دۇيسەنبى كۇنى يناۋگۋراتسيادا سويلەگەن سوزىندە زەلەنسكي پارلامەنتتى تاراتاتىنىن ايتىپ، ۇكىمەت وتستاۆكاعا كەتۋى ءتيىس دەپ مالىمدەگەن. كەيىن جوعارعى رادانى تاراتۋىنىڭ سەبەبىن - حالىقتىڭ دەپۋتاتتارعا دەگەن سەنىمىنىڭ جوقتىعىمەن ءتۇسىندىردى.
21 مامىردا زەلەنسكي پارلامەنت فراكتسيالارىنىڭ جەتەكشىلەرىمەن كەزدەسىپ، پارلامەنتتى تاراتۋ ماسەلەسىن كوتەرگەن. فراكتسيانىڭ ءبىرى پرەزيدەنتتىڭ بۇل شەشىمىنە قارسى بولعان.
ۋكراينا الەۋمەتتىك زەرتتەۋلەر ينستيتۋتىنىڭ جۇرگىزگەن ساۋالناماسىنا سايكەس، ەگەر سايلاۋ وتكەن جەكسەنبىدە وتەتىن بولسا، ءتورت پارتيا بەسپروتسەنتتىك مەجەدەن وتەتىن ەدى.
زەلەنسكيدىڭ جاڭادان قۇرىلعان "حالىق قىزمەتشىسى" پارتياسى 29,5 پروتسەنت، ء"ومىر ءۇشىن" وپپوزيتسيالىق پلاتفورماسى – 8,1 پروتسەنت، پەتر پوروشەنكونىڭ "نيەتتەستىك" بلوگى – 7,8 پروتسەنت، يۋليا تيموشەنوكنىڭ "باتكيۆششينا" پارتياسى 6,7 پروتسەنت الۋشى ەدى دەلىنگەن الەۋمەتتىك ساۋالناما قورىتىندىسىندا.
Abai.kz
