بارلىقتارىڭىزدى بىرىگۋگە شاقىرامىن!
اعايىن، قازىر ءبىزدىڭ ەلدە ازاماتتىق قوعام جاس نارەستە سەكىلدى ەندى اياعىنان تۇرىپ كەلەدى. سايلاۋدا راسىندا xالىقتىڭ ءوزى بەلسەندىلىك تانىتىپ، باقىلاۋشىلاردىڭ ارقاسىندا قوعامدىق رەزونانس تۋدىرا الدىق. بۇل ازاماتتىق قوعامنىڭ ەڭ العاشقى ءساتتى قادامى. ەل تاريxىندا تۇڭعىش رەت سايلاۋدىڭ بىلىقتارىن اشكەرەلەپ شىعا بىلدىك. بۇل فاكت.
الدا قوعامدىق سەنىم جونىندەگى كەڭەس بار. بۇل تۋراسىن ايتقاندا بيلىكتىڭ ءوزى ۇسىنىپ وتىرعان پلاتفورما. كەڭەستە دە قيتۇرقى ويىندار وينالاتىنى بەلگىلى. تاريxىمىزدا بۇرىن دا كەڭەس دەگەن ساياسي ويىندار بىرنەشە رەت بولعان. سوڭى نەمەن بىتكەنىن ءبارىڭىز بىلەسىزدەر. تاريxتاعى قاتەلىكتى قايتالاماس ءۇشىن، جىك-جىككە بولىنگەن الدىڭعى بۋىننىڭ جاساعانىن جاساماس ءۇشىن ازاماتتىق قوعام بەلسەندىلەرى، سايلاۋداعى بايقاۋشىلار، ەلدەگى پارتيالار مەن قوعامدىق ۇيىمدار بارلىق امبيتسيانى ىسىرىپ تاستاپ، ازاماتتىق قوعامنىڭ اتىنان، xالىقتىڭ ءسوزىن سويلەپ ءبىر پوزيتسيادا تۇرۋىمىز قاجەت. 30 جىلدىق جۇيە تىم كۇشتى. ەرتەڭ كەڭەسكە اركىم ءوز پوزيتسياسىمەن، ارقيلى ۇسىنىسپەن كىرەر بولسا ءوزىمىزدى ءوزارا داۋلاستىرىپ قويىپ سوڭىن سيىرقۇيىمشاقتاندىرىپ، ء"بولىپ ال دا بيلەي بەر" دەگەن ستراتەگيامەن كەڭەستەگى ەڭبەك تە ەش كەتەدى.
سايلاۋدا ءار بەلسەندى وزىنە بەرىلگەن ءبىر-ءبىر ۋچاسكەگە جەكە-جەكە باردى. بىراق، كەڭەستىڭ جاعدايى مۇلدەم بولەك. ءبارىمىز ءبىر جەرگە جينالىپ، ورتاق پوزيتسيا ۇستاناتىن جەرىمىز ەندى كەلدى. ەگەر ويلاعانىمىز ەلدىڭ قامى ەكەنى راس بولسا ءدال وسى جەردە بىرىگۋىمىز كەرەك. كەڭەستىڭ جۇمىس ىستەۋ مەxانيزمىن بيلىك سىلتەگەن جولمەن ەمەس، ونلاين وتكىزىپ ەلىمىز تىكەلەي كورىپ وتىراتىن فورماتتا وتكىزۋگە كۇش سالۋىمىز قاجەت.
ال، xالىقتىڭ كوكەيىندە جۇرگەن قانداي ماسەلەلەردى كوتەرۋ قاجەت دەگەن سۇراقتى ازاماتتىق قوعام ەلمەن اقىلداسا وتىرىپ ورتاق كەلىسىمگە كەلۋگە بولادى. پارلامەنتتىك سايلاۋعا ءالى ەرتە، دەمەك بىزگە قانداي ۇيىمعا، قوزعالىس پەن پارتياعا جاتاتىنىمىزعا قاراماي ءبىراۋىزدان بىرىگىپ دەموكراتيالىق سايلاۋ زاڭىن، ساياسي وزگەرىستەر جۇيەسىن ۇسىنىپ، بەكىتىپ الۋعا كۇش جۇمساۋ كەرەك. قازىر بولىنەتىن ەمەس، بىرىگىپ جۇيەگە قارسى ورتاق پوزيتسيامەن شىعاتىن ۋاقىت. الدىمەن بارىمىزگە ءتيىمدى ۇسىنىستاردى بەرىپ، قازىرگى پارلامەنتتەن وتكىزىپ العانشا ءبىر جۇدىرىق بولۋىمىز قاجەت. جۇيەنى رەفورمالاپ العاننان كەيىن اركىم ءوز ساياسي كوزقاراسىنا قاراي پارتيا قۇرۋعا، قوزعالىس اشۋعا بەلسەنە كىرىسە بەرسە بولادى. ءبىر جاعىنان وسى كەڭەستە ەڭبەك ەتۋ ارقىلى ازاماتتىق قوعام وكىلدەرى وزدەرىنە ۇلكەن تاجىريبە جينايدى. ءوز قاسىڭىزدا جۇرگەن سەرىكتەرىڭىزدىڭ كىم ەكەنىن ساياسي پروتسەسس پەن پراكتيكادا شىنايى كورىپ اجىراتاتىن بولاسىزدار. بۇل كەلەشەك ساياسي كارەرالارىڭىز ءۇشىن دە ۇلكەن تاجىريبە. سوندىقتان بارلىقتارىڭىزدى بىرىگۋگە شاقىرامىن. كەڭەستە اركىم ءار جاققا بۇرا تارتپاي ءبىر پوزيتسيامەن شىعايىق. بيلىكتەن الۋعا بولاتىن رەفورمانى ماكسيمۋم الۋعا كۇش سالايىق! ءدال قازىرگى ۋاقىتتا ءبىزدىڭ ءبىر عانا ساياسي باسەكەلەسىمىز بار. ول - بۇگىنگى بيلىك، قازىرگى جۇيە!
باۋىرجان سەرىكبايدىڭ facebook پاراقشاسىنان
Abai.kz
