قىزىلوردا وبلىسىنىڭ اكىمى قۋانىشبەك ىسقاقوۆ وڭىردە 6 ايدىڭ ىشىندە اتقارىلعان جۇمىستاردى قورىتىندىلاپ، الداعى جوسپارلار جونىندە ايتتى،- دەپ حابارلايدى اباي-اقپارات.

بۇگىنگى كۇنى سىر ءوڭىرىنىڭ الەۋمەتتىك-ەكونوميكالىق دامۋىنىڭ بارلىق كورسەتكىشتەرى بويىنشا، ونەركاسىپتىك ءونىم كولەمىن قوسپاعاندا، وڭ ديناميكا قالىپتاسىپ وتىر.

- ەكونوميكاعا تارتىلعان ينۆەستيتسيا 2 ەسە، قۇرىلىس 2,4 ەسە، تۇرعىن ءۇيدى پايدالانۋعا بەرۋ 21,6 پايىز كولەمى بويىنشا جانە اۋىل شارۋاشىلىعىندا 2,3 پايىز ءوسىم قامتاماسىز ەتىلدى. سوڭعى 6 جىل ىشىندە وبلىستا مۇناي ءوندىرۋ كولەمى 4,2 ملن.تونناعا قىسقاردى. بولجام بويىنشا، بيىلعى جىلى تاعى 1,1 ملن.تونناعا قىسقارادى دەپ وتىرمىز. جالپى وڭىرلىك ءونىمنىڭ 35% جانە وڭىردەگى بارلىق ونەركاسىپ ءوندىرىسىنىڭ 70% استامى مۇناي وندىرۋگە تيەسىلى ەكەنىن ەسكەرسەك، بۇل البەتتە ەكونوميكانىڭ بارلىق سالالارىنا تىكەلەي جانە جاناما اسەر ەتەتىنى بەلگىلى. وبلىستىڭ ەكونوميكالىق دامۋىنداعى وسىمگە قول جەتكىزۋ ءۇشىن ءبىز ايماق ەكونوميكاسىن يندۋستريالاندىرۋ ارقىلى ءارتاراپتاندىرۋ ستراتەگياسىن جۇزەگە اسىرۋدامىز. قازىرگى تاڭدا يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى اياسىندا جۇزەگە اسىرىلعان 24 جوبانىڭ 18-ءى 90%-دان 100%-عا دەيىن جوسپارلى قۋاتتىلىعىن يگەردى،- دەدى وبلىس اكىمى ق.ىسقاقوۆ.

2019 جىلدىڭ 1 جارتىجىلدىعىندا وندىرىلگەن ءونىم كولەمى بىلتىرعى جىلدىڭ وسى كەزەڭىمەن سالىستىرعاندا 18%، ال ەكسپورت كولەمى 37% ارتقان. سونىمەن قاتار ءوڭىردىڭ ءىرى ينۆەستيتسيالىق جوبالارىمەن قاتار شاعىن وندىرىستەردى دامىتۋ جونىندە دە ءتيىستى جۇمىستار قارقىندى جۇرگىزىلۋدە. بۇعان بايلانىستى ءوڭىر باسشىسى:

- وسىعان بايلانىستى ءبىز "قاراپايىم زاتتار ەكونوميكاسى" باعدارلاماسى اياسىندا جالپى قۇنى 12,6 ملرد. تەڭگە بولاتىن 124 جوبانى جۇزەگە اسىرۋ بويىنشا جۇمىس جاساۋدامىز. بۇل - ەت-ءسۇت ونىمدەرىن ءوندىرۋ جانە قايتا وڭدەۋ، سۋسىندار مەن قۇرىلىس ماتەريالدارىن شىعارۋ. وسى جوبالاردى جۇزەگە اسىرۋ ارقىلى ءبىز يمپورتتى تومەندەتە وتىرىپ، ءبىر مەزگىلدە ءوزىمىزدىڭ جەرگىلىكتى شيكىزات بازاسىن دامىتامىز، - دەدى.

وبلىس اكىمى ايماقتا قولعا الىنىپ جاتقان باعدارلامالامالارعا توقتالدى. ايتالىق، "اۋىل – ەل بەسىگى" جوباسى شەڭبەرىندە الەۋمەتتىك جانە ينجەنەرلىك ينفراقۇرىلىمدى نىعايتۋعا باعىتتالعان وبلىستىڭ ەكى اۋدان ورتالىعىندا 21 جوبانى جۇزەگە اسىرۋ بويىنشا ءتيىستى جۇمىستار اتقارىلۋدا. سونداي-اق ول "بايقوڭىر" كەشەنىن دامىتۋ بويىنشا قاجەتتى شارالار اتقارىلىپ جاتقاندىعىن جەتكىزدى.

- سونىمەن قاتار، كوممۋنالدىق قىزمەتتەردىڭ جوعارى ءتاريفى مەن قولدانىستاعى سالىقتىق رەجيم تۇرعىنداردىڭ كاسىپكە دەگەن بەلسەندىلىگىن تەجەپ وتىر. وسىعان بايلانىستى، قازاقستان رەسپۋبليكاسى مەن رەسەي فەدەراتسياسىنىڭ XV ايماقارالىق ىنتىماقتاستىعىنىڭ فورۋمى بارىسىندا قازاقستان رەسپۋبليكاسىنىڭ تۇڭعىش پرەزيدەنتى–ەلباسى نۇرسۇلتان ءابىشۇلى نازارباەۆتىڭ "بايقوڭىر" كەشەنىندە ەركىن ەكونوميكالىق ايماق قۇرۋدى پىسىقتاۋ تۋرالى تاپسىرماسىن جۇزەگە اسىرۋ

ماقساتىندا، ءبىز ءوز تاراپىمىزدان "بايقوڭىر" ەركىن ەكونوميكالىق ايماق قۇرۋ تۇجىرىمداماسىن جانە "بايقوڭىر" ارنايى ەكونوميكالىق ايماق قۇرۋ تۋرالى ۇكىمەتارالىق كەلىسىم جوبالارىن دايىندادىق. پرەزيدەنتتىڭ قولداۋىن كۇتۋدەمىز، - دەدى قۋانىشبەك دوسمايىلۇلى.

جاقىندا قازاقستان رەسپۋبليكاسىنىڭ تۇڭعىش پرەزيدەنتى-ەلباسى ن.ءا. نازارباەۆتىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا قىزىلوردا وبلىسىنىڭ وزەكتى ماسەلەلەرى قارالعان ەدى. ەلباسى اكىمدىكتىڭ بارلىق ۇسىنىستارىن ماقۇلداپ، ءوڭىردىڭ 2019-2022 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن بەكىتۋدى تاپسىرعان بولاتىن.

«اتالعان تاپسىرمانى ورىنداۋ ماقساتىندا اعىمداعى جىلدىڭ ماۋسىم ايىندا ۇكىمەتپەن كەشەندى جوسپار قابىلداندى. كەشەندى جوسپاردى ىسكە اسىرۋ ناتيجەسىندە 2022 جىلدىڭ قورىتىندىسىمەن جالپى وڭىرلىك ءونىم كولەمى 2 ترلن 62 ملرد.تەڭگەگە ۇلعايتىلاتىن بولادى. قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ توراعالىعىمەن ۇكىمەتتىڭ كەڭەيتىلگەن ءماجىلىسى ءوتتى. ماجىلىستە مەملەكەت باسشىسى ۇكىمەتكە جانە ايماق باسشىلارىنا حالىقتىڭ تابىسىن كوتەرىپ، ءال-اۋقاتىن جاقسارتۋعا باعىتتالعان توعىز مىندەتتى جۇكتەدى. ولار: يندۋستريالاندىرۋ، اگروونەركاسىپتىك كەشەندى جانە كاسىپكەرلىكتى دامىتۋ، تۇراقتى ماكروەكونوميكالىق ورتا قالىپتاستىرۋ، بيۋدجەت قاراجاتىن پايدالانۋدىڭ تيىمدىلىگىن ارتتىرۋ، ءومىر ءسۇرۋ ساپاسىن جاقسارتۋ، ءبىلىم جانە دەنساۋلىق ساقتاۋ جۇيەسىن نىعايتۋ، ايماقتاردى دامىتۋ، مەملەكەت باسقارۋ تيىمدىلىگىن جانە مەملەكەتتىك قىزمەتتەر ساپاسىن ارتتىرۋ ماسەلەلەرى. ءبىزدىڭ ەندىگى مىندەت – ايماقتا باستالعان جۇمىستى قارقىندى دامىتۋ. بۇعان ءبىزدىڭ الەۋەتىمىز دە، مۇمكىندىگىمىز دە تولىق جەتەدى،- دەدى ايماق باسشىسى.

Abai.kz