قازىرگى امەريكادا تۇرعىنداردى نەسيەلەۋ ماسەلەسىندەگى باستى پروبلەما دا بىزدەگىدەي ەكەن. وندا دا جۇرت بەتالدى نەسيە الا بەرەدى ەكەن. ايىرماشىلىعى - بىزدە تويكرەديتتەن باستاپ بويكرەديت (كيىمگە), ويكرەديتكە  (وقۋعا) بانكتىڭ مەنەدجەرلەرىنە الىم بەرىپ ءبىر باسىنا بىرنەشە نەسيە  جيناسا، ولاردا ءليميتسىز كرەديت كارتاسىنىڭ قۇلدىعىنا تۇسكەندەر كوپ.

سونداي كەزدە ولاردا ءبىر ستارت-اپ امەريكالىقتار تاراپىنان قاتتى سۇرانىسقا يە بولىپتى.

ول - نەسيەدەن قۇتىلۋدىڭ 7 قادامى دەپ اتالادى. يدەياسى - كوڭىلگە قونىمدى.

ولاردا مىناداي فيشكا بار ەكەن! زاڭ بويىنشا نەسيەڭدى جابۋعا ۋاقىتشا جاعدايىڭ كەلمەي قالسا الىنعان نەسيەنىڭ ايىپپۇل سالمايتىنداي ەڭ تومەنگى مولشەردەگى وتەمىن تولەپ وتىرۋىڭا بولادى. ول 100 دوللاردىڭ اينالاسىندا، امەريكالىقتار ءۇشىن قالتا كوتەرەتىندەي.

ءبىرىنشى قادام كەزىندە بىرنەشە كرەديتتىڭ ىشىندەگى بىرەۋىن تاڭدايسىڭ دا، سونى بارىنشا تەز جاۋىپ تاستاۋعا كۇش سالاسىڭ. قالعاندارىنا جاڭاعى ەڭ تومەنگى مولشەردى تولەيسىڭ. جانە قوسىمشا ساتىپ الۋلاردان سانالى تۇردە باس تارتۋىڭ كەرەك! جۇمىسقا تۇستىگىڭدى لانچبوكسپەن  الا جۇرەسىڭ. ءاربىر تيىنىڭ ەسەپتەۋلى بولۋى ءتيىستى.

وسىلاي ءبىر نەسيەدەن قۇتىلعاندا، ەكىنشىسىنە كىرىسەسىڭ. اقىرىندا بار نەسيەدەن قۇتىلعاندا ەندى ەشقاشان نەسيە المايتىنداي - نەسيەسىز ءومىر ءسۇرۋدىڭ قانداي ەكەنىن ءتۇسىنىپ شىعاسىڭ!

سوڭعى قادام قارتتىڭىعا قاراجات جيناۋ! ونى ايىنا $100-دان باستايسىڭ!

جەڭىس قۇسپاننىڭ facebook پاراقشاسىنان

Abai.kz