نەگىزى وركەنيەتتى ەلدەردە دەباتقا دەيىن الەۋمەتتىك ساۋالناما جۇرگىزىلىپ، قاي كانديداتتى xالىقتىڭ قانشا بولىگى قولداپ جاتقانىن ءبىر انىقتاپ الادى. دەبات وتكەننەن كەيىن كانديداتتاردىڭ قايسىسى xالىقتى ءوز تاراپىنا تارتا بىلگەنىن، دەباتتىڭ سايلاۋداعى ماڭىزىن اشىپ كورسەتەتىن ساياسي زەرتتەۋلەر جاسالادى.

وكىنىشكە وراي بىزدە بۇل قادامدار مۇلدە ىسكە اسىپ جاتقان جوق. نەگىزى وسى قاراپايىم پروتسەستى جاساۋ ءۇشىن ءالى 20 جىل ۋاقىتتىڭ كەرەگى جوق. حالىق پەن قوعام دايىن بۇل قادامعا. ساياسي پروتسەستى توقتاتىپ وتىرعان بيلىكتىڭ ءوزى. تورموز عوي كادىمگى. نە ءۇشىن توقتاتىپ وتىر؟.. سەبەبى، وزدەرىنىڭ ۇتىلاتىنىن انىق بىلەدى. ءتىپتى ءالى كۇنگە باستى كانديدات توقاەۆتىڭ دەباتقا قاتىسىپ نە قاتىسپايتىنى دا بەلگىسىز. بۇل باسسىزدىق نەگىزى. بۇنى باسقا تىلمەن ءتۇسىندىرىپ بەرۋ مۇمكىن ەمەس. وسىدان-اق XXI عاسىردا بىزدەگى اۆتوريتارلى بيلىكتىڭ قانشالىقتى كەرتارتپا ەكەنىن كورە بەرىڭىز. قاراپايىم زاتتاردىڭ ءوزىن ساياسي قيتۇرقى ويىندارعا اينالدىرىپ جىبەرگەن. بىراق، بۇرىن مۇنداي تاكتيكالارعا xالىق الدانسا دا جىل وتكەن سايىن اۆتوريتارلى بيلىك زاماننىڭ اعىمىنا ىلەسە الماي، كوزگە شىققان سۇيەل سەكىلدى xالىقتىڭ زىعىردانىن قايناتىپ كەلەدى. قانشا پوليتتەxنولوگتاردى قاتارىنا تارتسا دا بيلىك ءبىر جاق، قوعام ءبىر جاق بولىپ، اراداعى سىزات جىل وتكەن سايىن ۇلعايىپ جاتىر. بيلىك بارىنشا كەزىندەگى كوممۋنيستەردەن ۇيرەنگەن الداۋ مەن ارباۋدان تۇراتىن ساياسي تاكتيكالارىن جاسايدى، بىراق، بۇرىنعىداي ەمەس قوعامنىڭ دا كوزى اشىق ءبارىن ءتۇسىنىپ وتىر. قورىققانىنان، امالدىڭ جوعىنان شىداپ وتىر. بۇل دا ءوز شەگىنە جەتىپ جارىلادى ءبىر كۇنى!