"قازاقستان رەسپۋبليكاسى كونستيتۋتسياسىنىڭ 44-بابى 20) تارماقشاسىنا سايكەس قاۋلى ەتەمىن: 1) قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسى تۋرالى ەرەجە; 2) قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ قۇرامى بەكىتىلسىن. 2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى" دەلىنگەن مەملەكەت باسشىسى جارلىعىندا.

قازاقستان رەسپۋبليكاسى پرەزيدەنتىنىڭ جانىنداعى

ۇلتتىق قوعامدىق سەنىم كەڭەسى تۋرالى

ەرەجە

1. جالپى ەرەجەلەر

1. قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسى (بۇدان ءارى – ۇلتتىق كەڭەس) قازاقستان رەسپۋبليكاسىنىڭ پرەزيدەنتى جانىنداعى كونسۋلتاتيۆتىك-كەڭەسشى ورگان بولىپ تابىلادى.

2. ۇلتتىق كەڭەس قىزمەتىنىڭ نەگىزگى ماقساتى جۇرتشىلىقتىڭ، ساياسي پارتيالاردىڭ، ازاماتتىق قوعامنىڭ وكىلدەرىمەن كەڭىنەن تالقىلاۋ نەگىزىندە مەملەكەتتىك ساياساتتىڭ وزەكتى ماسەلەلەرى بويىنشا ۇسىنىستار مەن ۇسىنىمدار تۇجىرىمداۋ بولىپ تابىلادى.

3. ۇلتتىق كەڭەس ءوز قىزمەتىندە قازاقستان رەسپۋبليكاسىنىڭ كونستيتۋتسياسىن، زاڭدارىن، قازاقستان رەسپۋبليكاسى پرەزيدەنتىنىڭ اكتىلەرىن، وزگە دە نورماتيۆتىك قۇقىقتىق اكتىلەردى، سونداي-اق وسى ەرەجەنى باسشىلىققا الادى.

2. ۇلتتىق كەڭەستىڭ نەگىزگى مىندەتتەرى

4. ۇلتتىق كەڭەستىڭ نەگىزگى مىندەتتەرى:

تۇجىرىمدامالاردىڭ، مەملەكەتتىك باعدارلامالاردىڭ جانە نورماتيۆتىك قۇقىقتىق اكتىلەردىڭ جوبالارىنا قوعامدىق ساراپتاما جۇرگىزۋ;

جۇرتشىلىقتىڭ جانە ازاماتتىق قوعامنىڭ پىكىرىن ەسكەرە وتىرىپ ماڭىزدى ستراتەگيالىق پروبلەمالاردى قاراۋ;

جۇرتشىلىقتىڭ، ساياسي پارتيالاردىڭ، ۇكىمەتتىك ەمەس سەكتوردىڭ جانە مەملەكەتتىك ورگانداردىڭ وكىلدەرى اراسىندا سىندارلى ديالوگتى قامتاماسىز ەتۋ;

ءوزىنىڭ قۇزىرەتى شەگىندە قازاقستان رەسپۋبليكاسىنىڭ زاڭناماسىنا قايشى كەلمەيتىن وزگە دە قىزمەتتى جۇزەگە اسىرۋ بولىپ تابىلادى.

3. ۇلتتىق كەڭەستىڭ قۇرامى

5. ۇلتتىق كەڭەس ونىڭ توراعاسىنان، ورىنباسارىنان، مۇشەلەرىنەن جانە حاتشىدان تۇرادى.

6. ۇلتتىق كەڭەستىڭ توراعاسى (بۇدان ءارى – توراعا) قازاقستان رەسپۋبليكاسىنىڭ پرەزيدەنتى بولىپ تابىلادى.

7. توراعا:

ۇلتتىق كەڭەستىڭ قىزمەتىنە جالپى باسشىلىق جاسايدى;

ۇلتتىق كەڭەستىڭ وتىرىستارىن وتكىزۋ ورنى مەن ۋاقىتىن ايقىندايدى;

ۇلتتىق كەڭەس توراعاسىنىڭ ورىنباسارىنا، مۇشەلەرىنە جانە حاتشىسىنا تاپسىرما بەرەدى.

8. ۇلتتىق كەڭەستىڭ قۇرامى بەلگىلى مەملەكەت جانە قوعام قايراتكەرلەرىنىڭ، ساياسي پارتيالار، ۇكىمەتتىك ەمەس سەكتور وكىلدەرىنىڭ قاتارىنان قالىپتاستىرىلادى.

قازاقستان رەسپۋبليكاسى پرەزيدەنتى اكىمشىلىگىنىڭ باسشىسى، قازاقستان رەسپۋبليكاسىنداعى ادام قۇقىقتارى جونىندەگى ۋاكىل، قازاقستان رەسپۋبليكاسىنداعى بالا قۇقىقتارى جونىندەگى ۋاكىل، قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل ءوز لاۋازىمدارىنا سايكەس ۇلتتىق كەڭەستىڭ قۇرامىنا كىرەدى.

توراعانىڭ شەشىمى بويىنشا ۇلتتىق كەڭەسكە رەسپۋبليكالىق جانە جەرگىلىكتى دەڭگەيدەگى قوعامدىق كەڭەستەردىڭ وكىلدەرى، سونداي-اق وزگە دە ادامدار ەنگىزىلۋى مۇمكىن.

9. ۇلتتىق كەڭەستىڭ شەشىمدەرىمەن قوعام دامۋىنىڭ جەكەلەگەن سالالارى بويىنشا جۇمىس توپتارى قۇرىلۋى مۇمكىن.

جۇمىس توپتارى ۇلتتىق كەڭەستىڭ قۇرامىنان قۇرىلادى.

10. ۇلتتىق كەڭەستىڭ مۇشەلەرى:

ۇلتتىق كەڭەستىڭ جۇمىس جوسپارى، ونىڭ وتىرىستارىنىڭ كۇن ءتارتىبى مەن ماسەلەلەردى تالقىلاۋ ءتارتىبى بويىنشا ۇسىنىستار ەنگىزۋگە;

ۇلتتىق كەڭەستىڭ وتىرىستارىنا ماتەريالداردى، ونىڭ شەشىمدەرىنىڭ جوبالارىن دايىنداۋعا قاتىسۋعا;

ۇلتتىق كەڭەستىڭ وتىرىسىندا قارالاتىن ماسەلەلەردى قوعامدا تالقىلاۋعا جانە تۇسىندىرۋگە قاتىسۋعا قۇقىلى.

ۇلتتىق كەڭەستىڭ مۇشەلەرى وزدەرىنىڭ وكىلەتتىكتەرىن باسقا ادامدارعا بەرۋگە قۇقىعى جوق.

ۇلتتىق كەڭەستىڭ مۇشەلەرىندە مەملەكەت باسشىسى قول قويعان، قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسى مۇشەسىنىڭ كۋالىگى بولادى.

11. ۇلتتىق كەڭەستىڭ حاتشىسى:

ۇلتتىق كەڭەستىڭ جۇمىس جوسپارى جوباسىنىڭ ازىرلەنۋىن قامتاماسىز ەتەدى;

ونىڭ وتىرىستارىنىڭ كۇن ءتارتىبى جوباسىن جاسايدى;

ۇلتتىق كەڭەس وتىرىستارى ماتەريالدارىنىڭ، سونداي-اق حاتتامالىق شەشىمدەر جوبالارىنىڭ دايىندالۋىن ۇيىمداستىرادى;

ۇلتتىق كەڭەس مۇشەلەرىنە ۇلتتىق كەڭەستىڭ كەزەكتى وتىرىسىنىڭ وتەتىن ورنى، ۋاقىتى جانە كۇن ءتارتىبى تۋرالى حابارلايدى، ولاردى قاجەتتى ماتەريالدارمەن ۋاقتىلى قامتاماسىز ەتەدى;

جەكەلەگەن جۇمىس تۇرلەرىن جۇزەگە اسىرۋ ءۇشىن ساراپشىلاردى، عالىمداردى جانە مامانداردى بەلگىلەنگەن تارتىپتە تارتادى;

وڭىرلەردە كوشپەلى كونسۋلتاتيۆتىك كەڭەستەر وتكىزەدى;

توراعانىڭ تاپسىرمالارى بويىنشا وزگە وكىلەتتىكتەردى جۇزەگە اسىرادى.

4. ۇلتتىق كەڭەستىڭ قىزمەتىن ۇيىمداستىرۋ

12. ۇلتتىق كەڭەستىڭ وتىرىستارى قاجەتتىگىنە قاراي وتكىزىلەدى، بىراق جىلىنا ءۇش رەتتەن ءجيى وتكىزىلمەيدى.

ۇلتتىق كەڭەستىڭ وتىرىستارى جالپى پلەنارلىق جانە تاقىرىپتىق بولىپ بولىنەدى.

ۇلتتىق كەڭەستىڭ وتىرىسىندا مۇشەلەرىنىڭ جالپى سانىنىڭ كەمىندە جارتىسى قاتىسسا، ونىڭ قۇقىقتىق كۇشى بار دەپ ەسەپتەلەدى.

13. ۇلتتىق كەڭەستىڭ شەشىمدەرى ونىڭ وتىرىسىنا قاتىسىپ وتىرعان مۇشەلەرىنىڭ داۋىس بەرۋى ارقىلى جالپى سانىنىڭ كوپشىلىك داۋسىمەن قابىلدانادى.

وتىرىسقا قاتىسۋشىلاردىڭ داۋىستارى تەڭ بولعان جاعدايدا توراعانىڭ داۋىسى شەشۋشى بولىپ تابىلادى.

توراعا جەكەلەگەن ماسەلەلەر بويىنشا شەشىمدەر قابىلداۋدىڭ وزگە ءتارتىبىن ءوزىنىڭ قالاۋىنشا بەلگىلەۋگە قۇقىلى.

14. ۇلتتىق كەڭەستىڭ شەشىمدەرى توراعا قول قوياتىن حاتتامامەن رەسىمدەلەدى.

15. ۇلتتىق كەڭەستىڭ ۇسىنىمدارىن العان مەملەكەتتىك ورگاندار، سونداي-اق قوعامدىق بىرلەستىكتەر ولاردى قارايدى جانە قابىلدانعان شەشىمدەر تۋرالى ۇلتتىق كەڭەسكە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپتە حابارلايدى.

16. ۇلتتىق كەڭەستە تالقىلاناتىن مەملەكەتتىك ساياساتتىڭ وزەكتى ماسەلەلەرى مەن ۇلتتىق كەڭەستىڭ وتىرىستارىندا قابىلدانعان شەشىمدەر جۇرتشىلىقتىڭ نازارىنا بۇقارالىق اقپارات قۇرالدارى ارقىلى جەتكىزىلەدى، سونداي-اق ينتەرنەت جەلىسىندە ورنالاستىرىلادى.

17. ۇلتتىق كەڭەستىڭ وتىرىستارىنا توراعانىڭ شەشىمى بويىنشا ۇلتتىق كەڭەستىڭ  مۇشەلەرى  بولىپ تابىلمايتىن لاۋازىمدى ادامدار، سونداي-اق قوعامدىق ۇيىمداردىڭ، بۇقارالىق اقپارات قۇرالدارىنىڭ وكىلدەرى شاقىرىلۋى مۇمكىن.

5. ۇلتتىق كەڭەستىڭ قىزمەتىن قامتاماسىز ەتۋ

18. ۇلتتىق كەڭەستىڭ جۇمىس ورگانى قازاقستان رەسپۋبليكاسى پرەزيدەنتى اكىمشىلىگىنىڭ ءتيىستى قۇرىلىمدىق بولىمشەسى بولىپ تابىلادى.

19. ۇلتتىق كەڭەستىڭ جۇمىس ورگانى:

ۇلتتىق كەڭەس قىزمەتىن اقپاراتتىق-تالدامالىق قامتاماسىز ەتۋدى جۇزەگە اسىرادى;

جۇكتەلگەن مىندەتتەردى ورىنداۋعا قاجەتتى اقپاراتتى، قۇجاتتار مەن ماتەريالداردى مەملەكەتتىك ورگاندار مەن ۇيىمداردان سۇراتادى جانە الادى;

جۇمىس توپتارىنىڭ قىزمەتىن ۇيلەستىرۋدى جۇزەگە اسىرادى;

ۇلتتىق كەڭەس قابىلداعان شەشىمدەردىڭ ورىندالۋ بارىسىنا باقىلاۋدى جۇزەگە اسىرادى;

ۇلتتىق كەڭەستىڭ قىزمەتىن قامتاماسىز ەتۋ ءۇشىن قاجەتتى وزگە وكىلەتتىكتەردى جۇزەگە اسىرادى.

ۇلتتىق قوعامدىق سەنىم كەڭەسىنىڭ
قازاقستان رەسپۋبليكاسى پرەزيدەنتىنىڭ جانىنداعى

قۇرامى

Abai.kz