعان جوبا اۆتورى - وقۋشىلار مەن پەداگوگتاردىڭ شىعارماشىلىق جەتىستىكتەرى باعالاندى.
ايتا كەتەرلىگى، بايقاۋعا قاتىسۋشىلار روبو ارقان تارتىس، روبو اق سۇيەك، روبو قىز قۋ كاتەگوريالارى بويىنشا سىنعا ءتۇستى.
فەستيۆال قورىتىندىسى بويىنشا، 38 وقۋشى جۇلدەلى ورىنعا يە بولدى. ولاردىڭ التاۋى ءبىرىنشى ورىنمەن، 12-ءسى ەكىنىنشى، 20 وقۋشى ءۇشىنشى ورىندارمەن ماراپاتتالدى.
داۋرەن سەيىتجانۇلى
Abai.kz
