...2004 جىل. مەن "جالىندا" جاۋاپتى حاتشى، "جاس الاشتا" جارتى ستاۆكىدە ىستەپ جۇرگەنمىن. كەزىندە "كريمينالنىي اۆتوريتەتتىڭ" جۇرگىزۋشىسى بولعان ءبىر جىگىتتەن "90-جىلداردىڭ باسىندا ارىستاعى ارسەنالدان مەنىڭ ءوزىم 12 كاماز قارۋ-جاراق شىعارىپ ساتتىم. كىرەمىن، پاترون-سناريادىن تولىق كومپلەكتتەگەن 50 جاشىك "كالاشنيكوۆ" اۆتوماتىن، 50 جاشىك "ماكاروۆ" پيستولەتىن جانە 50 جاشىك گراناتومەتتى تيەپ بەرەدى، مەن سونىڭ 11 ماشيناسىن شىمكەنتكە، قالعانىن قىزىلورداعا ساتتىم، جانە ءبارىن دەرلىك باسقا ۇلت وكىلدەرى الدى" دەگەنىن ەستىپ، سول جەردە پراپورششيك بولىپ ىستەگەن بالدىزىما تەلەفون سوعىپ ەدىم، ول: "وي، ول راس، تاتە، رەسەيگە كەتىپ جاتقان كومانديرلەر بىلگەنىن ىستەدى!" دەدى.

سوندا دا بولسا سەنىڭكىرەمەي وبلىستىق ءىىب پودپولكوۆنيگى، قۇداما حابارلاستىم. "راس! ولاردىڭ شەكتەن شىققانى سونداي، ءبىر كۇندە 50 ماشينا قارۋ ساتىپ، بىزگە "سيگنال" تۇسكەن سوڭ، ۇقك، پروكۋراتۋرا جانە ءىىب كوميسسيا قۇرىپ، ءۇش وكىل بارساق اسكەري ءبولىم اشىق-شاشىق، مال جايىلىپ ءجۇر ەكەن..." دەگەن ەدى. ماقالا جازدىم، ونى "جاس الاش" باسپاعان سوڭ "اق جول" پارتياسىنىڭ سول كەزدە شىعىپ تۇرعان اپتالىق گازەتى "اقجول- قازاقستانعا" اپاردىم. رەداكتورى دەمالىستا ەكەن، ورىنباسارى باقىت ويسا ويلانىپ بارىپ، باستى... ءبىر ايدان سوڭ حابارلاسسام: "تىپ-تىنىش، ەشكىم ەشنارسە بولماعانداي..." دەدى. "ايتتىم عوي ساعان، ارناۋلى ورىندار جاعدايدى وتە جاقسى بىلەدى" دەپ. سوندىقتان ۇندەمەي وتىر".

ارىستاعى اپات اسكەري بولىمدە ءالى ەشقانداي ءتارتىپ جوقتىعىنىڭ دالەلى، سەبەبى قازىبەك يسا بۇل 2009 جىلدان بەرگى 4-اپات، تەك "بۇل جولعى اپاتتىڭ بەتى الاپات!" دەپ جازىپ جاتىر، ءتارتىپ بار جەردە 4 اپات بولمايدى. قاشان اپاتقا ۇشىراعانشا قيمىلدامايتىن ادەتىمىز عوي. ءبىز وتپەن، وتپەن ەمەس الاپات اپاتپەن ويناپ وتىرمىز. "بۇدان جامان بولۋى مۇمكىن ەمەس!" دەپ ەشكىم ايتا المايدى!..

سوندىقتان، ءبىزدىڭ بيلىك: "ەندى اپات قايتالانبايتىنىنا كەپىلدىك بەرەمىز! بارلىق قاۋىپسىزدىك شارالارى جاسالدى!" دەمەيىنشە حالىقتى قالاعا قايتارۋعا بولمايدى. وزدەرى ارىستا تۇرمايتىن وبلىس، رەسپۋبليكا باسشىلارى "ەندى اپات بولعانشا جان ءناسىپ، بولا قالعان كۇندە دە وعان دەيىن بۇل قىزمەتتە وتىرامىز با، جوق پا؟" دەپ حالىقتى ەرتەرەك تىنىشتاندىرۋ ءۇشىن، ولاردىڭ ءۇي-جايىن جوندەپ بەرۋمەن قۇتىلۋعا ۇمتىلۋى مۇمكىن. سوندىقتان رەسپۋبليكالىق قوعامدىق كوميسسيا قۇرىلىپ، ول اتقارىلار ءىستىڭ بارىسىمەن حالىقتى اشىق تۇردە اپتا سايىن حاباردار ەتىپ تۇرۋى ءتيىس!

ومىرزاق اقجىگىت

Abai.kz