بىراق...سىن ساعاتى 14 ساۋىردە سوقتى. تبيليسي كوشەلەرىنە ءجۇز مىڭنان اسا ستۋدەنت، مۇعالىم مەن زيالى قاۋىم، قاراپايىم حالىق شىعىپ، گرۋزين ءتىلىنىڭ تۇعىرىن تالاپ ەتتى. مىنا قىزىقتى قاراڭىز. ولاردىڭ تالاپتارى ورىندالدى. گرۋزين ءتىلى مەملەكەتتىك بولىپ قايتا بەكىدى. مەكتەپتەردە قىسقارتىلعان انا ءتىلى قايتا كوبەيدى. شەرۋگە شىققان ون شاقتى ادام بەس جىلعا سوتتالدى. ولار ءتىلىن ساقتاپ قالعانىنا باقىتتى ەدى. "Aل انا ءتىلىمىز ءۇشىن بەس جىل توردا وتىرساق ەشتەڭە ەتپەس" دەدى كوبى.

سول گرۋزيا تاۋەلسىزدىك العاننان كەيىن رەسەيمەن قاقتىعىسىپ كەلەدى. 2008-دە ءتىپتى اشىق سوعىستى. ويتكەنى ول ماسكەۋدىڭ قولبالاسى بولعىسى كەلمەيدى. جەتىستىگى جەتەرلىك. جەمقورلىقپەن كۇرەستە تمد بويىنشا وق بويى وزىق.

قازاق گرۋزيننەن كەم ەمەس. كسرو-دا سان مارتە الاڭعا شىققان. 79 بەن 86-نىڭ ىزعارىن دا، باتىر بوزداقتاردى دا ۇمىتقان ەمەسپىز. تەك ءبىر اتتەگەن-اي دەيتىنىمىز، ءتىل ءۇشىن كۇرەستە تاۋەلسىز بولا تۇرا تۇرالاپ تۇرعانىمىز. ءبىر دۇنيەنى ۇمىتپايىق. ءتىلى ولگەن ۇلت - ءتىرى ولگەن ۇلت!

ءتىل مەن جەمقورلىقتى جويۋ كۇرەسىندە گرۋزيادان ۇلگى الايىق.

اسحات قاسەنعاليدىڭ facebook پاراقشاسىنان

Abai.kz