سوڭعى جىلدارى قىزىلوردا وبلىسىنىڭ ەكسپورتتىق الەۋەتى ارتقان. بۇرىن وبلىستان شەتەلگە اۋىل شارۋاشىلىعى سالاسىندا 3 ءتۇرلى ءونىم جىبەرىلسە، بۇگىندە 16 ءتۇرلى تاۋاردى شەكارا اسۋدا. ايتالىق، ايماقتا الەمدىك باسەكەلەستىكتە وزىندىك ارتىقشىلىققا يە 21 تاۋار بار. ونىڭ ىشىندە وبلىس 4 تاۋار بويىنشا الەمدەگى ەكسپورتتاۋشى ەلدەردىڭ ۇزدىك بەستىگىنە ەندەدى. اتاپ ايتقاندا، تۇز، كۇرىش، بالىق جانە مينەرالدى زاتتاردى بيتۋممەن ارالاستىرۋعا ارنالعان ماشينالار (وڭدەۋ ونەركاسىبىندە قولدانىلادى). وبلىستىڭ باستى برەند سىر سالىسى ەكەنى ءمالىم. ۇساقتالعان كۇرىش ەكسپورتى بويىنشا قىزىلوردا وبلىسى الەمدە العاشقى ورىندا.

بۇل تۋرالى وبلىستىق اۋىل شارۋاشىلىعى باسقارماسىنىڭ باسشىسى باقىت جاحانوۆ:

– جاھاندىق سالىستىرمالى ارتىقشىلىققا قول جەتكىزۋدە بالىق ونىمدەرىنىڭ ەكسپورتىن قاجەتتى دەڭگەيگە دەيىن ۇلعايتۋ زور مۇمكىندىك بولىپ تابىلادى. بۇل يندەكس ەلدىڭ تاۋار ەكسپورتىنىڭ حالىقتىڭ جان باسىنا شاققانداعى ورتاشا الەمدىك كورسەتكىشكە اراقاتىناسىن ولشەيدى،- دەپ اتاپ ءوتتى.

جالپى، سوڭعى 5 جىل ىشىندە ايماقتا اسىراۋشى سالادا دامۋدىڭ وڭ ديناميكاسى بار. نەگىزگى كاپيتالعا سالىنعان ينۆەستيتسيالاردىڭ ناقتى كولەم يندەكسى 27 ەسەگە وسكەن. بىلتىرعى جىلى وبلىستان سىرتقى نارىققا جول تارتقان اۋىل شارۋاشىلىعى ونىمدەرىنىڭ كولەمى 34,5 ملن.دوللاردى قۇراعان.

Abai.kz