بارلىعىمىز بىلەتىندەي، وتكەن جىلدىڭ جەلتوقسانىندا تالدىقورعاندا قازاق دەگەن، قازاقستان دەگەن ازاماتتاردىڭ جاعاسىن ۇستاتىنداي جاۋاپسىزدىق، ساياسي كورسوقىرلىق تىركەلگەن بولاتىن. وبلىستىق اكىمدىك الدىنداعى ورتالىق الاڭدا جاڭا جىلدىق شىرشانى ساندەپ جۇرگەن قالالىق اكىمدىككە قاراستى كوممۋنالدىق قىزمەت سالاسىنداعىلار كوك بايراعىمىزدان مەشوك تىگىپ، قوقىس سالاتىن قاپشىققا اينالدىرعان ەدى. ءبىرىنشى كەزەكتە وبلىستىق «جەتىسۋ» گازەتى دابىل قاققان ماسقارا وقيعا رەسپۋبليكالىق باق-تاردا دا تالقىلانىپ، پارلامەنت قابىرعاسىندا دا ءسوز بولعانى ءمالىم. ىسكە پروكۋراتۋرا ارالاسىپ، كوممۋنالدىق قىزمەتتەگىلەر سوت الدىندا جاۋاپ بەرگەن-ءدى.

بارلىعىمىز بىلەتىندەي، وتكەن جىلدىڭ جەلتوقسانىندا تالدىقورعاندا قازاق دەگەن، قازاقستان دەگەن ازاماتتاردىڭ جاعاسىن ۇستاتىنداي جاۋاپسىزدىق، ساياسي كورسوقىرلىق تىركەلگەن بولاتىن. وبلىستىق اكىمدىك الدىنداعى ورتالىق الاڭدا جاڭا جىلدىق شىرشانى ساندەپ جۇرگەن قالالىق اكىمدىككە قاراستى كوممۋنالدىق قىزمەت سالاسىنداعىلار كوك بايراعىمىزدان مەشوك تىگىپ، قوقىس سالاتىن قاپشىققا اينالدىرعان ەدى. ءبىرىنشى كەزەكتە وبلىستىق «جەتىسۋ» گازەتى دابىل قاققان ماسقارا وقيعا رەسپۋبليكالىق باق-تاردا دا تالقىلانىپ، پارلامەنت قابىرعاسىندا دا ءسوز بولعانى ءمالىم. ىسكە پروكۋراتۋرا ارالاسىپ، كوممۋنالدىق قىزمەتتەگىلەر سوت الدىندا جاۋاپ بەرگەن-ءدى.

الايدا، جۋرناليستەر كوتەرىپ، بۇكىل ەل كولەمىندە تالقىلانعان ماسەلە وبلىس باسشىلىعىنا ۇنامادى. سول كەزدە-اق، «جەتىسۋ» گازەتىنىڭ جاس جۋرناليسىنە ءبىراز شۇيلىككەن شەنەۋنىكتەردىڭ وكپەلەرى ءالى تارقاماپتى. كۇنى كەشە الماتى وبلىستىق ىشكى ساياسات باسقارماسىنىڭ ۇيىمداستىرۋىمەن تالدىقورعاندا  قالامدارى ەندى ۇشتالىپ كەلە جاتقان جاس جۋرناليستەردىڭ وبلىستىق سلەتى ءوتتى. قۇپتارلىق-اق شارا. سلەتكە جۋرناليستكاعا ەندى-ەندى قادام باسقاندارمەن بىرگە ەسىمدەرى ەلگە تانىلىپ جۇرگەن قارىمدى قالامگەرلەر مەن تەلارنانىڭ قىزمەتكەرلەرى قاتىستى. وسى جۇزدەسۋ بارىسىندا ءسوز العان وبلىستىق ىشكى ساياسات باسقارماسىنىڭ باستىعى گۇلجيان سۇلەيمەنوۆا قاسىندا جۋرناليستەردىڭ ءسوزىن سويلەپ، رەتتى جەرىندە قۇقىن قورعاۋعا مىندەتتى ەكى بىردەي وبلىستىق گازەت پەن وبلىستىق تەلەارنانىڭ باسشىلارى وتىرعانىنا قاراماستان جوعارىدا ايتىلعان جەلتوقسانداعى ماسەلەنى كوتەرگەن جۋرناليست قىزعا ءبىراز اۋىر سوزدەر ايتىپ، ونىڭ ءۋاج ايتۋىنا مۇرسات بەرمەستەن، «تۋدى قورلاعانداردى جازىپ، وبلىستىڭ مارتەبەسىنە كولەڭكە ءتۇسىردىڭ» دەپ ءبىراز شۇيلىكتى. مۇنىسى جەتى جىلدىق تاجىريبەسى بار جۋرناليست بويجەتكەننىڭ مىسىن باسۋ ارقىلى، اۋداندىق، وبلىستىق گازەتتەرگە العاشقى ماقالالارى شىعىپ، اقيقاتتى ايتۋدا الدىمىزدان ەشقانداي كەدەرگى كەزدەسپەس دەپ جالىنداپ تۇرعان جاس جۋرلانيستەرگە دوق كورسەتۋ، «وبلىستاعى كەمشىلىكتى بىزبەن كەلىسپەي جازساڭدار كورەتىن كۇندەرىڭ وسى» دەگەندى بايقاتۋ ەكەنى انىق. ىشكى ساياسات باسقارماسى باستىعىنىڭ: «ساعان تاپسىرما بەرگەن كىم ەكەنىن ايتشى، وسى جەردە وتىرىپ-اق جۇمىستان شىعارايىن» دەگەنى ءتىپتى شەكتەن شىققاندىق، جۋرناليستەردى ادامعا ساناماعاندىق بولدى.

وكىنىشكە قاراي، ەسىمدەرى وبلىستان اسىپ، رەسپۋبليكاعا دا جاقسى بەلگىلى بولاتىن دارەجەگە جەتكەن جاقىپجان نۇرعوجاەۆ، امىرە ءارىن سىندى باس رەداكتورلار وزدەرىنەن اراشا تىلەپ جاۋتاڭداعان  جۋرناليست قارىنداستارىن قورعاپ ءبىر ءسوز ايتا المادى. قايتا وزدەرىنىڭ ازدى-كوپتى جەتىستىكتەرى مەن باعىدىرعان بيىكتەرىن ايتىپ، جاستاردىڭ باسىن اۋىرتتى. باسقا جۋرناليستەر دە جاق اشپادى. وسىلارعا قاراپ وتىرعان، جاس جۋرناليستەر وزدەرىنشە ساباق العانى: بيلىكتىڭ كەمشىلىگىن كورسە دە، كورمەگەندەي بولۋدىڭ كەرەكتىگىن، وتىرىكتى شىنداي، اقساقتى تىڭداي ەتىپ قانا ماقالا جازۋ قاجەتتىگىن تۇيسىنگەنى انىق. باسشىلار مەملەكەتتىك تۋىڭ، قاپ ەمەس ەدەن جۋاتىن شۇبەرەكە اينالسا دا نامىستانبايتىندىقتارىن، وتىرعان وراندىرى ءۇشىن قاراماعىنداعىلاردى  بيلىككى بايلاپ-ماتاپ بەرەتىندىكتەرىن تاعى دا بايقاتتى. باسقا ەمەس، جۋرناليستەرگە جەتەكشىلىك جاساپ وتىرعانداردىڭ جالتاقتىعى مەن جاعىمپازدىعى ماسقارا تىرلىك ەكەن ...

سلەت دەلەگاتى.

"اباي-اقپارات"