بۇل تەك ونەر سالاسىنا عانا قاتىستى ەمەس. جالپى. بىرەۋ بالىقشى بولعىسى كەلەر، بولسىن. بالكي، اۋستراليا جاعالاۋىنان تۋنەتستى العاش ۇستاپ، اۋكتسيوندا 1 ملن دوللارعا ساتقان قازاق بولاتىن شىعار. بىرەۋ سۋرەتشى بولعىسى كەلەر، بولسىن. بالكي، ءبىز قاستەەۆتەن اسىپ ءتۇستى دەپ ماقتاناتىن، و دۇنيەدە رەمبراندت "دا نۋ" دەپ باس شايقاتىن مىقتى بولار. بىرەۋ گۇل ءوسىرۋشى بولعىسى كەلەر، جولىن اشايىق. مۇمكىن "قىزعالداقتىڭ وتانى" اتاۋىن شىنايى وسى ەلگە قايتارار.

بار سالاعا قاتىستى دۇنيە وسى. عىلىمعا ما، ونەرگە مە، سپورتقا ما، قاي سالانى ءسۇيىپ، قاي سالاعا بەيىم، تالانتى بار، سول سالاعا بەرگەن دۇرىس. كورشىنىڭ نە ايتقانى، قوعامنىڭ نە دەيتىنى، تۋىستىڭ نە ويلايتىنى ماڭىزدى ەمەس، ماڭىزدىسى بالاڭىزدىڭ ءوز ماماندىعىن ءسۇيىپ وقۋى. وعان ىنتىق بولۋى. ءسىز ءۇشىن بىرەۋدىڭ پىكىرىنەن گورى، بالاڭىزدىڭ ءومىرىنىڭ جارتى ۋاقىتى وتەتىن ماماندىعىندا باقىتتى بولۋى ماڭىزدى شىعار.

ەشبىر اتا-انا بالاسىنا جاماندىق تىلەمەيدى. دەگەنمەن بالانىڭ تالانتىن وزگەنىڭ پىكىرىنە قاراپ تۇنشىقتىرۋ قاتەلىك. ءتىپتى بۇل سالانىڭ بولاشاعى كۇماندى دەگەن كۇننىڭ وزىندە دە، سول سالانى سۇيگەن ادام ودان نان تاۋىپ جەيتىنىنە مەن سەنەمىن. ءوز سالاسىن سۇيگەن جان، سول سالادا جەتىستىككە جەتەدى.

مىنا گراففيتيدى ءوز تالانتىن اشا بىلگەن جان سالعانىنا قۋانىپ وتىرمىن. بىرەۋ ءۇشىن بۇل ۆانداليزم شىعار، بىراق مەن ءبىر ونەردىڭ تۋىندىسىن كورىپ تۇرمىن. ەۋروپادا گراففيتيمەن بايىپ كەتكەندەر بار. ءبىز ءوز قازاعىمىزدىڭ بالاسى وسىلاي گراففيتى سالامىن دەسە، اۋىزبەن ءبىر، ارەكەتپەن ەكى مارتە جامباسقا لاقتىرامىز دا، ارتىنان رەسەيدەن ءۇي سىرتىنا سۋرەت سالۋعا مامان شاقىرامىز. نە دەيمىز ەندى، قۇي كارل! قازىر ءبىزدى تالايدى)