"قازمۇنايگاز" ۇلتتىق كومپانياسى" اق جانە مەملەكەتتىك ءتىلدى دامىتۋ پرەزيدەنتتىك قورىنىڭ قولداۋىمەن www.balbulaq.kz

اتتى بالالار سايتى اشىلدى

"قازمۇنايگاز" ۇلتتىق كومپانياسى" اق جانە مەملەكەتتىك ءتىلدى دامىتۋ پرەزيدەنتتىك قورىنىڭ قولداۋىمەن www.balbulaq.kz

اتتى بالالار سايتى اشىلدى

قازاقستان تاۋەلسىزدىگىنىڭ 20 جىلدىعى اياسىندا رەسپۋبليكانىڭ اقپاراتتىق كەڭىستىگىندە مەملەكەتتىك ءتىلدىڭ پارمەندىلىگىن ارتتىرۋ ماقساتىندا "قازمۇنايگاز" ۇلتتىق كومپانياسى" اق-نىڭ قولداۋىمەن مەملەكەتتىك ءتىلدى دامىتۋ پرەزيدەنتتىك قورىنىڭ ءوتىنىشى بويىنشا 6-10 جاس ارالىعىنداعى قازاق بالالارىنا ارنالعان  www.balbulaq.kz اتتى ارنايى سايت دۇنيەگە كەلدى. سايتتا باستاۋىش مەكتەپ بالالارىنا ارنالعان وقۋ-ادىستەمەلىك ماقالالار، قازاق حالقىنىڭ ەرتەگى-اڭىزدارى، كوركەم سۋرەت گاللەرەياسى، قازاق انتيماتورلارى جاساعان ۇزدىك مۋلتفيلمدەر، ماقال-ماتەلدەر مەن جۇمباقتار، جاڭىلتپاشتار جانە ت.ب جاس بالانىڭ ساناسىنا ۇلتتىق رۋحتىڭ ءنارىن سەبەتىن ءتۇرلى كوركەم دۇنيەلەر جاريالاناتىن بولادى. سونداي-اق جاسوسپىرىمدەردىڭ ساناسىن جەتىلدىرۋگە ارنالعان ءتۇرلى ويىندار مەن ەسەپتەر، قازاق حالقىنىڭ قاتپار-قاتپار تاريحىنان تانىمدىق ماقالالار جاريالانادى، بالالاردىڭ جەكە شىعارماشىلىعى دا جارىق كورەتىن بولادى. مۇناي-گاز تاريحىنا، سالاسىنا قاتىستى ۆيكتورينالار ۇيىمداستىرۋ ارقىلى بالالاردىڭ وسى سالاعا دەگەن قىزىعۋشىلىعىن ارتتىرىپ، بىلىمدەرىن تەرەڭدەتىپ، تانىمدارىن كەڭەيتۋگە مۇمكىندىك جاساۋ كوزدەلۋدە.

- بۇگىنگى ينتەرنەتتىك اقپارات ايدىنىندا قازاق بالاسىنا، ونىڭ تاربيەسىنە، وقىپ-ءبىلىم الۋىنا ارنالعان ارنايى سايتتار جوق. سوندىقتان ءبىز وسى سايتتى اشۋ جونىندە شەشىمگە كەلدىك. وسىنداي يگى باستامادا بىزگە قولداۋ كورسەتكەن «قازمۇنايگاز» ۇلتتىق كومپانياسىنا ايتار العىسىمىز شەكسىز. بالالار - ءبىزدىڭ بولاشاعىمىز دەسەك، بولاشاق قامىن بۇگىننەن قامقورلىققا الۋ قاجەت. قولعا الىنعان بۇل شارا ءساتتى جالعاسىن تاۋىپ، ءوز وقىرماندارىن قۋانتا الاتىنىنا سەنىمدىمىن، - دەيدى «نازار» قازاق جۋرناليستەرى قوعامدىق قورىنىڭ پرەزيدەنتى ميرسايد بايتىلەس.

بۇگىنگى تاڭدا زاماناۋي تەحنولوگيالاردىڭ اۋىلعا جەتۋى جانە قازاق حالقىنىڭ دەموگرافيالىق ءوسۋىنىڭ ارقاسىندا قازاقتىلدى ينتەرنەت سايتتارىنا سۇرانىس ارتىپ وتىر. تۇساۋى كەسىلگەن www.balbulaq.kz سايتى سول سۇرانىستىڭ كىشكەنە ءبىر بولشەگىن قاناعاتتاندىرۋعا ءوز سەپتىگىن تيگىزەدى دەگەن ويدامىز.

«قازمۇنايگاز» ۇلتتىق كومپانياسى» اق - قازاقستاننىڭ مۇناي-گاز سالاسىنداعى مەملەكەتتىڭ مۇددەلەرىن بىلدىرەتىن كومىرسۋتەگىلەرىن بارلاۋ، ءوندىرۋ، وڭدەۋ جانە تاسىمالداۋ، جونىندەگى قازاقستاندىق ۇلتتىق وپەراتور. «قازمۇنايگاز» ۇك اق اكتسيالارىنىڭ 100%-ءى «سامۇرىق-قازىنا» ۇلتتىق ءال-اۋقات قورى» اق-قا تيەسىلى.