سىردىڭ باس شاھارىندا وبلىس اكىمدىگى مەن كاسىپكەرلەر پالاتاسىنىڭ ۇيىمداستىرۋىمەن «قازاقستاننىڭ ۇزدىك تاۋارى - 2019» وڭىرلىك كورمە-بايقاۋى بولدى،- دەپ حابارلايدى اباي-اقپارات.

بۇل شاراعا وبلىس اكىمىنىڭ ورىنباسارى مۇرات يماندوسوۆ، كاسىپكەرلەر پالاتاسى وڭىرلىك كەڭەسىنىڭ، «اتامەكەن» ۇكپ ىسكەر ايەلدەر كەڭەسىنىڭ مۇشەلەرى، قارجى ينستيتۋتتارىنىڭ وكىلدەرى مەن ايماق كاسىپكەرلەرى، سونداي-اق وبلىس تۇرعىندارى قاتىستى. بۇل جوبا ەل نارىعىن جوعارى ساپالى جانە باسەكەگە قابىلەتتى ونىممەن تولىقتىرۋعا جاردەمدەسۋگە، كاسىپكەرلەردىڭ وتاندىق ءونىمنىڭ ساپاسىن ارتتىرۋعا باعىتتالعان قىزمەتىن جانداندىرۋعا باعىتتالعان «قازاقستاننىڭ ۇزدىك تاۋارى» كورمە-بايقاۋى مەملەكەت باسشىسىنىڭ جارلىعىمەن 2006 جىلدان باستاپ وڭىرلىك جانە رەسپۋبليكالىق دەڭگەيدى وتكىزىلىپ كەلەدى. ال 2015 جىلدان باستاپ بۇل جوبانىڭ «اتامەكەن» ۇلتتىق كاسىپكەرلەر پالاتاسى ۇيىمداستىرۋدا. «قازاقستاننىڭ ۇزدىك تاۋارى» كورمە-بايقاۋى ءۇش نوميناتسيا بويىنشا جۇرگىزىلەدى:

1) «وندىرىستىك ماقساتتاعى ۇزدىك تاۋارلار»;

2) «حالىق تۇتىناتىن ۇزدىك تاۋارلار»;

3) «ۇزدىك ازىق-تۇلىك تاۋارلارى».

شارا ۇيىمداستىرۋشىلارى قاتىسۋشىلاردىڭ سانى جىل سايىن ارتىپ كەلە جاتقاندىعىن ايتادى. ماسەلەن، 2016 جىلى 17, 2017 جىلى 22, 2018 جىلى 33 كاسىپكەر بايقاۋعا باق سىناعان بولسا، بيىلعى جىلى وڭىرلىك بايقاۋعا ايماق كاسىپكەرلىگىنىڭ ءتۇرلى سالاسىنان 50 ءتاۋاروندىرۋشى قاتىسۋدا. بايقاۋعا قاتىسۋشىلاردى باعالاۋ جۇمىستارىن قۇرامىندا بيزنەس، مەملەكەتتىك ورگان وكىلدەرىنەن تۇراتىن ساراپشىلار جۇرگىزدى.

ناتيجەسىندە 3 نوميناتسيا بويىنشا 9 جەڭىمپاز انىقتالدى. وتكەن جىلدان باستاپ جەڭىمپازداردى دارەجەسىنە قاراي ءبولۋ ء(ى، ءىى، ءىىى ورىن دەپ) دە الىنىپ تاستالدى.

«قازاقستاننىڭ ۇزدىك تاۋارى - 2019» وڭىرلىك كورمە-بايقاۋىنىڭ جەڭىمپازدارى:

- «وندىرىستىك ماقساتتاعى ۇزدىك تاۋارلار» نوميناتسياسى بويىنشا «ءمادي قاجى» جشس، «قازاقستاندىق مۇناي-حيميالىق كەميكال كومپانياسى» جشس، «شيەلى تاس» جشس;

- «حالىق تۇتىناتىن ۇزدىك تاۋارلار» نوميناتسياسى بويىنشا جك «شاك-دي»، «اس-كا» جشس، جك «بيلساريەۆا گۇلزات»;

- «ۇزدىك ازىق-تۇلىك تاۋارلارى» نوميناتسياسى بويىنشا «براۋنيس-قازاقستان» جشس، «اباي-داۋلەت» جشس، جك «ءابدىللا».

مۇنان وزگە، «قازاقستاننىڭ ۇزدىك تاۋارى - 2019» وڭىرلىك كورمە-بايقاۋى شاراسى اياسىندا بايقاۋعا قاتىسۋشىلاردان وزگە ايماقتىڭ 20 ءتاۋاروندىرۋشىسى ونىمدەرىن حالىققا ۇسىندى. سونداي-اق، شاراعا قاتىسۋشىلار شيەلى، قازالى اۋداندارى مەن قىزىلوردا قالاسىنىڭ تىگىنشى-كاسىپكەرلەرى: توعجان مۇساەۆا، ساۋلە كەنجەەۆا، گۇلزات بيلساريەۆا، دينارا شاكيروۆا، «جانزەرە» جشس، «اس-كا» جشس-ءى تىككەن ۇلتتىق، زاماناۋى جانە ارناۋلى جۇمىسشى كيىمدەرىنىڭ كورسەتىلىمىن تاماشالادى. شارا سوڭىندا، «قازاقستاننىڭ ۇزدىك تاۋراى - 2019» وبلىستىق كورمە-بايقاۋىنا ونىمدەرىن

اكەلىپ، بەلسەندى قاتىسقان كاسىپكەرلەردى وبلىستىق كاسىپكەرلىك جانە تۋريزم باسقارماسىنىڭ باسشىسى فەردوۋسي قوجابەرگەنوۆ پەن كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ العىس حاتتارمەن ماراپاتتادى.

Abai.kz