بيىل رەسەيدەگى ىرگەلى ءبىلىم ورداسى سانالاتىن ماسكەۋ مەن سانكت-پەتەربۋرگتە وقىپ جاتقان 117 جاس ديپلوم الادى، - دەپ حابارلايدى اباي-اقپارات.

ايماق باسشىسى قىرىمبەك كوشەرباەۆتىڭ توراعالىعىمەن وتكەن ماجىلىستە جاس مامانداردى جۇمىسقا ورنالاستىرۋ ماسەلەسى كەڭىنەن تالقىلاندى.

– وزدەرىڭىز بىلەسىزدەر، بىلتىر العاشقى 74 جاس مامان ديپلومدارىن الىپ، ەلگە ورالدى، قىزمەتتەرىن باستادى. بيىل تاعى 177 جاس مامان وقۋىن بىتىرەدى. قاجەتتى ماماندىقتاردى، اتاپ ايتقاندا مەتاللۋرگ، تەحنولوگ، حيميك، ەنەرگەتيك، جەر قاتىناستارى جانە ت.ب. ماماندىقتاردى يگەرگەن بۇل ينجەنەر ماماندار الداعى ۋاقىتتا ەلىمىزدىڭ، ءوڭىردىڭ ودان ءارى ءوسىپ-وركەندەۋىنە ءوز ۇلەستەرىن قوساتىن بولادى. سوندىقتان، جىل سايىن ءبىتىرۋشى جاس مامانداردىڭ جۇمىسپەن قامتىلۋى بارشامىزعا اسا ماڭىزدى ءارى جاۋاپتى ءىس، - دەدى وبلىس اكىمى.

جاستار ساياساتى جونىندەگى باسقارما باسشىسى قۋانىش جانۇزاقوۆ «بيىل 117 ستۋدەنت «مبجقي» ۇلتتىق زەرتتەۋ تەحنولوگيالىق ۋنيۆەرسيتەتىن (53 تۇلەك), ك.ا.تيميريازەۆ اتىنداعى رەسەي مەملەكەتتىك اگرارلىق ۋنيۆەرسيتەتىن (41 تۇلەك), تەحنولوگيا جانە ەنەرگەتيكا جوعارى مەكتەبىن (سانكت-پەتەربۋرگ ق.، 23 تۇلەك) ءتامامدايدى دەپ كۇتىلۋدە. ولار "نانوتەحنولوگيا جانە ميكروسيستەمالىق تەحنيكا", "مەتاللۋرگيا", "تەحنولوگيالىق ماشينالار مەن جابدىقتار", "ەلەكتر ەنەرگەتيكاسى جانە ەلەكتروتەحنيكا", "اگروينجەنەريا" جانە ت. ب. 22 ماماندىق بويىنشا وقۋىن بىتىرەدى. ولاردىڭ 50 ماگيستراتۋرادا وقۋىن جالعاستىرۋدى جوسپارلاپ وتىر، ال 67 تۇلەك ەلگە ورالادى» دەپ اتاپ ءوتتى.

سونىمەن قاتار قىرىمبەك ەلەۋۇلى ايماقتا اگروونەركاسىپ كەشەنى سالاسىندا 76 جوبا ىسكە اسىرىلىپ جاتقاندىعىن ايتا كەلە: «ايماقتا ىسكە قوسىلادى دەپ جوسپارلانعان 4 جوبا بويىنشا 400-دەن اسا ادامدى جۇمىسپەن قامتىلادى. ءبىتىرۋشى تۇلەكتەر اتالعان جوبالار مەن باسقا دا ءىرى كاسىپورىنداردا جانە مەكەمەلەر دە ەڭبەكپەن قامتىلۋى ءتيىس»،-دەدى.

ءماجىلىس سوڭىندا وبلىس اكىمى ورىنباسارلارىنا ءاربىر تۇلەكتىڭ جۇمىسقا ورنالاسۋىنا جاۋاپتى ەكەنىن العا تارتى.

ەستەرىڭىزگە سالا كەتەيىك، 2014 جىلدان باستاپ ءوڭىر مەكتەپتەرىنىڭ 500-دەن استام تۇلەگى رف ۇكىمەتىنىڭ گرانتتارىنا يە بولعان ەدى.

Abai.kz