ارالدىڭ «اق التىنى» بيىلدان باستاپ قىتاي نارىعىنا جول تارتپاق. بۇگىندە «ارالتۇز» اق-ى 23 ءونىم ءتۇرىن شىعارىپ وتىر، - دەپ حابارلايدى اباي-اقپارات.

اتالعان كاسىپورىننىڭ ءونىمى 2017 جىلدان بەرى ءازىربايجان مەن گرۋزياعا ەكسپورتتالا باستادى. سونداي-اق، وتكەن جىلى العاش رەت ۋكرينا نارىعىنا 462 توننا تۇز جونەلتكەن. كاسىپورىن تاۋار كولەمىن ۋكرايناعا 3 ەسەگە، ال رەسەيلىك نارىققا جولداناتىن ءونىم كولەمىن 20 پايىزعا ۇلعايتۋدى جوسپارلانعان. بۇل تۋرالى «ارالتۇز» اق ديرەكتورلار كەڭەسىنىڭ توراعاسى داۋرەن مۇقاشەۆ:

– قازىرگى تاڭدا «ارالتۇز» اق ءوز ءونىمىنىڭ 65%-ىن شەتەلگە شىعارادى، سوڭعى 3 جىلدا رەسەي نارىعىنىڭ 13%-ىن جاۋلاپ السا، قىرعىزستانداعى ۇلەسى 50%-دى قۇرايدى. 2017 جىلى ارالدىڭ تۇزى ءازىربايجان مەن گرۋزياعا ەكسپورتتالا باستادى. الداعى ۋاقىتتا تاۋار وتكىزۋ نارىعىن كەڭەيتۋدى، ال 2019 جىلدان باستاپ قىتاي نارىعىنا شىعۋدى جوسپاردا تۇر،- دەپ اتاپ ءوتتى.

ايتا كەتەيىك، يندۋستريالاندىرۋ كارتاسى شەڭبەرىندە مۇندا تۇز وندىرەتىن يسپاندىق 2 تسەح ىسكە قوسىلدى. سوڭعى جىلدارى زاۋىت قايتا جاڭعىرتۋدان وتكەن. تيىسىنشە، ەڭبەك ونىمدىلىگىن ەكى ەسەگە ۇلعايىپ، 1200-دەن اسا جەرگىلىكتى تۇرعىن جۇمىسپەن قامتىلعان. قىزمەتكەرلەردىڭ جالاقىسىن 60%-عا دەيىن كوبەيىپ، ءونىمنىڭ وزىندىك قۇنىن 40%-عا تومەندەتۋگە مۇمكىندىك بەردى. بيىلدان باستاپ قازاقستان رەسپۋبليكاسى تۇڭعىش پرەزيدەنتىنىڭ تاپسىرمالارىن ورىنداۋ ماقساتىندا جۇمىسشىلاردىڭ باسىم بولىگىنىڭ جالاقىسى 26%-عا ارتقان

داۋرەن سەيىتجانۇلى

Abai.kz